"Rin" (Contén)

GALICIA

Pintor. Desenvolveu a súa actividade artística en Marín. Autodidacta, cultivou a paisaxe, xeralmente ao óleo, e o bodegón. Nas súas mariñas e paisaxes dominan os grises e azuis degradados. As súas primeiras obras caracterizáronse polo debuxo académico, que posteriormente deixou paso á abstracción con manchas que compoñen campos de cor que sintetizan a natureza que desexa plasmar. Mostrou a súa obra por primeira vez nunha exposición colectiva en Pontevedra (1966), e con posterioridade realizou exposición individuais, entre outras cidades, en Pontevedra, Santiago de Compostela e Ourense, e participou noutras colectivas, como na Bienal de Arte de Pontevedra (1972), na mostra Joven Pintura Gallega na televisión uruguaia, na Segunda Trienal Nacional de Pintura de Santiago de Compostela e na Euroamericana Galleries de Barcelona.

ILLAS

Illa do Océano Ártico, situada no arquipélago Queen Elizabeth, no Territorio do Noroeste, Canadá.

PERSOEIRO

Pintor. Formouse con J. Trumbull e J. Quidor. Retratou a sociedade do seu tempo. Das súas obras destacan Fenimore Cooper, Erastus Dow Palmer e Cyrus McCormick.

1. Relativo ou pertencente ás secrecións internas das glándulas.

2. Glándula que carece de conduto excretor, polo que secreta directamente no medio interno do organismo, normalmente ao sangue, os produtos da súa secreción, para que actúen en diferentes partes do organismo. Nos mamíferos, as glándulas endócrinas son a pituitaria, a glándula adrenal, a tiroide e as glándulas paratiroides, o ovario, o testículo, a placenta e unha parte do páncreas.

3. Conxunto de órganos especializados que sintetizan hormonas e as secretan ao sangue. Os órganos principais que o compoñen son o hipotálamo, a hipófise, a tiroide, as paratiroides, o páncreas, as suprarrenais, as gónadas e a epífise. Cada un destes órganos elabora unhas hormonas determinadas, con accións específicas sobre un tecido ou outro. A regulación deste sistema realízana fundamentalmente o hipotálamo e a hipófise, mediante retroalimentación negativa; isto é, a liberación dunha hormona inhibe que esta se siga producindo. Entre outras funcións que realiza o sistema, cómpre destacar o crecemento corporal, a actividade metabólica celular, o aproveitamento das substancias nutritivas e o desenvolvemento das características sexuais.

1. Cubrir unha superficie de fariña.

2. Manchar con fariña.

3. Mancharse con fariña. Na tradición oral recóllense ditos como: “O que vai o muíño sempre se enfariña.”  OBS: Este uso pronominal non é correcto se se expresa o complemento directo. Enfariñouse cando colleu o pan, en lugar de *Enfariñouse as mans cando colleu o pan.

GALICIA

Político. Traballador de Citroën, participou nas loitas obreiras dos anos setenta e foi elixido concelleiro do Concello de Vigo na primeira corporación democrática por Unidade Galega (1979). Promoveu o asociacionismo veciñal e o cooperativismo.

GALICIA

Xornalista. Licenciada en Ciencias da Información pola Universidad de Navarra, foi, entre 1975 e 1980, cronista de sociedade en Faro de Vigo e Diario de Pontevedra. Desde 1983 colabora na revista Telva. Foi subdirectora de Radio 80 Pontevedra e cronista de sociedade en Onda Cero. En televisión, foi coordinadora do programa Mesa Reservada (TVG), redactora de Antena 3, colaboradora no programa De buena mañana (Antena 3), e entrevistadora en Encantada de la vida (Antena 3), Pasa la Vida (TVE), e Ahora (Antena 3).