"ALE" (Contén)

PERSOEIRO

Sacerdote e licenciado en Dereito. Simpatizou co Rexionalismo e mantívose próximo aos militantes de esquerdas, republicanos e carlistas. Foi un dos promotores das revistas Solidaridad Gallega e Galicia Solidaria. O seu pensamento, que se pode definir como neocatólico, está reflectido nas súas obras: Responsabilidad moral (1883), Liberalismo, Quid est? (1890), Reseña histórica y descriptiva de Santa María del campo de la ciudad de La Coruña (1892), La Eucaristía (1899) e Historia primitiva (1902), da que unicamente deixou publicada a primeira parte.

PERSOEIRO

Médico de orixe ucraína. Foi director do Instituto Pasteur e un dos iniciadores da inmunoloxía moderna. Estableceu un método serolóxico para detectar a tuberculose mediante un antíxeno complementario.

PERSOEIRO

Escritor ruso. Publicou o almanaque Pol’arnaja zvezda (A estrela polar, 1823-1825), onde recolle novelas e comentarios críticos románticos. Escribiu tamén Olga (1821) e Mulla Nur. Algunhas das súas obras foron traducidas ao alemán, ao sueco e ao polaco.

PERSOEIRO

Estadista e diplomático. Realizou misións diplomáticas en Londres, Copenhaguen e Hamburgo, enviado pola Emperatriz Ana. Foi partidario da alianza con Austria e Inglaterra contra Prusia; fomentou tamén a política agresiva contra Turquía. Escribiu a obra Os consolos do cristián.

PERSOEIRO

Estadista e diplomático ruso. Como secretario da Emperatriz Catarina II, tomou parte nos acordos secretos co Emperador de Austria Xosé II. No 1787 foi nomeado primeiro mandatario de Asuntos Exteriores, cargo dende o que desenvolveu unha política pacificadora.

PERSOEIRO

Poeta. Da poesía abstracta evolucionou cara á descrición da vida revolucionaria soviética. Escribiu, entre outras, Den’našejžizi (Un día da nosa vida, 1928).

PERSOEIRO

Fillo de escravos africanos, era coñecido co alcume de o Mouro. Pastor e labrego, ingresou na orde dos franciscanos e permaneceu no convento de Santa María de Palermo, primeiro como irmán leigo e logo como superior do cenobio. Recibe culto especial en Sicilia, o seu lugar de nacemento. En Galicia venérase na parroquia de Santa Cristina de Covas, en Meaño, onde se introduciu o culto a comezos do s XIX. Na iconografía represéntase coa faciana de cor negra, co pelo curto e crecho, cunha ampla tonsura monacal e vestindo o hábito castaño dos franciscanos, atado cun cordón. A súa festa celébrase o 4 de abril, agás en Covas, onde se conmemora o martes de Pascua.

PERSOEIRO

Pintor norteamericano. Permaneceu un tempo na Academia de Belas Artes de Pennsylvania, aínda que é de formación autodidacta. Foi catedrático de Arte da Universidade de Missouri (1877). Grande admirador dos pintores holandeses do s XVII, pintou escenas relacionadas coa vida do Mississipi e do Missouri, e tamén temas políticos. Defendeu a arte como imitación da beleza da natureza. Entre as súas obras destaca Traficante de peles descendendo o Missouri (1845).

ESPA¥A

Concello das Illes Balears, no N da illa de Mallorca, na zona de contacto entre a chaira central e os contrafortes da serra da Tramuntana (4.885 h [1996]). Ten importantes extensións de cultivos de secaño (amendoeiras, cerais, viña e oliveiras), canteiras de calizas e industria vitivinícola. Foi fundada no ano 1300 por Xaime II de Mallorca.

1. Calidade de bivalente.

2. Principio da lóxica de sentencias ou proposicións, de carácter semántico, que di: “toda sentenza é certa ou falsa”. Desde o punto de vista sintáctico implica as leis do terceiro excluído, de non contradición e da dobre negación que, en lóxicas non bivalentes, poden chegar a ser falsas.

1. Aplícase ao elemento químico e ao radical que ten unha valencia ou estado de oxidación igual a dous.

2. Que considera, en cada proposición, a posibilidade dun dos dous valores: verdadeiro ou falso.

3. 1. Configuración do emparellamento cromosómico no decurso da primeira división meiótica de dous cromosomas, total ou parcialmente homólogos. A formación de bivalente é un requisito previo para a redución do número cromosómico somático e para a distribución ao azar dos pares de cromosomas homólogos que están emparellados.

   2. bivalente en anel

      Bivalente constituído por dous cromosomas emparellados, con quiasmas terminais en ambos os dous brazos.