"An" (Contén)

PERSOEIRO

Químico. Foi un dos creadores da química agrícola. Aplicou ao estudo dos solos os métodos da análise química. Estudiou a procedencia do nitróxeno presente nos organismos vivos e determinou que o fixaban os vexetais. Foi profesor de Química na Facultade de Ciencias de Lyon e membro da Académie des Sciences.

PERSOEIRO

Romanista occitano. Fundou e dirixiu o Instituto de Estudios Provenzais. Editou Biographies des troubadours (Biografías dos trobadores, 1950) en colaboración con A. H. Schutz, e elaborou unha edición crítica de Li isclo d’or, de Frederic Mistral, que apareceu por primeira vez, postumamente, en 1970.

PICOS

Pico do eixe axial da serra do Barbanza, situado no límite entre as parroquias de Nebra (concello do Porto do Son) e Cures (Boiro). O seu cumio acada os 604 m de altitude.

GALICIA

Doutor en Socioloxía da Educación pola Universidade Complutense de Madrid. Profesor na Universidade de Vigo, publicou as obras: Escola, cultura e vida comunitaria nun concello galego: Moaña (1988); A situación socio-cultural dos concellos galegos (1991); As necesidades no desenvolvemento social de Galicia (1994), en colaboración con Iago Santos Castroviejo. Ademais, ten colaborado en diversas publicacións como Grial, Luzes de Galiza ou Análise empresarial.

IGREXAS

Igrexa parroquial situada en Taboada. De estilo románico, está datada a finais do s XII ou principios do s XIII. Consta dunha nave e dunha ábsida rectangular, ambas con cuberta de madeira. A portada occidental é abucinada, con dúas arquivoltas con molduras; a interior sostida por columnas de bases áticas e capiteis vexetais, o tímpano é liso co lintel bilobulado. Na porta norte, o lintel está sostido por sinxelos ángulos entrantes.

GALICIA

Actor. Comezou a súa actividade na Escola Dramática Galega participando en espectáculos como Bamboliñas (1981) ou Historias para seren contadas (1985), para logo iniciar unha nova andaina como técnico de escena de diversas compañías.

GALICIA

Político. Estudiou Peritaxe Mercantil na Escola de Comercio da Coruña, estudios que compaxinou coas clases que impartía no colexio dos Villares en Ourense. Recibiu tamén clases de debuxo no Círculo Católico e de solfexo na Academia da Banda Municipal. Na súa mocidade colaborou coa Coral Ruada e co Orfeón Unión Orensana. Presentouse ás oposicións de auxiliares de Contabilidade do ministerio de Facenda, para as que acadou o número un en 1924. Foi destinado á delegación de Facenda en Ourense, onde permaneceu catro anos. Tras aprobar a oposición a xefe de Contabilidade foi destinado en 1928 a Pontevedra. Rexeitou a proposta do ministro de Facenda, José Calvo Sotelo, de formar parte do comité de intervención de cambios. En Pontevedra, entrou en contacto con Castelao e Losada Diéguez e participou nas tertulias do café Méndez Núñez. Da man de Castelao entrou a formar parte da Coral Polifónica, onde coñeceu a Amalia Álvarez Gallego, con quen casou o 20 de outubro de 1930. Ese mesmo ano, foi invitado...

PERSOEIRO

Farmacólogo suízo. Traballou no Institut Pasteur de París e dirixiu o Instituto Superiore di Sanitá de Roma. Realizou estudios moi importantes sobre a acción do curare e o seu uso como anestésico; por este motivo recibiu o Premio Nobel de Medicina e Fisioloxía en 1957.

PERSOEIRO

Físico e químico australiano. Orientou as súas investigacións ao estudo da lubricación e da erosión das superficies.

PERSOEIRO

Matemático e astrónomo. En 1799 preparou a primeira edición americana de The Practical Navigator (O navegador práctico) de J. H. Moore; en 1802 revisou e ampliou esta obra. Traduciu o Traité de la mécanique céleste (Tratado da mecánica celeste), de Laplace.

PERSOEIRO

Litólogo canadense. Foi un dos iniciadores da Litoloxía Experimental. Traballou na Carnegie Institution de Washington onde estudiou a cristalización dos minerais. A súa obra máis importante é The evolution of the igneous rocks (A evolución das rocas ígneas, 1928).

PERSOEIRO

Novelista. Aínda que a súa obra é reducida, a súa influencia obsérvase en escritores importantes, especialmente en Truman Capote. Entre as súas novelas destaca Two Serious Ladies (Dúas mulleres serias, 1943) e a peza teatral In the Summer House (Na casa de verán, 1953).

PERSOEIRO

Xeógrafo. Profesor na Universidade de Yale (1905-1915), dirixiu as expedicións universitarias en América do Sur. Nomeárono director da American Geographical Society (1915-1935) e presidente da Johns Hopkins University (1935) e da Association of American Geographers. Participou, na súa calidade de xeógrafo, na Conferencia de Paz de París (1917). Entre as súas obras destacan South America (América do Sur) e Geography in relation to the Social Sciences (A Xeografía en relación coas Ciencias Sociais, 1934).

PERSOEIRO

Anatomista e cirurxián inglés. É autor de traballos moi importantes sobre a estrutura dos glomérulos renais (cápsula de Bowman), a capa superficial da córnea (membrana de Bowman) e as glándulas da rexión olfativa.

PERSOEIRO

Historiador de arte. Especialista en Arte Contemporánea, realiza as súas investigacións dende unha perspectiva sociolóxica. Entre as súas publicacións destacan: El realismo plástico en España de 1900 a 1936 (1967), Historia del Arte en España (1972), El arte del siglo XX. La construción de la vanguardia (1978), La ilustración gráfica del XX en España (1979), Sátira y tragedia: las imágenes de Castelao (1987), Arte y ciudad en Galicia, s XIX (1990) e Arte del siglo XX en España (1995).