"Pol" (Contén)

1. Barco de vela de dous paus, maior e trinquete (ademais do bauprés), dunha ou de dúas pezas, sen se cruzar e sen gabias, con vergas e o maior eventualmente provisto de botavara (na polacra redonda), aparellados coma os dos bergantíns. Era propio do Mediterráneo e desde finais do s XVIII aparellou só velas cadradas.

2. Barco de vela de tres paus (ademais do bauprés), o trinquete e o maior de polacra, é dicir, de dúas pezas e con vergas, e o do medio de goleta.

3. Barco de vela de dous ou tres paus (ademais do bauprés), o trinquete de polacra, de dúas pezas e con vergas, e o maior e o do medio (nas polacras goleta de tres paus) de goleta.

MUNICIPIOS

Municipio da provincia de Toledo, Castela-A Mancha, situado ao SO da capital provincial e delimitado ao N polo río Tajo (3.411 h [2001]). Posúe agricultura, gandaría e industrias derivadas.

MUNICIPIOS

Municipio de Cantabria, situado entre os ríos Pas e Saja, ao N de Torrelavega (3.762 h [2001]). A base da súa economía é a agricultura e a gandaría.

PERSOEIRO

Empresario e xurista. Licenciado en Dereito pola Universidad Complutense de Madrid, fundou a Editorial Santillana (1958) e creou o grupo editorial Timón (1972). Impulsor e presidente de Promotora de Informaciones SA (PRISA), presidiu o diario El País (1985-1990) e, desde 1993, Unión Radio, en que se integra a Sociedad Española de Radiodifusión (SER). Membro da Academia Europea de las Artes y de las Ciencias, foi condecorado coa medalla da Universidad Internacional Menéndez Pelayo (1982) pola súa actividade editorial, coa Légion d’Honneur do goberno francés (2004) e foi investido doutor honoris causa pola University de Brown.

PERSOEIRO

Realizador cinematográfico. Supervivente do gueto de Cracovia, amosou a ironía e o sentido do absurdo en boa parte da súa obra. Dirixiu Noz w wodzie (O coitelo na auga, 1962), en que analiza as tensións humanas na sociedade socialista, Repulsion (1965) e Rosemary’s Baby (1968), que significou a súa estrea en Hollywood. O asasinato da súa muller Sharon Tate   (1969 )motivou o seu regreso a Europa. Da súa filmografía destacan Chinatown (1973), Tess (1979), Bitter Moon (1992), Dead and the Maiden (1994), The Ninth Gate (1999) e The Pianist (2002), con que obtivo a Palm d’Or do Festival de Cannes e o Oscar como mellor director.

PERSOEIRO

Químico. Doutorado pola University of Manchester, foi un pioneiro no estudo da dinámica das reaccións químicas e desenvolveu a técnica da quimioluminescencia de infravermellos que constituíu o primeiro paso cara á utilización do láser para controlar as reaccións químicas. Concedéuselle a medalla da Royal Society de Londres (1989) e o Premio Nobel de Química (1986), compartido con D. R. Herschbach e Y. T. Lee, por desenvolver unha serie de regras sobre a dinámica das reaccións.

1. Relativo ou pertencente ao polo.

2. Que está situado nun polo ou preto dun polo.

3. 1. Que presenta polaridade.

   2. disolvente polar

      Medio constituído por moléculas polares e caracterizado por unha constante dieléctrica elevada. A constante dieléctrica å e o momento dipolar ì están relacionados mediante a ecuación de Clausius-Mosotti. Teñen unha grande importancia en cromatografía.

   3. enlace polar

      Enlace covalente entre dous elementos de diferente electronegatividade. A polaridade dun enlace é proporcional á diferenza de electronegatividade dos elementos, e é expresada mediante o momento dipolar.

   4. molécula polar

      Molécula en que a suma vectorial dos momentos dipolares dos enlaces que a forman non é nula.

4. sistema de coordenadas.

5. Gráfico ou diagrama que relaciona os coeficientes de sustentación e resistencia aerodinámicas dun perfil aerodinámico para cada valor do seu ángulo de ataque. Esta relación obtense experimentalmente nun túnel aerodinámico.

6. Eixe de rotación cos extremos diferentes e que presenta a propiedade de que o fenómeno simétrico que ten lugar nun deles non se repite no outro, porque non hai nin eixes paralelos nin planos de simetría perpendiculares a este eixe.

7. ...

1. 1. Propiedade que presentan as membranas celulares, as células (nerviosas ou en mitose e meiose), os órganos e os seres vivos de orientar unha parte da súa actividade nun sentido ou de presentar dous ou máis polos opostos de significación fisiolóxica e morfolóxica diferente.

   2. Distribución polar das substancias celulares no oocito en desenvolvemento avanzado, e posteriormente no ovo, na blástula e no embrión.

2. Propiedade que permite distinguir o polo positivo do negativo e comparar o potencial dun punto co dos polos.

3. Propiedade dun enlace, un átomo ou unha molécula, en virtude da que existe unha separación estable das cargas positivas e negativas.

1. Tendencia dun ión a deformarse, perdendo a simetría esférica do ión libre, a causa das atraccións ou repulsións electrostáticas que experimenta a nube electrónica. É importante sobre todo para os anións, e aumenta co volume e a carga.

2. Capacidade dun medio de polarizar unha radiación electromagnética.

1. 1. Acción e efecto de polarizar ou polarizarse.

   2. Condición dunha radiación luminosa (ou en xeral electromagnética), cuxo vector do campo eléctrico mantén unha certa orientación. Se en todos os puntos da dirección de propagacións ese vector permanece sempre nun mesmo plano (plano de polarización), a polarización é plana ou lineal. Se en cada punto da dirección de propagación o vector describe unha circunferencia, a polarización é circular, e se describe unha elipse é elíptica.

2. 1. Tipo de corrente que consiste no movemento de cargas nun dieléctrico situado nun campo eléctrico. É momentáneo se a ddp aplicada é continua, pero é permanente se é alterna.

   2. polarización dieléctrica

      Modificación de carácter vectorial que experimenta un dieléctrico sometido á influencia dun campo eléctrico. Débese á orientación das cargas moleculares. Exprésase mediante o vector polarización P .

   3. polarización dun eléctrodo

      Diminución do valor absoluto do potencial dun eléctrodo ao adherirse á súa superficie ións do mesmo signo ca el, feito que provoca unha diminución da intensidade de corrente proporcionada.

   4. polarización eléctrica

      Fenómeno que provoca, nun medio dieléctrico neutro, a separación das cargas eléctricas positivas e negativas que o compoñen e que é responsable da aparición, en cada elemento do volume ÄV, dun momento dipolar eléctrico Ä p .

   5. vector polarización

      ector P que equivale ao momento dipolar por unidade de volume que aparece en cada un dos puntos dun dieléctrico sometido a un campo eléctrico E .

3. Superposición, nos sistemas de gravación magnética, dun campo magnético adicional ao creado polo sinal que se quere gravar, coa intención de conseguir unha linearidade aceptable no seu funcionamento. Emprégase xeralmente corrente alterna de frecuencia ultrasónica.

4. ...

1. polarizante.

2. Prisma de Nicol, ou outro sistema óptico (turmalina, película polaroid, etc), que nun polarímetro produce luz polarizada e a envía ao analizador.