"RAI" (Contén)

1. Relativo ou pertencente aos caraítas.

2. Membro da seita caraíta.

3. Secta xudía que proclama a libre interpretación da Biblia e rexeita a tradición rabínica e oral (Mišna e Talmud). O movemento xurdiu en Persia no s VIII con ‘Anan ben Dawid. Os seus seguidores chamáronse ananitas. A súa doutrina consolidouna Binyamin de Nähāvänd (s IX), autor do primeiro libro de observancia, que lle outorgou o nome definitivo de caraísmo (do hebreo qara’, ‘recitar’). Famosos pola austeridade dos seus costumes e pola observancia estrita das prescricións da Biblia, os caraítas, que sufriron os ataques do xudaísmo ortodoxo, estendéronse de Persia a Palestina e, logo da toma de Xerusalén (1099), emigraron a Exipto; de alí expandíronse por todo o mundo islámico e polos países eslavos. Desde os s XIX habitan, na súa maioría, (5.900 individuos en 1961) en Rusia, Ucraína (na península de Crimea) e Lituania; o resto vive en Israel, na colonia de Matsliah, aínda que manteñen continuamente conflitos coas...

PRAIAS

Praia da beira occidental da ría de Santa Marta de Ortigueira, no litoral da parroquia e concello de Cariño, situada entre o Cabo Ortegal, ao N, e o porto de Cariño, ao S.

PERSOEIRO

Político e militar. Organizador da Revolución do 25 de abril de 1974, foi xefe do Comando Operacional do Continente (COPCON), da rexión militar de Lisboa e membro do Conselho da Revolução. Participou en novembro de 1975 nun intento de golpe militar de esquerda e foi arrestado e apartado do exército. Candidato á presidencia da República (1976 e 1980), en 1984 foi acusado de ser o inspirador do grupo revolucionario Forças Populares-25 de Abril, polo que o condenaron a quince anos de cárcere en 1987. Conseguiu a liberdade en 1989 e indultárono en 1995. Publicou as obras: Cinco meses mudaram Portugal (1975), Alvorada em Abril (1977), O povo é quem mais ordena (1977), Projecto de unidade popular: a organização da força de unidade popular (1980) e Acusação e defesa em Monsanto (1987).

PERSOEIRO

Crítico de arte, xornalista e escritor. Foi redactor de L’Avenç e crítico de arte en La Vanguardia e La Veu de Catalunya. Con Rusiñol defendeu o movemento da arte pola arte e converteuse nun dos iniciadores do modernismo catalán. Loitou contra a pintura histórica e costumista, e defendeu o impresionismo e o prerrafaelismo. Escribiu a novela Els sots feréstecs (As fochas salvaxes, 1901), coa que iniciou o naturalismo rural, e as coleccións de contos Les multituds (As multitudes, 1906) e o Llibre d’històries (Libro de historias, 1909).

PERSOEIRO

Físico e astrónomo francés. Coñecido como Guillaume, investigou a disposición do espello dos telescopios que levan o seu nome. Crese que foi profesor no Collège de Chartres. O seu nome aparece a raíz dunha memoria sobre megáfonos de 1672; na carta de presentación, Henri de Bercé explica que Cassegrain ideara o telescopio reflector. Un século máis tarde, Ramsden evidenciou a utilidade do telescopio de Cassegrain, especialmente en canto á eliminación das aberracións esféricas.

PRAIAS

Praia do litoral da parroquia da Devesa, situada no concello de Ribadeo. Recibe o seu nome das formas provocadas pola erosión diferencial nos seus acantilados, que evocan os arcobotantes exteriores, característicos dos templos góticos.

PRAIAS

Praia da beira oriental da enseada de San Simón, no fondo da ría de Vigo, e no litoral da parroquia de Cesantes, concello de Redondela.

PERSOEIRO

Escritor e erudito inglés. Colaborou no Literary Magazine (1735-1737). Traduciu numerosas obras francesas e foi o editor da Cyclopaedia or Universal Ditionary of Arts and Sciences (1728), que influíu nos enciclopedistas franceses.

PERSOEIRO

Lingüista francés. Especializouse no estudo comparativo do grego antigo e publicou, entre outras obras, La formation des noms en grec (A formación dos nomes en grego, 1932), Grammaire homérique (Gramática homérica, 1942 e 1953) e Ditionnaire étymologique de la langue grecque (Dicionario etimolóxico da lingua grega), que se comezou a publicar en 1967.

CONDADOS

Condado de Irlanda, situado no Munster (4.701 km2; 126.130 h [1996]). A capital é Trá Li (16.988 h [1986]).

PERSOEIRO

Químico alemán. Foi discípulo de August Kekulé na Universidade de Bonn. Traballou na síntese de ésteres cetónicos aromáticos e de β-dicetonas, e na condensación e transposición que leva o seu nome.

DISTRITOS

Distrito de Irlanda do Norte, Reino Unido, drenado polo río Bann (485 km2; 48.100 h [1991]).

PERSOEIRO

Dramaturgo irlandés. Participou na posta en marcha do Abbey Theatre, compañía da que se separou para participar na creación do Theatre of Ireland, entre 1906 e 1912. En 1914 emigrou aos EE UU, onde continuou a súa carreira literaria. Entre as súas obras destacan Broken Soil (Terra baldía, 1903), The land (A Terra, 1906) e The Fiddler’s House (A casa do violinista, 1907), nas que presenta unha visión dos conflitos que provocaron en Irlanda a transición entre a tradición e a modernidade.

PUNTA

Punta da beira meridional da ría de Pontevedra, no litoral da parroquia de Seixo (concello de Marín), situada ao NL da praia de Aguete.