"AIX" (Contén)

Calidade de baixo ou baixo respecto do tamaño.

Arciprestado da diocese de Santiago de Compostela que abrangue as parroquias de Aldemunde (Carballo), Rodís e Xesteda (Cerceda), Parada (Ordes), Andoio, Bardaos, Cabaleiros, Castenda, Corgullos, Tordoia e Vilabade (Tordoia) e a totalidade das parroquias do concello de Trazo.

ou Permanent International Peace Bureau Organización internacional creada en Berna en 1891 coa finalidade de coordinar as actividades en favor da paz en diferentes países. Foi creada por membros do III Congreso Mundial da Paz celebrado en Roma ese mesmo ano. Os seus obxectivos foron servir de vínculo entre os pacifistas de todo o mundo, proporcionar información sobre o movemento da paz e preparar as resolucións do Congreso Mundial da Paz. En 1910, despois de ser candidato durante sete das dez primeiras convocatorias, recibiu o Premio Nobel da Paz. Trala creación da Sociedade de Nacións, perdeu importancia e suspendeu os seus traballos durante a Segunda Guerra Mundial. En 1959 púxose fin a esta organización e os seus fondos pasaron ao International Liaison Committee of Organizations for Peace (ILCOP). Este comité tentou restablecer a anterior organización e nomeou en Xenebra unha secretaría do International Peace Bureau. Reorganizado polo comité dos premios Nobel, non acadou...

1. Recipiente de forma regular, xeralmente cúbica, de madeira, cartón, metal ou doutros materiais, con ou sen tapa, que adoita usarse para gardar e transportar obxectos.

2. Contido dunha caixa.

3. Carcasa total ou parcial dun moble, especialmente a parte dunha mesa que contén os caixóns.

4. Parte do muíño que consta dunhas táboas dispostas en forma de cadrado, que rodea a moa e que serve para ir recollendo a fariña que cae ao moer o gran.

5. caixa de cimentación

   Caixa de madeira, formigón ou aceiro, de formas e dimensións moi variables, empregada para cimentar o terreo cando este tende á reptación, presenta correntes de auga subterráneas ou ben cando está mergullado. A súa función é evitar os desprendementos de terra e a inundación da obra. A caixa aberta ou caixa india está formada por unha ou máis células cilíndricas, abertas polos extremos, que se cravan no terreo a medida que se escava o fondo. Cando hai que traballar a grandes profundidades ou noutras condicións difíciles, emprégase a caixa de aire comprimido, provista dunha cámara na parte inferior onde se inxecta aire a presión para evitar a entrada de auga.

6. caixa de Kubiëna

   Receptáculo de folla de lata, de base rectangular e medidas normalizadas, que se utiliza, sobre todo, para recoller e conservar as mostras de solo.

7. caixa de urxencias

   Armario pequeno ou estoxo con medicamentos, gasas e útiles farmacéuticos para casos de urxencia.

8. caixa do correo

   Receptáculo no que, a través dunha abertura longa e estreita, se deposita a correspondencia. Comprende tanto os que a administración de Correos dispón polas rúas, provistos dun saco no que se recolle a correspondencia para a súa repartición posterior, como o que reúne o correo nos domicilios particulares.

9. caixa estanca

   Caixa xeralmente metálica que serve de depósito de auga ou combustible.

10. ...

Nome comercial da Caixa d’Estalvis de Catalunya.

Entidade financeira constituída na Coruña o 3 de abril de 1978 trala fusión da Caja de Ahorros y Monte de Piedad de La Coruña y Lugo (1896) e da Caja General de Ahorros y Monte de Piedad de Ferrol (1902), culminando un proceso pioneiro en España. A partir desa data incorporáronse novas entidades financeiras: en 1980 a Caja de Ahorros y Monte de Piedad de Santiago de Compostela (1879), en 1982 a Caja de Ahorros Provincial de Lugo (1964), en 1986 as caixas rurais da Coruña (1979) e Pontevedra (1968), en 1988 a Caja Rural de Orense (1961) e en 1992 a Caja Rural de León (1968). Dende 1978 dirixiuna José Luis Méndez López. En 1980 iniciou un proceso de expansión, ás veces a través da compra de oficinas bancarias doutras entidades (Banco de Fomento, Banco Urquijo e BNP Paribas), que a levou a ter presenza en todas as comunidades autónomas españolas, fundamentalmente en Madrid, nas comunidades mediterráneas e no Bierzo, así como en Portugal e noutros puntos de Europa e América. No 2000 posuía...

Entidade financeira constituída en Vigo o 17 de xullo do 2000 trala fusión da Caja de Ahorros y Monte de Piedad Municipal de Vigo (1880), da Caja de Ahorros Provincial de Orense (1933) e da Caja de Ahorros Provincial de Pontevedra (1930). Ademais, forma parte da entidade o Banco Gallego (1988), que pertencía ao grupo de Caixavigo dende 1997. Con anterioridade, a Caja de Ahorros y Monte de Piedad Municipal de Vigo e a Caja de Ahorros Provincial de Orense asinaran en 1999 unha escritura de fusión. Dirixida por Julio Fernández Gayoso, quen dende 1965 era director xeral de Caixavigo. Durante o proceso de integración copresidiron a entidade Ramón Cornejo Molíns, procedente de Caixavigo; Manuel Bermúdez Castro, de Caixa Ourense; e Manuel Campos Vilariño, de Caixa Pontevedra. Está presente en todo o territorio galego, así como no Bierzo, Madrid, Lisboa, Porto, Xenebra, Caracas e México D F. No 2000 posuía unha rede de máis de seiscentas oficinas operativas, tiña un volume de negocio de 3 billóns...

Entidade financeira constituída en Barcelona en 1926. Aínda que o seu ámbito de actuación inicial era provincial, en 1936 aumentou a súa xurisdición a toda Catalunya. En 1999 era a sexta entidade financeira española por volume de activos. Promove unha importante obra social.

Entidade financeira constituída en 1990 trala fusión da Caixa de Pensions per a la Vellesa i d’Estalvis de Catalunya i Balears (1904) coa Caixa d’Estalvis i Mont de Pietat de Barcelona. Forman parte do grupo a Caixa d’Estalvis i Mont de Pietat de Lleida, absorbida en 1979, e o Isbanc, comprado en 1992; e participa en Catalana de Gas. En 1999 era a terceira entidade financeira española e a primeira catalana. Destaca a súa obra social.

Nome comercial da Caixa de Aforros de Galicia.

Entidade financeira constituída en Lisboa en 1876. En 1879 logrou a autorización para a concesión de empréstitos á administración local. En 1885, trala integración da Caixa Económica Portuguesa, instituíu as cartillas de aforros; nese ano, ademais, as oficinas de correos comezaron a funcionar como axencias da CGD. Reestruturouse en 1909 para ampliar as operacións realizadas e para iniciar a súa expansión por todo o territorio portugués; así mesmo, estableceu o réxime de participación do persoal nos beneficios da CGD, unha verdadeira innovación para a época. Trala reforma de 1929 consolidouse como entidade crediticia; nese ano fundáronse a Caixa Nacional de Crédito e a Caixa Nacional de Previdência, que concedía as pensións aos familiares dos funcionarios públicos falecidos dende 1934. A Caixa Económica Postal integrouse na CGD en 1936. En 1988 constituíuse o grupo CGD, o maior grupo financeiro portugués que englobaba institucións de crédito e empresas de todas as áreas do sector financeiro,...

Caixa de Aforros de Vigo, Ourense e Pontevedra.

Caixa de Aforros de Vigo, Ourense e Pontevedra.