"ALE" (Contén)

1. Relativo ou pertencente ao mamífero da familia dos balenoptéridos.

2. Mamífero da familia dos balenoptéridos.

3. Familia de mamíferos cetáceos da suborde dos misticetos que comprenden diversas especies de baleas do xénero Balaenoptera, denominadas máis propiamente rorcuais. Teñen as barbas máis curtas e ríxidas ca as dos balénidos, e as primeiras vértebras cervicais libres. Baixo o pescozo e o peito teñen unhas grandes pregaduras lonxitudinais.

MUNICIPIOS

Municipio da provincia de Barcelona, na chaira de Vic (3.025 h [1996]). As principais actividades económicas derivan dos seus recursos agropecuarios (cereais, patacas e forraxe) e do gando bovino, porcino e ovino, xunto coa fabricación de embutidos) Tamén cómpre salientar as manufacturas de teas metálicas e de tecidos. A capital municipal é Hostalets de Balenyá.

RIOS

Río que forma a ría de Ladrido. O seu curso discorre por completo polo concello de Ortigueira, cunha dirección basicamente SL-NO. Ten a súa cabeceira nas estribacións meridionais da serra da Coriscada, na parroquia de Devesos, a 400 m de altitude. Drena as parroquias de Devesos, Couzadoiro e O Mosteiro, onde desemboca formando unha marisma, artellando unha rede fluvial composta por numerosos regos entre os que destacan o rego de Lombao e o de Montecalvelo.

PERSOEIRO

Político. Colaborou coa administración británica e influíu na adopción do federalismo como modelo de organización do seu país. Foi primeiro ministro dende o ano 1957, e coa independencia de Nixeria (1960) nomeárono primeiro ministro da federación (1961-1966). Participou na organización do OUA. Morreu asasinado en 1966, no transcurso dun golpe de estado.

PERSOEIRO

Pintora de orixe galega. Estudiou Maxisterio e Belas Artes na Universidad Nacional de la Plata, aínda que se formou no taller de Jorge Demirguian. Foi profesora na Universidad Nacional de la Plata e axudante de cátedra na facultade de Arte da Universidad de Río Cuarto. Realizou exposicións, entre outros países, na Arxentina, Brasil, Italia e Grecia, e tamén en Galicia.

PERSOEIRO

Explorador e comerciante ruso. Adicouse ás actividades mercantís en Siberia. Director da Compañía Ruso-americana, no 1799 tomou posesión de Alasca en nome do Tsar, sendo gobernador deste territorio ata o seu pasamento. Durante o seu mandato fundou colonias e factorías e estableceu relacións entre a colonia de Alasca e os EE UU, California e diversas cidades asiáticas, como Cantón (China) ou Manila (Filipinas).

1. Relativo ou pertencente á comarca da Barcala ou aos seus habitantes.

2. Natural ou habitante da Barcala.

PUBLICACIÓNS

Publicación de carácter mensual aparecida por primeira vez no mes de xaneiro de 1911. Segundo o seu subtítulo era o “Órgano de la Liga Barcalesa. Defensor de los intereses de Barcala”, vencellado por tanto a esa organización de carácter agrarista. Tivo como director a Víctor García Ferreiro. A súa distribución era gratuíta entre os socios residentes en Barcala, e realizábase normalmente os últimos días de cada mes. Non tiña nunca máis de dezaseis páxinas nin menos de catro, e carecía de publicidade. Tratábanse nas súas páxinas diversos temas: a emigración, o momento político, as actividades da Liga e novas tratadas en ton humorístico. Estaba redactada case integramente en castelán aínda que ás veces aparecían colaboracións en galego, principalmente da man do seu director. Algunhas colaboracións destacables foron asinadas por Eloi Páramo e por Salvador Cabeza de León, quen fora alcalde de Santiago de Compostela e membro da Real Academia Gallega.

PERSOEIRO

Poeta en lingua inglesa, posiblemente de orixe escocesa. Compuxo as Eclogues (Églogas) máis antigas en lingua inglesa. Non obstante , a súa obra máis representativa é The Ship of Fools (A nave dos tolos, 1509), que en gran parte constitúe unha tradución e adaptación da obra de S. Brant, documento satírico sobre a época.

PERSOEIRO

Cóengo e historiador de Arte. Escribiu Guía de la archidiócesis de Santiago de Compostela (1965) e Santa María la Real de Conxo (1992); así mesmo, colaborou na realización de varias exposicións, entre as que destaca: Galicia no tempo (1991). Entre outros cargos que desempeñou foi presidente da comisión de cultura e arte do cabido, e director do museo catedralicio. É membro da Real Academia Galega de Belas Artes.

GALICIA

Artista plástico. Licenciado en Pintura pola Facultade de Belas Artes de Pontevedra, pertence á primeira xeración de artistas galegos formados academicamente en Galicia. A súa obra conecta coas manifestacións máis vangardistas, traballa coa manipulación de imaxes por ordenador pero cunha sensibilidade de raizame poética e de índole romántica. Realizou exposicións individuais e participou noutras colectivas. A súa actividade abrangue tamén a teoría artística, coa publicación de artigos e textos.