polarimetría

Medida da rotación do plano de vibración da luz polarizada cando esta atravesa un medio que contén unha substancia opticamente activa (actividade óptica), xeralmente en disolución. O valor do ángulo de rotación depende da natureza da especie opticamente activa, da lonxitude de onda da luz empregada e da lonxitude de líquido que atravesan os raios. Segundo o signo da rotación, as substancias clasifícanse en dextroxiras ou levoxiras. As medidas polarimétricas realízanse co polarímetro. A polarimetría ten unha grande aplicación na determinación de azucres (sacarimetría). Emprégase tamén na identificación de aminoácidos, péptidos, alcaloides, terpenos e esteroides.