"Sar" (Contén)

MUNICIPIOS

Municipio situado no litoral da illa de Mallorca, Illes Balears (6.503 h [2001]). Ten cultivos de secaño, amendoeiras e cereais, e o turismo é a principal actividade económica.

MUNICIPIOS

Municipio da provincia de Barcelona, Catalunya (2.448 h [2001]). Ten cultivos de secaño, viñas, para a produción de viños escumosos, froiteiras e hortalizas.

PARROQUIA

Parroquia do concello de Caldas de Reis baixo a advocación de santo André.

AFLUENTES

Afluente pola dereita do río Ulla que nace na parroquia de Bando (Santiago de Compostela), baña as de Sar, Conxo e Laraño, as tres en Santiago de Compostela, a de Ortoño (Ames), e a de Ribasar e Seira (Rois), e desemboca da parroquia de Iria Flavia (Padrón), despois de bañar a parroquia de Padrón. Os seus principais afluentes son o Sarela, o Fontecova, o Sanín, o Vilar e o Costaneira.

PARROQUIA

Parroquia do concello de Santiago de Compostela baixo a advocación de santa María.

GALICIA

Comarca situada no SO da provincia da Coruña e no O da Comunidade Autónoma de Galicia. Limita polo N coa comarca de Santiago (Brión), polo S coa comarca pontevedresa de Caldas (Pontecesures e Valga) e co esteiro do Ulla, polo L, novamente coa comarca de Santiago (Teo) e polo O coas comarcas de Barbanza (Rianxo) e Noia (Lousame). Abrangue unha superficie de 177,3 km2, en que acolle unha poboación de 17.168 h (2001) distribuída nos concellos de Dodro (36,1 km2; 3.210 h), Padrón (48,4 km2; 8.841 h) e Rois (92,8 km2; 5.117 h). Padrón mantén o seu carácter de centro comercial e administrativo de irradiación comarcal. Os tres concellos comparten os servizos públicos máis especializados e tamén os fluxos socioeconómicos con Santiago de Compostela debido á súa proximidade a capital galega.
Xeografía física
Desde o punto de vista xeomorfolóxico, a comarca do Sar enclávase no val homónimo, configurado a partir da Depresión Meridiana....

PUNTA

Punta da beira dereita da ría de Arousa, situada na parroquia de Bealo (Boiro).

1. Relativo ou pertencente ao pobo sara.

2. Individuo do pobo sara.

3. Pobo das estepas situadas nas terras tropicais e húmidas e na zona seca da chaira do Chad. Cultivan millo, tabaco e dedícanse á cría de gando e de cabalos.

PERSOEIRO

Realizador e operador cinematográfico húngaro. No seu primeiro filme Feldobottko (Pedra lanzada cara a arriba, 1967) rememorou as traxedias sociais na posguerra. Dirixiu tamén Holnap lesz fácán (Mañá teremos faisán, 1974), 80 huszár (80 húsares, 1978) e In memoriam Gyöngyössy Imre (1997). Dos seus documentais destacan Pergőtőz (Fogo a discreción, 1982-1983), en homenaxe aos soldados do segundo exército húngaro, inmolado durante a Segunda Guerra Mundial.

PERSOEIRO

Anacoreta. Retirouse ao deserto de Libia e foi mestra doutras mulleres eremitas. Na iconografía represéntase con hábitos monacais e báculo, e con crucifixo, rosario, libro e cranio, como anacoreta. A súa festividade celébrase o 9 de outubro.

PERSOEIRO

Fotógrafo, irmán de Enrique e Xosé Sarabia González. Participou na Guerra de Cuba (1898) e ao seu regreso a Vigo (1907) iniciuse na fotografía de man do seu cuñado Xosé Gil Gil. En 1909 creou, xunto co seu irmán Enrique, un laboratorio de fotografía e adicouse principalmente á fotografía de exteriores. Desde a década de 1920 asinaron as fotografías co selo “Foto Sarabia”.

PERSOEIRO

Fotógrafo, irmán de Constantino e Xosé Sarabia González. Traballou co seu irmán Constantino en Vigo, no laboratorio e encargouse fundamentalmente da parte de fotografía de estudio.