"RAI" (Contén)

PERSOEIRO

Militar e político peruano. Interveu no golpe de estado que derrocou o Presidente Guillermo Billinghurst (4.2.1914) e ocupou provisionalmente a Presidencia da República (1914-1915), ata a elección de José Pardo. En 1930 participou no derrocamento do Presidente Leguina, que deu o poder ao comandante Luis Miguel Sánchez Cerro. Despois do asasinato do Presidente Sánchez Cerro, regresou do seu exilio europeo e foi elixido Presidente. Durante os anos da súa Presidencia (1933-1939) iniciou unha política de conciliación con Colombia e de represión da oposición interior. Nos últimos anos do seu mandato tivo que facer fronte a un movemento revolucionario encabezado polo xeneral Rodríguez, feito que lle valeu como pretexto para modificar a Constitución.

PERSOEIRO

Deseñador, pintor e gravador francés. Traballou para a corte de Luís XIV. É autor de escenarios, vestidos e composicións para festas e celebracións. Foi o creador do estilo Berain, de grande influencia sobre os decoradores do s XVIII.

PERSOEIRO

Cirurxián e oftalmólogo inglés. Foi un dos primeiros en practicar a hipnose con finalidade terapéutica (braidismo) e en describir os fenómenos buscando unha explicación dende un punto de vista psicofisiolóxico. Publicou Neurohypnology, or the rational of nervous sleep considered in relation with animal magnetism (Neurohipnoloxía ou o sono racional dos nervios considerado en relación co magnetismo animal, 1843) e The power of the mind over the body (O poder da mente sobre o corpo).

PERSOEIRO

Prehistoriador e arqueólogo. Especializado no Pre-neolítico e Neolítico do Oriente Próximo, onde escavou, entre outros, o poboado de Jarmo. É autor da teoría das zonas nucleares para explicar a aparición e o desenvolvemento da economía da produción, a agricultura e a gandería. Entre as súas publicacións destacan The Near East and the Foundations for Civilisation (O Oriente Próximo e os fundamentos da civilización, 1952), Curses to Urban life (Maldicións para a vida urbana, 1962) e The Cultures Bases in the Domestication of Plants and Animals (As bases culturais na domesticación de plantas e animais, 1971).

PERSOEIRO

Educador francés. Cego dende os tres anos, foi alumno e profesor (1828) do Institut des Aveugles, de París. Tomando como base a sonografía Barbier, inventou un método de escritura feito por medio de impresións en relevo sobre láminas, que permite un tipo de lectura analítica e táctil á velocidade de 125 a 175 palabras por minuto. O sistema Braille foi aceptado como oficial no 1854 no Institut des Aveugles e, no 1878, no Congreso Internacional de París como un sistema universal de ensino para cegos.

PERSOEIRO

Novelista inglés. Promoveu o grupo Angry Young Men. O heroe da súa primeira novela, Room at the Top (Habitación nas alturas, 1957), é o perfecto rapaz irado. Esta obra alcanzou un grande éxito coa súa sucesora Life at the Top (Vida nas alturas, 1962). Entre as súas últimas obras destacan Finger of Fire (Dedo de lume, 1977) e The Two of Us (Dous de nós, 1984).

PERSOEIRO

Prateiro de orixe portuguesa asentado en Galicia. Está documentado que realizou unha cruz para a confraría de santa Eufemia do gremio de zapateiros de Ourense (1567), xunto con Rodrigo Pereira; un cáliz de prata para o mosteiro de Montederramo (1573) e unha cruz e un incensario para o convento de santa Marta de Ribadavia. No seu testamento mandaba que o seu sobriño Juan de Sousa rematase os traballos que estaba realizando: unha cruz de prata para a igrexa de Sejalvo, unha cruz para a igrexa de san Xoán de Río (Tribes) e outra para a igrexa de santa Cristina de Parada (Caldelas).

PERSOEIRO

Mestre de cantería francés. De orixe probablemente borgoñona, traballou en Santiago de Compostela para o bispo Diego de Muros. É o autor, xunto a Guillén de Colás, no ano 1520, da fachada do Hospital Real dos Reis Católicos. Colaborou con Juan del Castillo na igrexas de Caminha e dos Jerónimos de Lisboa.

