"Māra" (Contén)

PUBLICACIÓNS

Publicación aparecida en outubro de 1985 na Coruña e subtitulada “Boletín informativo”. Editada pola Cámara Oficial Minera de Galicia, contén as seccións: “Minería”, “Disposiciones”, “Opinión”, “Noticias” e “Pasatiempos”. É gratuíta e ofrece información do sector mineiro galego, aspectos legais da administración e diversos artigos de opinión.

GALICIA

Actriz. Debutou en 1962 como presentadora no programa televisivo Escala en Hi-Fi e participou en Cancionero e Nuestra guitarra. Debutou no cine en 1965 con Megatón Ye-ye, de Jesús Yagüe, e nas coproducións El salvaje Kurdistán e El ataque de los Kurdos, ambas as dúas de Franz J. Gottlieb, El proscrito del río Colorado, de Mary Dexter, e en El Primer Cuartel, de Ignacio F. Iquino. Tamén colaborou en varias producións españolas: na televisión, en La última batalla (1969), de Paulino R. Díaz; no cine, en Soltera y madre en la vida (1969) e De profesión sus labores (1970), de Javier Aguirre, Tibetana (1970), de John Peyser, e en La Lola dicen que no vive sola (1970), de Jaime de Armiñán.

PERSOEIRO

Cardeal brasileiro. Ordenado sacerdote en agosto de 1931, foi designado bispo auxiliar de Rio de Janeiro en 1952 e posteriormente secretario xeral do episcopado brasileiro. No Concilio Vaticano II actuou como animador do grupo da Igrexa dos Pobres. Despois do Concilio creou o Movimento da Violência dos Pacíficos, que preconizaba un socialismo non totalitario. Loitador dos dereitos humanos e contra a inxustiza social, en 1973 asinou, canda outra ducia de bispos, o documento titulado Escoitei o berro do meu povo, no que denunciaba a situación de miseria do NL do Brasil. Despois de exercer como bispo de Recife entre os anos 1965 e 1985, presentou a súa renuncia e principiou unha campaña pola paz en todo o mundo. En 1974 foi galardoado co Premio Nobel Popular da Paz, distinción creada polo movemento das ONGs norueguesas á marxe das academias oficiais. Foi nomeado doutor honoris causa pola Université de La Sorbonne.

PERSOEIRO

Pintor brasileiro. Estudiou na Escola de Belas Artes de Paraíba. A súa pintura, caracterizada polo onirismo, partiu das influencias do expresionismo alemán e Van Gogh. Entre a súa produción destacan as series Esceas da vida brasileira 1930-1974 e Dez casos de amor e uma pintura de Câmara (1983).

1. Persoa que comparte con outra unha relación de amizade.

2. 1. Persoa que comparte con outra as mesmas ideas ou actividades nun partido político ou nun sindicato.

   2. Persoa que se dedica á mesma actividade que outra ou que forma parte do mesmo colectivo ou asociación.

1. Relación cordial e amigable existente entre camaradas.

2. Relación de cordialidade que se establece entre un grupo de persoas.

1. Relativo ou pertencente aos camarasáuridos.

2. Dinosauro da familia dos camarasáuridos.

3. Familia de dinosauros da infraorde dos saurópodos, de pescozo e cola medianamente longos e con dentes grandes e saíntes, á que pertencen os xéneros Camarasaurus, Euhelopus e Opisthocoelicaudia.

PERSOEIRO

Pintor e deseñador portugués. Estudiou na Escola Superior de Belas Artes do Porto. Membro do Grupo Puzzle, realizou unha obra neofigurativa na que reflectiu os aspectos cotiáns da vida portuguesa. Recibiu, entre outros, o premio de pintura de Vila Nova da Cerveira en 1982.

1. Balsa de tres corpos construída normalmente con troncos, orixinaria das costas do Océano Índico. Emprégase na pesca e para navegar en zonas de rompentes. Ten unha eslora duns oito metros e vai propulsada con remos. Ás veces tamén incorpora unha pequena vela.

2. Embarcación deportiva formada por dous cascos estreitos unidos en paralelo por unha plataforma.

GALICIA

Pintor. Nacido no seo dunha familia campesiña, pasou os seus primeiros anos entre Chapa e Margaride (parroquias do concello de Silleda), ata que en 1913 emigrou a Bos Aires. Alí comezou a pintar os obxectos e cousas que tiña ao seu redor e as paisaxes que lembraba de Galicia. En 1917 ingresou por libre na Academia de Bellas Artes de Bos Aires, ao tempo que estudiaba co pintor arxentino Demetrio Urruchúa, co escultor Planas Casas e co gravador Pompeu Audivert, tamén emigrados. Nestes anos compaxinou a pintura con distintos traballos e colaborou na revista Fuego. Moitas das súas primeiras obras na Arxentina, de carácter expresionista, queimounas ao non consideralas axeitadas. En 1923 participou na Exposición de Arte Gallego de Bos Aires con catro obras de pequeno formato. Regresou a Galicia en 1926 e instalouse en Margaride. Realizou a súa primeira mostra individual na sala de exposicións do Faro de Vigo en 1928, ano no que recibiu unha bolsa da Deputación de Pontevedra que lle renovaron...

PERSOEIRO

Escultor portugués. Formouse na Escola de Belas Artes do Porto, onde posteriormente foi profesor. Realizou a súa obra en pedra e bronce, na que cultivou o torso feminino e as formas votivas orientais. Foi Premio Nacional de Escultura do SECIL (1992).

PERSOEIRO

Rei de Esparta (510-491 a C), fillo de Aristón. Sucedeu o seu pai xunto con Cleómenes I e acadaron a vitoria de Sepeya (494 a C); despois dun enfrontamento co seu irmán, marchou a Persia e converteuse nun dos conselleiros de Darío e Xerxes.