"UNE" (Contén)

PERSOEIRO

Raíña de Polonia, filla máis vella de Bala IV, rei de Hungría, e neta de Teodoro Lascaris, emperador de Constantinopla. Casou aos quince anos con Boleslao o Casto, rei de Polonia, pero non chegou a consumar o matrimonio. Consagrada á vida caritativa, dedicouse fundamentalmente a coidar enfermos nos hospitais. Logo da morte do seu marido (1279), retirouse ao mosteiro de Stary Sạcz. Alexandre VIII canonizouna no 1690. A súa festa celébrase o 24 de xullo.

1. Que ten forma de cuña.

2. 1. Relativo ou pertencente á escritura cuneiforme.

   2. escritura cuneiforme

      Antiga escritura empregada, primeiramente, en Mesopotamia como vehículo do sumerio e do acadio e, posteriormente, noutros países do Oriente Próximo e do Oriente Medio antigos (non pasou polos exipcios). Recibiu este nome debido á forma de cuña dos seus signos, gravados xeralmente cun cálamo sobre táboas de arxila cocidas ao lume (o uso da pedra e do metal foi moito máis restrinxido, sobre todo no caso do segundo). As cuñas poden ter diversas medidas e posicións, e a dirección da súa punta indica cómo se teñen que ler os signos, xeralmente de esquerda a dereita, pero tamén de arriba a abaixo. Considerada nun principio como a escritura dos mesopotámicos, non é senón unha esquematización do sistema gráfico ideado polos sumerios, ao que se chegou por razóns prácticas (dificultade, por exemplo, de reproducir nas táboas de arxila o trazo dos signos pictográficos orixinais). Os seus principios rectores coinciden cos da escritura sumeria. A única diferenza está no feito de que mentres que esta...

CAPITAIS

Capital da provincia homónima, no Piemonte, Italia (54.584 h [estim 1999]). É o principal centro de mercado para a produción agropecuaria da súa provincia, ademais de núcleo industrial e turístico.

PERSOEIRO

Matemático alemán. Ocupou a cátedra de Matemáticas de Gauss na Universidade de Göttingen. Interesouse polas distintas ramas das matemáticas e da física e fixo notables achegas ás mesmas. Na análise estableceu as condicións para que unha función se puidese expresar por medio de series trigonométricas. Estudiou as integrais numéricas e as series que levan o seu nome. Realizou traballos sobre as series de Fourier.

CAPITAIS

Capital da rexión de Otago, Nova Zelanda, situada ao SO da Illa do Sur (112.279 h [1996]). A súa economía está moi diversificada, e abrangue os sectores téxtil, metalúrxico e químico; tamén é importante a exportación de calzado e maquinaria.

GALICIA

Político e empresario. Foi director de Estanislao Durán e Hijos S A, Consignatarios e de Viajes Durán S A. Ocupou diversos cargos públicos: concelleiro de Vigo por Coalición Popular (1979-1982); deputado por Pontevedra no Congreso desde a segunda á cuarta lexislaturas (1982-1996), formando parte do Consello de Seguridade Nuclear; e no Parlamento galego na quinta lexislatura (1997-2001), ocupando a presidencia da Comisión de Pesca e Marisqueo. Foi cónsul honorario de Noruega e Suecia, presidiu a Federación Mundial de Consignatarios de Buques, con sede en Rotterdam (1996-1997), e posúe diversas condecoracións de ordes suecas e norueguesas.

PERSOEIRO

Actor cinematográfico. Coñecido como Javier Escrivá, a súa primeira película, Molokai (1959), de Luís Lucía, deulle unha gran popularidade. Interveu nas películas La rana verde (1960), Milagro a los cobardes (1961), Isidro el labrador (1964), El vikingo (1972), El muñeco anatómico (1973), Tormento (1974), Juego de amor prohibido (1975), La noche de los cien pájaros (1976) e El tesoro (1988), e actuou en televisión. En teatro representou La muralla, de Joaquín Calvo Sotelo.

MUNICIPIOS

Municipio da provincia de Córdoba, Andalucía (9.442 h [1996]). É un importante centro de produción olivareira e aceiteira. De orixes prehistóricas, formou parte do territorio da cidade iberorromana de Ulia e en época musulmá da coroa cordobesa. Ao ser conquistada polos cristiáns (s XIII) pasou a denominarse como o seu conquistador, o alcaide e alguacil de Córdoba, Fernán Nuñez. Do seu patrimonio cultural destacan, entre outros, os xacementos iberorromanos de Valdeconejos e Mudapelo, o palacio ducal de Fernán Nuñez, declarado Ben de Interese Cultural (BIC) xunto co seu contorno en 1983, e a igrexa de Santa Marina de Las Aguas Santas (s XIV), declarada BIC en 1985.

GALICIA

Naturalista, investigador e escritor. Estudiou na Escola Superior da Mariña Civil da Coruña e licenciouse en 1968 na facultade de Náutica de Barcelona. Fundou e presidiu a Asociación Galega para a Cultura e a Ecoloxía e o Instituto Galego de Estudios Mariños, e foi presidente da Asociación de Oficiais da Mariña Mercante. Pertenceu ás xuntas rectoras dos parques naturais das Illas Cíes e do Monte Aloia en representación dos grupos ecoloxistas de Galicia, así como ao Consello Galego de Medio Ambiente. Na área da natureza descubriu as colonias de paíño europeo das costas galegas. Publicou numerosos artigos nas áreas da historia, etnografía, ciencias da natureza, arqueoloxía e espeleoloxía, e libros de investigación, entre os que cómpre destacar Illas de Ons e Sálvora, historia natural e humana, Viaxeiras da auga, Fauna galega para nenos galegos, Cruces mariñas e de mala morte das costas galegas, Illas de Galicia, Cíes y Ons: la ruta de las islas, As covas de Galicia, Tódolos peixes de Galicia,...