"Vic" (Contén)

PERSOEIRO

Etnólogo e lingüista. Profesor na Universidade de Moscova (1915) e de Viena (1922), participou activamente nas tarefas do Círculo Lingüístico de Praga, onde se converteu nunha das figuras vangardistas da fonoloxía. En colaboración con Jakobson e Karcevski, redactou as teses, básicas para a fonoloxía, presentadas no Primeiro Congreso de Lingüistas da Haia (1928). Especialista en linguas eslavas, ugrofinesas e caucásicas, publicou Descrición fonolóxica da lingua rusa (1934) e Grudzüge der Phonologie (Principios da fonoloxía), publicado postumamente en 1939.

PERSOEIRO

Economista ruso. A súa tese doutoral foi unha investigación histórica sobre as crises industriais en Inglaterra (1894). Difundiu a teoría da desproporcionalidade a través da súa crítica á exposición das causas das crises feita por Marx. Chegou á conclusión de que o derrocamento do capitalismo non era unha necesidade económica.

PERSOEIRO

Mariscal ruso. Adheriuse á Revolución de 1917 e foi posto á cabeza do Exército Vermello. Fixo retroceder aos checos ata os Urais, loitou contra A. I. Denikin e comandou a ofensiva soviética na Guerra Ruso-polaca (1920). En 1937 foi un dos xulgados nos Procesos de Moscova e, acusado de traizón, foi executado.

PERSOEIRO

Escritor ruso. Comezou na tradición posrromántica, pero consolidouse como escritor dentro dunha liña realista. O relato “Khor e Kalinyč”, o primeiro da serie Zapiski okhotnika (Apuntamentos dun cazador, 1852) iniciou un tipo de literatura sobre as condicións de vida do pobo ruso e o seu carácter nacional. Cultivou tamén o teatro, pero sobresaíu especialmente na novela e no relato. Destacan Dnevnik lišnego (Diario dun home superfluo, 1850), Mumu (1854), Rudin (1856), Dvor’anskoje gnedo (Niñada de xentilhomes, 1860), Nakanune (A vixilia, 1862), Otcy i deti (Pais e fillos, 1862), Dym (O fume, 1867) e Nov’ (Terra virxe, 1876).

PERSOEIRO

Antropólogo. Levou a cabo traballos de campo co pobo ndembus ao NL de Zambia, que reflectiu en Schism and Continuity in an African Society (1975). Escribiu tamén A Forest of Symbols (1967) e The Ritual Process (1969), onde postulou que a vida social é un tipo de proceso dialéctico que comprende unha vivencia sucesiva de arriba a abaixo, da comunidade e a estrutura, da homoxeneidade e a diferenciación.

GALICIA

Escritor. De tendencia liberal provincialista, colaborou en El Centinela de Galicia, El Eco de Galicia e La Esperanza, onde criticou a corrupción política e as carencias da administración; ademais é considerado o autor das Tertulias de Picaños (1836) e dos Diálogos en la Alameda (1836), tamén de carácter crítico. Participou en diversas actividades da Sociedad Económica de Amigos del País, para a que elaborou con “Memoria sobre los obstáculos que se oponían a los progresos de la Agricultura”. Publicou, ademais de diversas composicións dedicadas á realeza, unha abundante obra poética en castelán que recolleu en Tristes recuerdos del Dr. D. Vicente Turnes Río Maldonado (1834), Último adiós del Dr. D. Vicente de Turnes del Río Maldonado, á su pinar (1851) e a póstuma Composiciones poéticas (1875).

PERSOEIRO

Poeta e político ucraíno. Ministro de Instrución Pública no seu país (1944-1948), é autor de Plug (O arado, 1920), canto á loita heroica dos obreiros e dos campesiños ucraínos. A construción socialista é o tema de Veter s Ukrainy (Vento de Ucraína, 1924) e o internacionalismo proletario o de Čuvstvo sem’i jedinoj (O sentimento de ser unha soa familia, 1938).

