"AND" (Contén)

PERSOEIRO

Escritor indio. De nome Shrivastar Dhanpatran, cultivou a súa obra, ambientada na India tradicional, en hindi e urdu. Cómpre salientar a novela Godan (1936) e os oito volumes de narracións de Mansarovar (O lago sagrado, 1936-1950).

PERSOEIRO

Político sudafricano. Fundou a República de Natal, despois de aniquilar os zulús na Batalla de Blood River (1838). Anexionado este estado por Reino Unido, fracasou no seu intento de independizar Orange (1848), pero conseguiu facelo co Transvaal (1852).

PERSOEIRO

Escritor grego. Famoso polas súas novelas O sol da morte (1960), A cabeza de Medusa (1964) e O pan dos anxos (1966), editou as cartas que lle enviou o seu mestre N. Kazandzakis.

GALICIA

Sacerdote. Bacharel en Teoloxía na Universidad de Navarra (1992) e diplomado en arqueoloxía cristiá polo Pontificio Instituto de Archeologia Cristiana de Roma, especializouse en literatura cristiá antiga. Desde 1995 é profesor no Instituto Teolóxico Divino Maestro de Ourense e desde 1998 director do Centro Teolóxico a Distancia San Martín da diocese ourensá. Colaborador de diversas publicacións, escribiu Impresos y bibliotecas del siglo XVI en Ourense (2004). No ano 2012, foi nomeado Vicario para la Nueva Evangelización.

PERSOEIRO

Director de orquestra, pianista e compositor. Coñecido como André Previn, interesouse pola música impresionista francesa e destacou como autor de obras do romanticismo tardío. Foi discípulo de P. Monteux en dirección e de J. Acron e M. Castelnuovo-Tedesco en composición. Director da Houston Symphony Orchestra (1967-1969), da London Symphony Orchestra (1968-1979) e da Orquestra Filharmónica de Oslo (desde 2002), é autor de Symphony for String (1965), Overture to a Comedy (1966) e Peaches (1978).

IGREXAS

Igrexa parroquial situada en Proente (A Merca). Foi construída en dúas etapas distintas: a capela maior, cuberta con bóveda de estrela, data dos ss XVI-XVII, e a nave, con cuberta de madeira, é do s XVIII; no seu interior destaca un retablo barroco.

PERSOEIRO

Físico. A partir de 1923 residiu en Rusia, onde se formou na Universidade de Leningrado. Naturalizado ruso, en Moscova estudou a propagación das ondas electromagnéticas, a radiofísica cuántica e sobre todo os xeradores e amplificadores moleculares; o desenvolvemento destes deu lugar ao máser. En 1959 recibiu o Premio Lenin e en 1964 o Premio Nobel de Física, xunto a N. G. Basov e C. H. Townes.

PERSOEIRO

Poeta ruso. Formou parte do exército vermello (1919-1930), como reflicten as escolmas Polden’ (Mediodía, 1931) e Ulica Krasnykh zor’ (Rúa dos olmos vermellos, 1931). Posteriormente cultivou outros temas, aínda que mantendo o ton patriótico e as formas populares, que reflectiu en Rossija (Rusia, 1944) e Zareč’je (Alén do río, 1955).

1. Maneira de influír na opinión pública co fin de conseguir condutas colectivas encamiñadas cara a certas metas relixiosas, sociais, políticas ou doutra índole. Baséase en lemas, na ostentación e na reiteración, fomentando a emotividade, reducindo o campo de visión e disimulando as súas últimas motivacións. A súa finalidade é convencer e conseguir unha acción inmediata.

2. Medios ou materiais (anuncios, carteis, panfletos, etc), que serven para propagar unha cousa.

PUBLICACIÓNS

Publicación editada en Santiago de Compostela a partir de 1885. Subtitulada “Revista semanal de ciencias”, foi fundada e dirixida polo doutor A. Vila Nadal. Imprimiuse nos obradoiros da Tipografía Galaica. De carácter científico, tentou ofrecer datos sobre as novidades aparecidas en Galicia, a situación das estacións de bioloxía, os laboratorios, os xardíns botánicos, a Universidade compostelá, disposicións lexislativas e artigos de crítica e reflexión sobre cuestións relativas ás ciencias.