"RM" (Contén)

Mostrando 20 resultados de 2589.

  • Ermo, O
    Escoitar

    PARROQUIA

    Parroquia do concello de Ortigueira baixo a advocación de san Xulián.

    VER O DETALLE DO TERMO
  • Ermo, San Pedro de
    Escoitar

    Capela que pertenceu a unha antiga fundación monástica que tivo o seu esplendor a mediados do s IX cando foi reedificada polo conde Gatón. No s X Ordoño II incorporouno á mitra compostelá.

    VER O DETALLE DO TERMO
  • Ermold
    Escoitar

    o Negro (Aquitania 790 - 838?) Escritor. Clérigo ou monxe, entre o 826 e o 828 escribiu un poema latino en dísticos, imitando a Homero, Virxilio e Ovidio. Nel contou a vida e os feitos de Luís o Piadoso durante o período 781-826. Tamén escribiu dúas elexías, á maneira de Ovidio, dirixidas ao Rei Pipino.

    VER O DETALLE DO TERMO
  • Ermolfi, Santa Baia de
    Escoitar

    Antigo mosteiro particular e dúplice que estivo situado en Santalla da Devesa (Ribadeo). Documéntase nunha doazón feita por Iquilo o 5 de xullo de 1002.

    VER O DETALLE DO TERMO
  • Ermosinda
    Escoitar

    ariante de Ermesinda.

    VER O DETALLE DO TERMO
  • Ermoxio
    Escoitar

    Antropónimo masculino de orixe discutida. Presenta a variante gráfica Hermoxio. Pode tratarse dun composto xermánico (de airman ‘grande’, ‘poderoso’) ou dun derivado do grego erēmikós ( ἐ ρημικός) ‘senlleiro’, de erēmía ( ἐ ρημία) ‘soidade, deserto’. Hai tamén quen o vincula, partindo da variante gráfica con h, ao nome Hermes; e mesmo quen pensa que se trata dunha simple metátese de Remixio (en latín Remigius). Destaca con este nome o santo galego Ermoxio (s X), bispo de Tui. A súa festividade celébrase o 26 de xuño.

    VER O DETALLE DO TERMO
  • Ermua
    Escoitar

    MUNICIPIOS

    Municipio do territorio de Bizkaia, Euskadi, na marxe dereita do río Deba (17.346 h [1996]). A base da súa economía é a industria metalúrxica, pero tamén son importantes a agricultura (cereais) e a gandería bovina e porcina. Fundada no s XII, quedou practicamente destruída trala Guerra da Independencia (1808-1814). Do seu patrimonio cultural destacan o palacio de Valdespina, o palacio de Santa Cecilia e a parroquia de Santiago Apóstol.

    VER O DETALLE DO TERMO
  • Ermua
    Escoitar

    PUBLICACIÓNS

    Publicación aparecida na localidade biscaíña de Ermua en 1980. Editada polo Centro Galego de Ermua, tiña unha periodicidade anual. Tirábase do prelo con motivo do Día das Letras Galegas e contiña diversos artigos sobre esa data e a personalidade homenaxeada, e outros nos que se abordaban diferentes aspectos da cultura galega. Reproduciu, ademais, textos de Fermín Bouza Brey, Álvaro Cunqueiro e Rosalía de Castro. Complétase co programa de actividades da institución.

    VER O DETALLE DO TERMO
  • escamiforme
    Escoitar

    Que ten forma de escama.

    VER O DETALLE DO TERMO
  • escapiforme
    Escoitar

    Que ten unha forma semellante ao escapo.

    VER O DETALLE DO TERMO
  • escarmear
    Escoitar
  • escarmentado -da
    Escoitar

    de escarmentar. Na tradición oral recóllense ditos como: “Benaventurado o que noutro foi escarmentado! A vella, de escarmentada, pasa o rego remangada. Cos escarmentados fanse os avisados”.

    VER O DETALLE DO TERMO
  • escarmentar
    Escoitar

      1. Castigar ou reprender a alguén para que non volva cometer unha falta.

      2. Ser algo a causa de que alguén se corrixa e non volva cometer unha falta.

    2. Aproveitar a experiencia ou as ensinanzas propias ou alleas para non cometer os mesmos erros ou faltas. Na tradición oral recóllense ditos como: “Ten que se saber escarmentar o que non queira chorar. Escarmentar na cabeza allea é unha boa ciencia”.

