"Red" (Contén)

Liñaxe de orixe galega que trae por armas, en campo de prata, un carballo de sinople. Outra variante presenta, en campo de prata, unha cruz floreteada de sinople, acompañada de catro cruces gregas de goles, unha en cada cantón; bordo de azul, cargada de tres flores de lis de prata, colocadas unha en xefe e unha en cada flanco, alternando con cinco cunchas de vieira de prata, colocadas unha en cada cantón do escudo e unha na punta.

Construción situada en Cabanelas (O Carballiño). Á obra orixinal do s XVI engadíuselle outras edificacións. Ten planta cadrada con cuberta a dúas augas. No exterior ten unha escaleira que leva ata unha solaina sostida por columnas rematadas en zapatas decoradas cos escudos dos Losada e Ribadeneira. Conta cunha capela nas proximidades.

Construción situada en Reboreda (Redondela). É obra de finais do s XVII con reformas posteriores. Ten dúas partes diferenciadas, con acceso por dous portóns da fachada principal. A unha delas accédese a través do pórtico onde se sitúa a escaleira e conta cun patio rectangular con decoracións na balaustrada e nos capiteis. Nesta parte hai unha torre que foi reformada. A outra zona conserva a súa estrutura orixinal. A través do portalón accédese a un patio desde o que se sube á planta principal polo patín. A casa comunícase por un pasadizo coa igrexa parroquial. Os escudos, situados sobre os portóns, aluden aos Troncoso, Lira, Mondragón e Soutomaior.

Liñaxe de orixe galega que presenta, en campo de ouro, un barril de goles, superado de tres estrelas de azul colocadas en faixa en xefe.

  (A Coruña?) Arquitecto. Formouse na Escola Superior de Arquitectura de Barcelona. Desde 1977 é profesor na Escola Técnica Superior de Arquitectura da Coruña. Os seus primeiros traballos dirixíronse ao planeamento urbano e á ordenación do territorio, como o estudo sobre o impacto sobre o territorio da Autopista de Atlántico. Realizou a rehabilitación do cuartel da rúa do Hórreo para sede do Parlamento de Galicia en Santiago de Compostela (1987, Premio Julio Galán Carvajal en 1991) e, xunto con Albert Pineda, o Hospital Marítimo de Oza na Coruña (1995-1997, Premio Julio Galán Carvajal en 1998).

Construción situada en Paleo (Carral). Trátase dunha construción en forma de L cunha torre de planta cadrada e ameada nun dos lados. Construíuse en cahotaría agás os esquinais, ocos e cornixas, realizados en cantaría. Está amurallada e rodeada de xardíns. Destaca o escudo con cimeira e dividido en catro cuarteis.

Construción situada na Canda (Piñor). Está formado por dous corpos que adoptan a forma dun T, o máis antigo é o máis ancho, e presenta dous andares. Na fachada principal destaca un arco de medio punto como porta. Na parte posterior ten unha solaina corrida montada sobre piares e balaustrada de madeira á que se accede polo exterior a través dunha escaleira. O escudo alude aos Losada, Mosquera, Camba, Torre, Taboada, Noguerol, Vilamarín, Quiroga e Ribadeneira, entre outros. Atópase dentro dunha leira illada do núcleo urbano.