"Tm" (Contén)

PERSOEIRO

Politólogo. En 1871 fundou e dirixiu a École Libre des Sciences Politiques, onde se forma a clase política francesa. Foi nomeado membro da Académie des Sciences Morales en 1880. É o autor de Études de droit constitutionnel (Estudios de Dereito constitucional), Essai d’une psychologie du peuple anglais au XIXème siècle (Ensaio sobre unha psicoloxía do pobo inglés no s XIX, 1901) e Essai d’ une psychologie politique du peuple américain (Ensaio dunha psicoloxía política do pobo americano).

PERSOEIRO

Teólogo e escriturario luterano alemán. Foi catedrático de Novo Testamento e de historia relixiosa do cristianismo primitivo en Marburg dende 1921. O primeiro froito do seu lema “regresar ao Cristo da fe sen sacrificar a sinceridade científica” foi Geschichte der synoptischen Tradition (Historia da tradición sinóptica, 1921), no que consagrou o método da Formgeschichte, o estudo das etapas de formación dos Evanxeos dentro da comunidade cristiá e o descubrimento das diversas capas de que constan. A validez da investigación científica do Novo Testamento, a transcendencia da fe no Cristo e o sentido existencial da mensaxe cristiá son os tres elementos principais da síntese definitiva, proclamada en Neues Testament und Mythologie (Novo Testamento e mitoloxía, 1941), no que propoñía o método da desmitificación.

ILLAS

Illa do Océano Índico, ao S de Xava (135 km2; 1.275 h[1991]). Son importantes os xacementos de fosfatos. Anexionada polo Reino Unido en 1888, en 1984 pasou a formar parte do Territorio do Norte de Australia.

PERSOEIRO

Escultor e arquitecto inglés. Coñecido tamén como Garret, foi autor da fachada da Northumberland House en Charing Cross (Londres) e da estatua ecuestre de Xacobe I na porta de Aldersgate, ambas as dúas obras perdidas. Nomeado escultor da Armada en 1614, realizou xunto cos seus fillos John e Matthias numerosos monumentos funerarios como a tumba de John Abbott, arcebispo de Canterbury, en Guilford.

PERSOEIRO

Arquitecto e teórico de arquitectura. Incorporou á arquitectura popular a linguaxe da arquitectura contemporánea. Estudiou a tipoloxía da vivenda e foi un dos fundadores do Grupo R, que pretendía a renovación da arquitectura. Entre as súas construcións destacan as casas Tápies (1964) e a ampliación da Escola d’Arquitectura (1978). Foi membro da Acadèmia de Belles Arts de Sant Jordi (1977) e recibiu a Medalla de Ouro da IX trienal de Milán (1951).

PERSOEIRO

Pintor e gravador británico. Foi profesor de debuxo no King’s College de Londres (1834-1842). Representante da escola de Norwich, realizou fundamentalmente acuarelas entre as que destaca Greta Bridge (1805?). O seu estilo caracterizouse polo emprego de tintas planas. Ilustrou con augafortes libros sobre arquitectura antiga.

CIDADES

Cidade do land de Renania do Norte-Westfalia, Alemaña, situada á beira do río Werra (69.300 h [1990]). As súas actividades económicas estiveron relacionadas tradicionalmente coas funcións administrativas. O escaso desenvolvemento industrial produciuse a finais do s XIX, grazas á conexión da cidade coa rede ferroviaria. As actividades terciarias dominan sobre a industria, sobre todo o comercio e o turismo.

CIDADES

Cidade do land de Renania do Norte-Westfalia, Alemaña, situada na marxe dereita do Ruhr (594.866 h [1998]). É un dos portos fluviais máis importantes da conca carbonífera do Ruhr e comunica cos portos do N a través da canle navegable Dortmund-Ems. Tamén se converteu nun dos núcleos de poboación máis importantes de Alemaña, resultado da absorción de pequenos núcleos próximos durante o desenvolvemento industrial da cidade. A economía está baseada no sector secundario, que dá emprego ao 40% da poboación activa. Ademais da siderurxia e da extracción de carbón de coque e hulla, son importantes as factorías químicas, o vidro, o papel, o sector alimentario e as fábricas de cervexa, que experimentaron un considerable auxe nos últimos anos. Como gran porto fluvial e nó de comunicacións, conta cun destacado intercambio de produtos agrícolas (hortalizas e froitas) e gandeiros. Fundada antes do ano 885, foi a única cidade imperial de Westfalia. Durante o período de Hansa (s XIII) alcanzou...

PERSOEIRO

Soprano inglesa. Realizou estudios en París e Londres e principiou a súa carreira musical en Berlín. Posuidora dunha técnica vogal depurada, actuou con frecuencia no Metropolitan Opera House de Nova York.

PERSOEIRO

Inventor e industrial fotográfico. Fundador da Eastman Kodak Company, en 1878 comezou a preparar as primeiras placas de bromuro de prata e en 1880 comezou a súa fabricación industrial. A partir de 1881 substituíu as placas de cristal por papel. En 1888 introduciu a primeira cámara Kodak no mercado, preparada cun rolo de película para cen tomas en papel coa que contribuíu á difusión da fotografía no público xeral. Ao ano seguinte inventou unha película transparente de nitrocelulosa que empregou T. A. Edison no seu cinematógrafo. Xa en 1890 sacou ao mercado a Kodak nº 2, que permitía obter 150 imaxes en papel. Cinco anos despois inventou un sistema para cargar e descargar á luz un carrete de doce imaxes coa coñecida Kodak Pocket, un aparato de reducidas dimensións. Posteriormente, inventou a Kodak de tres diafragmas, provista de varias velocidades, e unha cámara para nenos coñecida como Kodak Brownie, cun rolo para seis imaxes. Dedicou unha parte dos seus recursos económicos, obtidos coa...