PERSOEIRO

Mártir cristián, bispo de Sebaste, en Armenia. Tivo sona de taumaturgo e curandeiro, e moitas son as lendas milagreiras que se lle atribúen. A máis popular é a da espiña de peixe: unha muller desesperada leva perante del o seu fillo, medio esganado por unha espiña de peixe que se lle espetara na gorxa; o santo prendeu os dous cirios que a nai ofrecera como exvoto na festa da Candeloria do día anterior, e colocounos en forma de aspa para tocar, deste xeito, o colo do doente que, de súpeto, quedou libre da espiña. Outra lenda conta como unha pobre muller, desesperada porque un desalmado lobo lle roubara un porco, a súa única riqueza, acode ao santo quen obrigou a fera a restituír a presa; por esta razón, tense considerado como cristianización do mito grego de Orfeo, amansador das feras. Foi martirizado baixo Diocleciano: os verdugos pendurárono do alto dun poste, cunha polea, e esgazaron as súas carnes con peites de ferro ou restrelos para asedar o cánabo; logo foi decapitado. A pesar da...

FILOSOFOS

Filósofo inglés. Profesor de Filosofía Moral nas universidades de Cambridge (1928-1953) e Knightsbridge (1953-1967). Analizou a estrutura das teorías físicas e aplicou a teoría dos xogos aos problemas morais. É autor de Theory of Games as a Tool for the Moral Philosopher (Teoría dos xogos como unha ferramenta para a Filosofía Moral, 1951), Scientific Explanation. A Study of the Function of Theory, Probability and Law in Science (Unha explicación científica. Estudio sobre a función da teoría, probabilidade e lei na ciencia, 1953) e An Empiriscist’s View of the Nature of Religious Belif (Visión empirista da natureza da crenza relixiosa, 1955).

PRAIAS

Praia do fondo da ría de Ares, na súa beira setentrional e na foz do río Eume, no litoral da parroquia e concello de Cabanas. Pola súa situación preto da encrucillada das estradas que unen Betanzos, A Coruña, Ferrol e As Pontes de García Rodríguez, é unha das máis concorridas polos bañistas de todo o litoral do golfo Ártabro, fóra das situadas nos principais núcleos urbanos.

GALICIA

Fotógrafo. Coñecido co pseudónimo de Mundo Cal, desenvolveu a súa actividade dende os anos setenta. Foi a partir de 1980 cando viaxou por diferentes países do sur e centro de América como Nicaragua, Guatemala, El Salvador, Panamá e México, nos que había conflitos armados, realizando reportaxes fotográficas; amais, co mesmo propósito, percorreu outros países do norte de África. As súas imaxes reflicten o sufrimento pola guerra e o xeito de vida das xentes que habitan eses lugares. En 1988 pasou a colaborar coa organización non gobernamental Entrepobos, fundamentalmente en proxectos de cooperación en Centroamérica e con refuxiados en Quintana Roo e Chiapas (México). Entre as numerosas exposicións nas que participou destacan: Fotoxornalistas galegos, Nicaragua. A revolución acosada (1983), Testemuñas (1996) e Sobrevivir (1997). Tamén a nivel profesional, colabora con diversos xornais e revistas como El Pueblo Gallego, A Nosa Terra, La Voz de Galicia, Faro de Vigo, Diario 16 de...

CIDADES

Cidade do departamento de Nord, Cambrésis, Francia, á beira do río Escalda, ao NL de París (33.092 h [1990]). Son tradicionais as industrias téxtiles onde se orixinou o tipo de tecido de algodón coñecido co nome de cambrai. A industria baséase na fabricación de encaixes, fiados, coiro, azucre, cervexa e aceites. A exportación é a base do seu comercio, principalmente de gando vacún e cereais. É un centro de comunicacións ferroviarias, onde se localizan tres estacións. Correspóndese coa antiga Cameracum romana. É bispado desde o s VI e os bispos foron señores desde o s X do condado de Cambrai, erixido no s XVI en ducado. Formou parte dos Países Baixos baixo a dominación española e, pola Paz de Nimega (1678), pasou definitivamente a Francia. A cidade, moi castigada durante as dúas guerras mundiais, conserva a catedral do s XVIII (refeita no s XIX), a igrexa de Saint-Géry (s XVIII), a antiga porta do palacio episcopal (1623) e un beffroi do s XV.