"ALE" (Contén)

Agrupación de restaurantes pioneira en Galicia, fundada en 1982 da man do desaparecido periodista e gastrónomo Jorge Víctor Sueiro. Ten a vocación de difundir e promocionar as excelencias da cociña e dos viños galegos como recurso turístico, e de fomentar a profesionalización do sector, non só co seu labor nas cociñas e comedores dos seus respectivos restaurantes, senón tamén, a través da publicación de receitarios de cociña e de libros sobre a cociña galega, participando en charlas, conferencias, etc. Convoca anualmente o concurso de difusión gastronómica Álvaro Cunqueiro, en colaboración co concello de Lalín, e entrega os títulos Grandes Cociñeiras do País Galego a aquelas persoas que dende as tabernas sentaron as bases da actual restauración de prestixio, xunto ao premio de Grande Adegueiro do País Galego. Da mesma forman parte: José González Solla, do restaurante Casa Solla, en Poio, presidente de Amigos da Cociña Galega; Ramón Porto Vilas, dos restaurantes Casa Vilas e Anexo Vilas,...

Revista periódica especializada en haxiografía que publica de xeito anticipado os resultados das investigacións que aparecerán definitivamente nas Acta Sanctorum. Contén así mesmo un amplo repertorio bibliográfico.

Colección de fragmentos literarios escollidos.

Nome co que se coñece a obra na que se recollen as Conversas de Confucio.

Proxección ortográfica do xiro celeste sobre o plano do meridiano. Permite determinar a altura dun astro nun certo momento. Aplicado ao Sol permite determinar simultaneamente a declinación solar e a ecuación do tempo para cada día do ano.

Anacronía que retoma acontecementos pasados ao momento actual do discurso, rompendo a orde sucesiva do relato. O fenómeno contrario denomínase prolepse.

Recuperación das forzas despois dunha enfermidade.

Obra de Narcís Feliu de la Penya na que recolle en tres volumes a historia de Catalunya dende a prehistoria ata o ano 1709; o seu obxecto era difundir unha versión catalá sobre a historia do Principado.

Revista de economía fundada no ano 1941 en Madrid. Órgano do Instituto Sancho de Montcada do CSIC.

Historia dos reinos da Coroa Aragonesa do historiador aragonés Jerónimo Zurita. Dividida en 30 libros, os 20 primeiros conteñen a historia da Coroa de Aragón dende o s VIII ata o fin do s XV. Os outros 10 forman a Historia del rey Fernando el Católico. A primeira edición é do 1562, que suscitou fortes polémicas. Está considerada como unha das obras fundamentais da historiografía catalano-aragonesa.

Subtitulada como “Publicación del Magisterio”, editouse en Lugo no ano 1870. Contiña información de carácter educativo.

Obra en dous tomos publicados respectivamente nos anos 1733 e 1736 en Santiago de Compostela. Constitúen unha serie de relatos baseados en lendas e antigos cronicóns sen aval de rigor científico. O seu autor foi Francisco Manuel de la Huerta (1697-1752). Froito das súas viaxes son os Anales, nos que recompilou cantos datos puido sobre xeografía, historia e arqueoloxía de Galicia. O seu carácter barroco revélase na súa inclinación polo fantástico. Pese a ser un home estudoso da historia, a súa obra foi cualificada polos ilustrados da época como moi pouco acertada e fiable, chea de tópicos xa desterrados. O Padre Sarmiento afirmaría do seu autor que semellaba escribir sobre Galicia dende a Patagonia ou California. A obra foille dedicada ao Apostolo Santiago, o que valeu ao seu autor a gratificación e recoñecemento do Cabido catedralicio de Compostela.

(Nicea 1258 - Constantinopla 1332) Emperador de Bizancio (1282-1328). Fillo de Miguel VIII. Asociado ao imperio polo seu pai, tomou ao seu servizo a Compañía Catalana de Roger de Flor contra os turcos ( almogáver). Anexionou a rexión de Valaquia (1318) e protexeu a colonia xenovesa contra Venecia. Desfixo a unión con Roma (Lión 1274) e depuxo ao seu partidario, o Patriarca de Constantinopla Xoán XI. Despois da guerra civil que mantivo co seu neto Andrónico III, foi vencido e deposto (1328).