"eo" (Contén)

Relativo ou pertencente á xeofísica.

Persoa especialista en xeofísica.

Detector de ruídos ou ondas sonoras subterráneos constituído esencialmente por un micrófono e un amplificador. Emprégase, por exemplo, no rescate de persoas soterradas accidentalmente.

Sismógrafo que se emprega en investigacións sísmicas, especialmente nas do petróleo.

1. Ciencia que trata de analizar e explicar a localización e a distribución no espazo dos diferentes elementos da superficie terrestre e a súa evolución. O seu obxectivo é a análise do resultado das relacións entre dúas estruturas diversas: a física e a humana, ambas as dúas obxecto de estudo doutras ciencias que analizan aspectos parciais. Os estudos sobre a forma da Terra e a súa posición respecto aos astros foron iniciados polos caldeos, chineses e aztecas, entre outros pobos. Estes coñecementos formaron parte da xeografía pero acabaron desenvolvendo unha ciencia propia, a astronomía. Os gregos aplicaron un gran rigor nos estudos astronómicos e, a súa expansión polo Mediterráneo, levonouno a unha sistematización das observacións de navegantes e viaxeiros. Apareceu entón a corografía e paralelamente, comezou o desenvolvemento da cartografía. As achegas máis importantes na elaboración de itinerarios e descricións foron as de Estrabón e C. Ptolomeo, cuxa concepción, aínda que moi deformada,...

2. xeografía biolóxica

   bioxeografía.

3. xeografía económica

   Rama da xeografía que estuda o home como produtor e os resultados das súas actividades.

4. xeografía física

   Rama da xeografía que estuda todos os elementos naturais inanimados que constitúen a superficie terrestre, coa finalidade de analizar e comprender o medio onde vive o home e as actividades que este realiza. A diversidade dos elementos de estudo obriga a subdividila en diversas ramas como a climatoloxía e a xeomorfoloxía, que tamén se relaciona coa xeoloxía, incluíndo a paleoxeografía, a hidroloxía e a ocenografía.

5. xeografía humana

   Rama da xeografía que estuda todo o que está en relación co home e as súas actividades. Segundo os enfoques no estudo do home pode dividirse en: xeografía social, económica e do establecemento humano.

6. xeografía rexional

   Rama da xeografía que estuda todos os elementos xeográficos que aparecen nun sector concreto da superficie terrestre ou unha parte destes elementos, para poñer de manifesto as interrelacións que se producen.

7. xeografía social

   Rama da xeografía que estuda o home e os grupos humanos en si mesmos, considerando a existencia e os efectos da evolución e da organización.

8. xeografía xeral

   Rama da xeografía que estuda un elemento xeográfico ou un conxunto de elementos xeográficos en toda a superficie terrestre para establecer unha tipoloxía determinada.

Conxunto dos accidentes e características físicas dun territorio.

Estudo dos fenómenos relativos ás propiedades magnéticas da Terra. Desde o s XIX, con Gauss, sóubose que a Terra se comporta como unha gran dínamo e que a parte máis interna, de natureza metálica, se transformou nun grande imán pola indución das correntes eléctricas existentes nas zonas periféricas. Na Terra existen dous campos magnéticos diferentes, un interno permanente e un externo moi variable. As variacións dos polos magnéticos ao longo da historia da Terra proporcionan datos moi importantes para o estudo da evolución do planeta, sendo estudados polo paleomagnetismo.

magnetismo terrestre.

Persoa versada en xeometría.

Eiruga dos insectos lepidópteros da familia dos xeométridos.