"INE" (Contén)

CIDADES

Cidade do departamento do Serna e Marne, Francia (15.942 h [1999]). Situada ao SL de París, ao NL do bosque de Fontainebleau e a tres quilómetros da beira esquerda do río Sena. É un núcleo turístico e residencial. Foi fundada en 1527 por Francisco I nun antigo refuxio de caza. Nela asináronse diversos tratados internacionais. Do seu patrimonio cultural destaca o castelo.

PERSOEIRO

Pedagogo francés. Entrou en contacto co movemento da escola nova e cos seus promotores. En 1927 creou a Coopérative de l’Enseignement Laïc (CEL) e, en 1948, o Institut Coopératif de l’École Moderne onde puxo en práctica o seu ideal educativo. A través da revista L’Éducateur Prolétarien fóronse estendendo as súas ideas pedagóxicas e as súas técnicas didácticas ao servizo dunha escola popular (ou escola moderna, segundo a súa denominación). De tendencias laicistas e socializantes, defendía unha escola en que o traballo cooperativo autoxestionado e experimental fose a base de todas as adquisicións dos nenos. Técnicas ou actividades que introduciu na escola foron, entre outras, o texto libre, o periódico escolar, a correspondencia interescolar, os plans de traballo semanal, a asemblea de clase ou o uso da imprenta escolar, e o diálogo entre as individualidades e o grupo de referencia. Dende antes da Segunda República e a partir das terras de Lleida estendeuse o número de ensinantes...

PERSOEIRO

Navegante francés. Participou co seu irmán Henri de Saulses de Freycinet (Montélimar 1777-Rochefort 1840) na expedición do capitán Baudin ás costas do SO de Australia (1800-1804). Realizou unha viaxe científica ao redor do mundo para estudar o magnetismo terrestre (1817-1820) que recolleu na obra Voyage autour du monde (1824-1844).

PERSOEIRO

Arquitecto e enxeñeiro francés. Pioneiro na utilización do cemento armado e inventor da técnica do cemento pre-comprimido, destinado a mellorar o comportamento estático das estruturas. Aumentaba a elasticidade ao fixar á estrutura de aceiro unha multitude de fíos ou barras metálicas que comprimían previamente o cemento. Director técnico da Enterprises Limousin (1913-1928), proxectou pontes, hangares, pistas de aeródromos e pontes ferroviarias. Entre outros destacan os destruídos hangares de Orly (1916).

PERSOEIRO

Cortesá grega. Amante do escultor Praxíteles, serviulle de modelo para as estatuas de Venus.

PERSOEIRO

Escritor. Eclesiástico e avogado, escribiu Poésies diverses (1655), Roman bourgeois (1666), Voyage de Mercure (1671), Fables morales (1671) e Ditionnaire universel (1684). Tamén fixo un dicionario máis completo ca o da Academie Française, feito que lle valeu a expulsión da institución (1685); como vinganza fixo circular os epigramas Factums.

1. Relativo ou pertencente aos fusilineados.

2. Protozoo fósil da familia dos fusilineados.

3. Familia de protozoos fósiles da orde dos foraminíferos que acadan uns poucos milímetros (algúns exemplares chegan aos 4 cm) e teñen unha cuncha calcaria e multilocular con forma de fuso ou de disco e moi complexa no seu interior. Comprende uns 80 xéneros e unhas 1.000 especies, que viviron durante o Carbonífero e o Pérnico.

1. 1. Cuarto destinado a recibir visitas.

   2. Estancia da casa que servía como tocador para as mulleres.

2. Local destinado á exhibición dunha colección de obxectos curiosos ou destinados ao estudo dunha ciencia ou arte.

3. Cuarto ou lugar de traballo de certos profesionais.

4. Oficina dun organismo encargada de resolver determinados asuntos.

5. Conxunto de ministros que, baixo a dirección do xefe do goberno, constitúen o poder executivo.

6. Pequenas pinturas de cabalete concibidas para ser vistas de cerca. O termo aplícase, en xeral, ás obras destinadas aos interiores burgueses como os cadros de xénero holandeses do s XVII.

7. Departamento de orientación psicopedagóxica que pode funcionar dentro dunha institución escolar para apoiar os alumnos dese centro (xeralmente formado por un psicólogo escolar en coordinación co profesorado), ou fóra como servizo público ou privado que atende a todos os nenos que o soliciten (xeralmente formado por un grupo de profesionais: psicólogos, pedagogos, educadores especializados, etc).

1. Lugar ou instalación que se utiliza para gardar e críar galiñas ou outras aves.

2. Lugar máis alto dun teatro ou cine situado lonxe do escenario ou da pantalla e que ofrece uns prezos máis baratos.

3. Lugar onde hai moito ruído, desorde e confusión.

4. Termo do latín dos chafoutas, ou xerga dos albaneis, que corresponde á voz ‘estada’.

MONTES

Monte que constitúe o cumio da serra do Galiñeiro e que serve de límite ás parroquias (e concellos) de Morgadáns (Gondomar) e Chenlo (O Porriño). Culmina a 709 m de altitude.