"SS" (Contén)

DIARIOS

Diario británico fundado en 1900 por Arthur Pearson que forma parte do grupo xornalístico Express, editor tamén de Sunday Express e Daily Star. Introdutor das técnicas periodísticas norteamericanas, ao agrupar na primeira páxina os títulos das noticias máis importantes do día, en 1912 sufriu a súa primeira gran transformación da man de lord Beaverbrook. Conseguiu ser durante a Segunda Guerra Mundial o diario líder e chegar aos tres millóns de exemplares diarios en 1964. Malia que en 1968 ocupaba o segundo lugar en número de vendas, despois do Daily Mirror, a finais dos anos noventa iniciou un declive no que apenas tiña unha tiraxe dun millón. Dirixido por Rosie Boicott, caracterízase por ser un xornal achegado politicamente ao centro esquerda. En novembro de 2000, o empresario Richard Desmond, propietario da compañía Northern & Shell e da publicación OK!, mercou este grupo xornalístico.

PERSOEIRO

Escultor grego. Atribúeselle o grupo escultórico de Deméter, Ártemis Despoina e Anito, localizado en Licosura (Arcadia), do que se conservan tres cabezas monumentais no Museo Nacional de Atenas. Esculpiu tamén estatuas de madeira con cabeza, mans e pés de mármore.

PERSOEIRO

Actor cinematográfico. Coñecido como Kirk Douglas, estudiou letras na Saint Lawrence University e interpretación na American Academy of Dramatic Art. A principios da década dos corenta debutou en Broadway con papeis secundarios. Comezou no cine con pequenas aparicións en The Strange Love of Martha Ivers (O estraño amor de Martha Ivers, 1946) e Out of Past (Retorno ao pasado, 1947). Durante os anos cincuenta e a primeira metade dos sesenta protagonizou gran cantidade de películas, entre as que destacan Along the Great Divide (Camiño da forca, 1951), The Big Carnival (O grande entroido, 1951), The Big Sky (Río de sangue, 1952), Man Without a Star (A pradería sen lei, 1955), Lust for Life (O tolo de pelo vermello, 1956), Paths of Glory (Sendeiros de gloria, 1957) ou Spartacus (1960). Tamén participou noutros títulos como The Arrangement (O compromiso, 1969), The Fury (A furia, 1978),...

PERSOEIRO

Poeta noruegués. Pastor protestante, escribiu poemas de cariz relixioso-popular para a educación do pobo e un catecismo protestante en verso. Así mesmo, publicou Nordlands Trompet (A trompeta de Nordland, 1739).

PERSOEIRO

Enxeñeiro aeronáutico. Interesado desde novo pola aviación, desenvolveu melloras nos avións franceses da Primeira Guerra Mundial. Desde 1945 construíu un holding industrial e financeiro moi diversificado, que tiña como núcleo a sociedade Avions Marcel Dassault, que realizou os modelos dos grandes cazas Mirage e Mystère.

PERSOEIRO

Director cinematográfico estadounidense. Comezou como realizador nos EE UU, pero en 1950, presionado polo maccarthismo, estableceuse en Europa. Deste xeito continuou a súa carreira con diferentes filmes, como Night and the City (1950); Du Rififi chez les hommes (1955), premiada no festival de Cannes; Phaedra (1962); Topkapi (1964) e Circle of Two (1980).

PERSOEIRO

Médico francés. Realizou estudios na Université de Paris, onde se doutorou en 1945, e no Harvard Medical School. Os seus traballos máis importantes están dedicados ao estudo dos antíxenos de superficie dos leucocitos e á localización dos xenes que controlan a súa produción e transmisión hereditaria. Membro do Comité de Bioética da UNESCO. No ano 1980 recibiu o Premio Nobel de Medicina e Fisioloxía, que compartiu con G. Snell e B. Benacerraf.

PERSOEIRO

Físico norteamericano. Realizou estudios nas universidades de Chicago e Princeton, onde se doutorou en 1911. Foi profesor de física no Carnegie Institute of Technology (1911-1917) e, posteriormente, traballou no departamento de enxeñería da Western Electric Company e na University of Virginia. Realizou numerosas investigacións no campo da emisión termoiónica dos metais e foi un dos precursores da microscopia electrónica. Investigou, xunto con L. H. Germer, a difracción dos electróns. En 1937 compartiu con sir George Thomson o Premio Nobel de Física polos seus traballos sobre a difracción electrónica.

PERSOEIRO

Pedagogo e psicólogo francés. Doutorouse en Letras en 1937, despois de exercer como profesor na Escola Normal. Ensinou pedagoxía e psicoloxía na Universidade de Estrasburgo (1945-1956) e, despois, foi catedrático de Ciencias da Educación na Sorbonne e desempeñou o cargo de director do laboratorio de pedagoxía. Centrou os seus estudios na adolescencia e, sobre todo, nos intereses e necesidades desta etapa e no seu aproveitamento pedagóxico. É autor, entre outras, de La crise d’originalité juvénile (1937), Comment étudier les adolescents (1938), Les étapes de l’éducation (1952), La psychologie de l’enfant (1956) e Traité des sciences pédagogiques (1969), en colaboración con Gaston Mialaret, unha extensa enciclopedia que trazaba o panorama das ciencias da educación nos pasados anos setenta.