"Erica" (Contén)

ENTRADA LARGA

Estado de América do Norte que limita ao L co Océano Atlántico, ao S con México, ao O co Océano Pacífico e ao N con Canadá (9.372.614 km2; 298.444.220 h [2008]). Tamén forman parte dos EE UU os estados de Alasca, ao NO do continente, e Hawaii, arquipélago no Océano Pacífico (ambos os dous plenamente integrados na Unión), o estado libre asociado de Puerto Rico, os territorios das Illas Virxes Americanas (nas Pequenas Antillas), Guam e a Samoa Americana (en Oceanía), e as dependencias da Baía de Guantánamo e illa de Navassa (no Caribe), e varias illas do Pacífico (Illas Midway, Marianas Setentrionais, Baker, Howland, Jarvis, Johnston e Kingman Reef, Palmyra e Wake). Tamén ten soberanía sobre un sector do Territorio Antártico. O seu territorio continental esténdese entre os 49° e 25° de latitude N e os 125° e 67° de lonxitude O. A súa capital é Washington-Distrit of Columbia (Washington D C ou simplemente Washington), cidade que non forma parte de ningún estado.
Xeografía...

PERSOEIRO

Raíña de Grecia, filla de Ernesto Augusto de Hannover e de Victoria Luísa de Prusia. Casou en 1938 co príncipe Paulo (despois Paulo I) de Grecia. Tralo golpe de estado de 1967 houbo de exiliarse.

SEMANARIOS

Semanario aparecido en La Habana en 1904. Fundado e dirixido por Eduardo Núñez de Sarmiento, tentou converterse no voceiro das distintas colectividades galegas asentadas en todo o continente.

PERSOEIRO

Pintor francés. Representante do artista romántico, formouse con Carle Vernet (1808) e con P. N. Guérin (1810) en París. No Salon de 1812 expuxo con éxito Officer de chasseurs de la garde impériale chargeant. En 1814 pintou Le Cuirassier blessé quitant le feu. Asistiu á Académie de France de Roma, onde pintou a Radeau de la Medusa (exposta no Salon de 1819), que retrata os superviventes dun naufraxio da época. Na súa estancia no Reino Unido (1820-1822) pintou Derby d’Epson (1821). Tamén pintou diversos retratos de enfermos mentais, como Monomane du jeu e Aliéné kleptomane.

1. Relativo ou pertencente ás hipericáceas.

2. Planta da familia das hipericáceas.

3. Familia de plantas dialipétalas, da orde das gutiferais, leñosas ou raramente herbáceas, de follas opostas sen estípulas, flores en moitos casos vistosas agrupadas en cimas e froito en cápsula, drupa ou baia. Comprenden unhas 800 especies dos paises cálidos e temperados.

1. Relativo ou pertencente a Hispanoamérica ou aos seus habitantes.

2. Natural ou habitante de Hispanoamérica.

3. Relativo ou pertencente aos españois e americanos.

4. Literatura cultivada nos países de América Latina, escrita principalmente en lingua castelá, portuguesa, francesa, quechua, guaraní e náhuatl. A literatura hispanoamericana nas diversas linguas románicas naceu como tal na época colonial, e adquiriu personalidade como consecuencia dos movementos independentistas. As literaturas mexicana e arxentina son as pioneiras entre as de lingua castelá. A primeira corrente destacada foi a do romanticismo, que reaccionou contra o neoclasicismo, e na última parte do s XIX manifestouse a influencia do realismo e do naturalismo. No s XX continuou a chegada a Hispanoamérica dos ismos europeos e os movementos de vangarda, ás veces contrapostos a tendencias indixenistas e rexionalistas, baixo o signo da loita social, e desenvolveuse o “realismo máxico”. Das literaturas de orixe precolombiana destacan a indíxena mexicana, a quechua e a guaraní.

PENÍNSULAS

Península do S de Europa, situada entre o Océano Atlántico ao N, O e SO, e o Mar Mediterráneo ao S e L, unida ao continente europeo pola cordilleira alpina dos Pireneos e separada de África polo estreito de Xibraltar. Sitúase entre os 36° 0 3 N e os 43° 47 24 N. O seu territorio, 597.625 km2 de superficie, divídese entre os estados de Andorra (468 km2 no Pireneo), España (que ocupa a súa maior parte, 505.009 km2) e Portugal (92.142 km2 no O), ademais da colonia británica de Xibraltar (6km2 no sector máis meridional). Presenta un contorno rectilíneo, cunha conformación maciza e unha altitude media elevada (660 m alt). Xeograficamente está moi compartimentada e na súa superficie aparecen diferentes unidades. A Meseta organiza todo o relevo. Dentro dela sitúanse os Montes de Toledo e o Sistema Central; tres concas afundidas, Ebro, Tajo e Guadiana, e nos seus bordos, a Cordilleira Cantábrica, o Sistema Ibérico e Sierra Morena. Ademais están...

1. Relativo ou pertencente a Iberoamérica ou aos seus habitantes.

2. Natural ou habitante de Iberoamérica.