"INE" (Contén)

PERSOEIRO

Físico francés. Estudiou os movementos vibratorios e introduciu as coñecidas curvas de Lissajous. Débeselle un dispositivo óptico que foi adaptado posteriormente por Helmholtz.

GALICIA

Pintor e realizador cinematográfico. Na década de 1920 marchou a Madrid co seu irmán Manuel e traballou como pintor, debuxante e colaborador en distintas publicacións cinematográficas. Mediada a década, escribiu a adaptación para a pantalla do poema de Curros Enríquez “A Virxe do Cristal”, coa pretensión de iniciar unha serie de películas de temática galega. A rodaxe do filme La Virgen del Cristal iniciouse en 1925, pero suspendeuse antes do seu remate. En 1926, co apoio da produtora Ediciones Raza, tentaron adaptar o poema “El milagro del Cristo de la Vega de Toledo”, de José Zorrilla, tamén sen éxito.

1. Que presenta un predominio da lonxitude sobre outras dimensións.

2. Aplícase ao biotipo dos individuos caracterizados, segundo a biotipoloxía italiana, por ter os membros longos, en relación co tronco, talla alta, tórax longo e delgado, panículo adiposo pouco desenvolvido e músculos fláccidos e longos. Corresponde ao tipo leptosomático de Kretschmer.

GALICIA

Sacerdote e etnógrafo. Foi ordenado sacerdote en Lugo e desenvolveu unha grande actividade nos campos xornalístico, literario e folclórico. Investigou na zona do Courel e A Pobra do Brollón sobre o personaxe do chufón, o intercesor nos contratos matrimoniais. Marchou a Bos Aires (1913) onde colaborou coa Casa de Galicia e coa comisión organizadora das Irmandades da Fala. Escribiu Los suevos en Lugo (1900).

GALICIA

Pintor e escultor. Coñecido como Lomarti, a súa pintura de principios da década de 1990 decantábase pola pop art, especialmente no referente ás series e ás reproducións cunha importante carga crítica. Empregou a colaxe e o recurso textual, incorporando á obra efectos poéticos. Evolucionou cara a unha fusión fragmentada de determinadas figuras en espacios abstractos como na instalación Respiración infame (1991). No escultórico, combinou a instalación coa talla en madeira, mármore e granito cunha linguaxe popular como en Auga pasada (1993) xunto cunha escultura semifigurativa, expresionista e fragmentada máis clásica como na obra Lobis naturae (1995). Ademáis de numerosas exposicións, fixo escenografías para artistas galegos e editou a revista de arte lucense Cruces de Bohemia e o libro Coroas de Mercurio (1997). Recibiu o primeiro premio de escultura no Certame Ciudad de Lugo (1993) e o primeiro premio do Certame de Pintura Cervo-Lugo...

GALICIA

Realizador cinematográfico. Foi presidente da Asociación de Produtoras de Cine e Vídeo de Galicia e crítico de La Voz de Galicia. En 1973 fundou, xunto con Félix Casado e Luis Gayol, o grupo de cineastas afeccionados Imaxe, en que permaneceu ata a súa disolución en 1980, ano no que dirixiu Malapata, a primeira longametraxe galega. Traballou en diversos apartados do audiovisual, desde a produción de anuncios publicitarios ou curtametraxes como Circos (1979), ata o guión, a dirección de documentais industriais e de obras de ficción como Illa (1976), a súa primera obra en formato estándar, Embarque (1984) ou a longametraxe Urxa (1989).

PERSOEIRO

Médico. Fundou e dirixiu a serie monográfica Cuadernos Valencianos de Historia de la Medicina y de la Ciencia (1962) e o repertorio bibliográfico Índice Médico Español (1965). Das súas obras destacan Panorama histórico de la ciencia moderna (1963) en colaboración con P. Laín Entralgo, The Historical Origins of the concept of Neurosis (1976) e Dicionario biográfico de la ciencia moderna en España (1982).

GALICIA

Enxeñeiro xeógrafo. Oficial da Armada, foi director do servizo rexional de Galicia do Instituto Geográfico Nacional e do Centro Nacional de Información Geográfica, e presidente da Sociedad Española de Cartografía, Fotogrametría y Teledetección e da Asociación Española de Ingenieros Geógrafos. Formou parte do comité especial de negociación con EE UU e Rusia do sistema europeo de navegación por satélite GALILEO (1999-2000) e dirixiu o centro de publicacións do Ministerio de Fomento e o Mapa Oficial de Carreteras de España. Escribiu Cartografía, Urbanismo y Desarrollo Inmobiliario (2001).

PERSOEIRO

Dramaturgo romanés. Consagrouse coa obra Citadela sfarmata (O castelo destruído, 1955) e publicou, entre ourtras obras, Surorile Boga (As irmás Boga, 1959), Si eu amb fost în Arcadia (Eu tamén estiven na Arcadia, 1971) e Última carreira (1974).

PERSOEIRO

Actriz e bailarina estadounidense. Coñecida como Ginger Rogers, foi parella de Fred Astaire en películas musicais como Top Hat (1935), Shall We Dance? (1936) e Kitty Foyle (1940, Oscar á mellor actriz). Tamén participou en Horlow (1965) ou a póstuma Change of Heart (1998).

PERSOEIRO

Bailarina e cantante estadounidense. Coñecida como Josephine Baker, debutou en París (1925) incorporada á Revue Nègre. Foi vedette do Folies-Bergère e do Casino de París. Destaca a súa interpretación no filme   Zou-Zou (1934).

AFLUENTES

Afluente pola dereita do río Eume, que nace na parroquia de Goente e desemboca na de Vilavella (As Pontes de García Rodríguez).

PERSOEIRO

Político, arqueólogo e prehistoriador. Foi cronista oficial de Ortigueira (1892), e fundou e dirixiu os xornais El Cabo Ortegal e El Ortegano. Vinculouse á Federación Agraria de Ortigueira (FAO) e como alcalde impulsou o asociacionismo agrario e a creación do Boletín Oficial do Concello de Ortigueira (1916). Estudiou a prehistoria de Galicia, catalogou máis de 200 exemplares de arquitectura megalítica, realizou diversas escavacións arqueolóxicas e publicou numerosos artigos sobre o desenvolvemento agrario e temas históricos. Das súas monografías destacan Crónicas de Ortigueira (1892) e Bares. Puerto hispánico de la primitiva navegación occidental (1947). Foi membro da Real Academia Galega. No mes de xullo de 2000 constituíuse a Fundación Federico Maciñeira, dedicada ao desenvolvemento de actividades culturais.

XACEMENTOS

Xacemento prehistórico situado no departamento de Dordogne (Francia), que deu nome ao Madaleniano. Atopáronse diversos intrumentos feitos en cornamenta de reno.