"Omo" (Contén)

1. Que vai en sentido contrario ao normal.

2. Dise dos peixes que, procedentes do mar, van reproducirse aos ríos ou ás lagoas litorais. Considéranse parcialmente anádromas aquelas especies que, sendo mariñas, van desovar en augas menos profundas ou costeiras e as especies de auga doce que se trasladan augas arriba dos ríos para esmillar.

1. Primate fósil da familia dos anaptomórfidos.

2. Familia fósil, procedente do Eoceno de Europa e Norteamérica, de primates braquicéfalos da suborde dos lemuroideos, coa porción anterior das órbitas moi grandes, sen sínfise mandibular e con dentición en parte de tipo insectívoro. Pertencen a esta familia os Anaptomorphus. Serviron para relacionar a orde dos primates cos insectívoros.

1. Reunir, soldar por anastomose.

2. Soldarse por anastomose.

1. Reunión de dous vasos, nervios, láminas, etc, directamente ou mediante un terceiro. As anastomoses arteriovenosas establecen unha ponte entre unha arteriola e unha vénula, para eludir a circulación capilar. As anastomoses intercoronarias poden actuar como un mecanismo defensivo nos casos de isquemia coronaria.

2. Comunicación artificial, entre dous condutos orgánicos normalmente separados, con fins terapéuticos.

3. Proceso polo que o curso dun río presenta unha serie de canles que se entrecruzan formando unha rede non xerarquizada. Por mor deste entrecruzamento e da acumulación de material aluvial fórmanse insuas.

1. Relativo ou pertencente á anastomose.

2. Que presenta anastomose.

1. Que pertence á suborde dos anomocelos.

2. Anfibio da suborde dos anomocelos.

3. Suborde de anfibios anuros integrada por individuos que teñen vértebras anficélicas ou procélicas, e que carecen de costelas. Comprende dúas familias, a dos pelobátidos e a dos pelodítidos.

1. Que se propaga en sentido contrario ao habitual.

2. Dise da ramificación na que as follas, flores, etc, aparecen dispostas en hélice de sentido contrario á hélice correspondente ás follas, flores, etc, do eixe primario.

3. Transmisión do impulso nervioso en sentido contrario ao fisioloxicamente habitual.

PERSOEIRO

Cardeal secretario de estado dende 1848 ata a súa morte. Foi presidente da Consulta do Estado, dende onde redactou o Estatuto Constitucional dos Estados Pontificios. Defensor do absolutismo papal, rexeitou no nome do Papa a lei de garantías e foi contrario á convocatoria do Concilio I do Vaticano.

1. Atribución de forma e características humanas a calquera obxecto ou animal.

2. Doutrina que utiliza nocións propias da natureza ou da conduta do home para explicar entidades diferentes deste, sexan as cousas do mundo natural ou de Deus. A cualificación de antropomorfo ten un senso pexorativo e aplícase fundamentalmente ás doutrinas da física antiga.

3. Tendencia e doutrina que concibe a divindade atribuída con características humanas. Dáse cun maior ou menor grao en todas as relixións, na medida en que as representacións que o home fai da divindade parten da forma de ser do propio home, a miúdo rematando por determinalas. É a forma propia das relixións politeístas e das mitoloxías, entre as que cómpre salientar a grecorromana.

4. Recurso literario que consiste en atribuír calidades e propiedades humanas a animais, vexetais ou entes inanimados e abstractos.

1. Semellante ao home.

2. Forma ou representación do corpo humano. Adoitan denominarse así as representacións de seres humanos que se consideran deliberadamente incompletas ou imprecisas, fundamentalmente nas artes primitivas.

3. Denominación informal, resultado de interpretacións desfasadas do feito evolutivo, que abrangue os homínidos non humanos (orangután, gorila e chimpancé) do Vello Mundo e os seus antepasados fósiles agrupados por compartir as seguintes características: falta total de cola, maior desenvolvemento das extremidades anteriores respecto das posteriores, falta de bolsas nas meixelas, redución ou ausencia das calosidades das nádegas e encéfalo moi desenvolvido. Tamén se denominan grandes simios ou, de xeito máis incorrecto, primates superiores.

CAPITAIS

Capital do Ken de Aomori, no norte da illa de Honshū, Xapón (287.297 h [1991]). Centro comercial e de exportación (arroz, tecidos, tabaco). Porto.