PERSOEIRO

Escritor croata. Autor polifacético, escribiu ensaios, crítica literaria e libros de viaxes. A súa lírica, iniciada con Lelek Sebra (O pranto do escravo, 1920) e Ojadjeno zvono (A campá dorida, 1933), manifesta un ton sombrío e pesimista, que posteriormente evolucionou cara a unha visión serea e de conciliación.

PERSOEIRO

Escultora. Formouse en decoración e en cerámica na Escola de Artes e Oficios da Coruña. Destacan as súas esculturas públicas como a Cigarrera, na praza da Palloza da Coruña (1989); Pescadora, no paseo de Cariño; Sirena de San Amaro, no paseo marítimo da Coruña; ou Maternidad (1988). Foi premiada no I Certamen de Artes Plásticas Isaac Díaz Pardo (1989).

PERSOEIRO

Político. Membro (desde 1923) e dirixente (desde 1927) do Partido Comunista Español e director de Mundo Obrero, desde o ministerio de Agricultura (1936-1939) propugnou a reforma agraria. Exiliouse en 1939. Foi autor de El problema de las nacionalidades en España a la luz de la guerra popular por la independencia de la República Española (1938).

PERSOEIRO

Historiador. Director do Instituto Arqueolóxico Ruso de Constantinopla (1894-1914), a súa Istorija vizantijskoj imperii (Historia do Imperio Bizantino, 1914-1926), foi fundamental para comprender o papel de Bizancio na formación de Rusia.

PERSOEIRO

Biólogo ruso nacionalizado británico. Especializouse en entomoloxía e realizou investigacións importantes sobre os ortópteros da Asia central e a migración das lagostas. Foi membro da Royal Society, e en 1945 foi nomeado director da Antilocust Research Centre.

MUNICIPIOS

Municipio de Cantabria, situado na costa, no límite con Asturias (2.604 h [2001]. Está regado polo río Nansa, que forma nel a ría de Tina Menor.

GALICIA

Pintor. Formouse en Santiago de Compostela e en Madrid, onde foi discípulo de F. Madrazo. As súas obras caracterizáronse polo perfecto dominio do debuxo e da cor. Realizou retratos (Juan Fierros, Vicente Valderrama Barrio), cadros relixiosos (Santa Bárbara, San Vicente de Paúl), escenas de xénero e tipos populares (Extrema Unción), bodegóns e paisaxes.

GALICIA

Historiador. Foi documentalista da Cámara Oficial de Comercio, Industria e Navegación da Coruña. Profesor de Historia Contemporánea na Universidade de Vigo, das súas obras destacan La masonería y La Coruña. Introdución a la historia de la masonería gallega (1984), Galicia y la masonería en el siglo XIX (1990) e Laicismo, educación y represión en la España del siglo XX: Ourense 1909-1936/39 (1993).

PERSOEIRO

Antropólogo e paleontólogo. Director do Institut de Paléontologie Humaine (1942) e do Musée de l’Homme (1950), de París, das súas obras destacan Traité d’anthropologie (1926), Les races humaines (1944) e La paléontologie et l’origine de l’homme (1950).

PERSOEIRO

Viaxeiro e aventureiro. Entre 1502 e 1508 visitou os países do Mediterráneo oriental e de Oriente Medio e chegou ata a India e Malacca. Volveu para Lisboa polo camiño do cabo de Boa Esperanza. A relación da súa viaxe, Itinerario de Ludovico de Varthema Bolognese nello Egypto, nella Surria, nella Arabia deserta e felice, nella Persia, nella India & nella Ethiopia (1510), foi utilizada por xeógrafos e cartógrafos durante case dous séculos.

PERSOEIRO

Pintor húngaro. Foi alumno da Bauhaus de Budapest (1928-1929). Estableceuse en París, onde a partir do estudo da obra de Kandinskij e de Mondrian comezou a crear o novo movemento, que proseguía a obra de Mondrian e de Malevič. Coa súa obra teórica e coa súa plástica cinética negou toda a pintura tradicional e renovou a arte actual.