    VER O DETALLE DO TERMO
  • escarmento
    Escoitar

    1. Castigo que se lle impón a algunha persoa. Na tradición oral recóllense ditos como: “O escarmento trae ás veces o arrepentimento”.

    2. Ensinanza que se extrae de erros alleos ou pasados e serve de advertencia para evitar repetilos.

    VER O DETALLE DO TERMO
  • esclerodermatáceo -a
    Escoitar

    1. Relativo ou pertencente ás esclerodermatáceas.

    2. Fungo da familia das esclerodermatáceas.

    3. Familia de basidiomicetos con basidiocarpos estipitados, de peridio groso e simple, capilicio rudimentario e coas basidiosporas redondas e sen esterigmas.

    VER O DETALLE DO TERMO
  • esclerodermia
    Escoitar

    Enfermidade do grupo das colaxenoses, de causa descoñecida e de patoxenia inmunolóxica, que afecta á pel, ás articulacións, aos músculos e a algunhas vísceras como o esófago e o resto do tubo dixestivo, o pulmón, o corazón e os riles. A forma xeneralizada da enfermidade denomínase tamén esclerose sistemática progresiva e os seus síntomas principais son: enfermidade de Raynaud, esclerodactilia, artralxias, telanxiectasia, calcificacións subcutáneas ou calcinose, afectación da cara, que se volve coma unha máscara, e trastornos funcionais das vísceras danadas.

    VER O DETALLE DO TERMO
  • Escola Normal
    Escoitar

    Escola destinada á formación de mestres. En 1834, grazas á iniciativa do ministro galego Xosé Moscoso de Altamira, proxectouse por primeira vez a fundación dunha escola normal, seminario de mestres, en España. O termo “normal” figuraba xa nun decreto de Napoleón de 1808, con antecedentes no contexto da Revolución Francesa. En Alemaña, habería que remontarse ao s XVII para atopar referencias aos seminarios destinados á formación do profesorado. En 1839 inaugurouse a Escuela Normal Central que tiña entre os seus obxectivos formar mestres instruídos e capaces de dirixir as escolas normais de provincias. En 1843, o regulamento publicado contribuíu a acelerar a súa fundación. Arredor de 1845, existían en case todas as provincias, pero, en 1849, reduciuse o seu número. En Galicia, as dúas primeiras foron as de Ourense (1841) e Lugo (inaugurada o 30 de outubro de 1842, dirixida por Cayetano Hermógenes Palacios). O 2 de xullo de 1845 inaugurouse a da Coruña con Antonio de la Iglesia (director)....

    VER O DETALLE DO TERMO
  • escualiforme
    Escoitar

    1. Relativo ou pertencente aos escualiformes.

    2. Peixe da orde dos escualiformes.

    3. Orde de peixes da clase dos condritios ao que pertencen as quenllas.

    VER O DETALLE DO TERMO
  • escutiforme
    Escoitar

    Que ten forma de escudo.

    VER O DETALLE DO TERMO
  • Español González, Carmen
    Escoitar

    PERSOEIRO

    Escultora. Formouse no eido da cerámica na Escuela de La Moncloa e no eido dos metais na Escuela de Artes Aplicadas Mestre Mateo. Especializouse no traballo en esmaltes sobre metal. Profesora da Escuela de Artes Aplicadas y Oficios Artísticos Mestre Mateo de Santiago de Compostela dende 1978. Participou, entre outras mostras, na Bienal Internacional da Arte do Esmalte (Limoges, 1976), Artesanía galega (Canadá, 1984), Email-Kunst (Deidesheim, 1985), I Bienal Internacional El món de l’Esmalt (Salou, 1989), The Japan Shippo Conference (Toquio, 1993) e na Homenaxe de artistas galegos ao Che no 30 aniversario da súa morte (1998). Realizou exposicións en Santiago de Compostela e Vigo. Entre outros galardóns recibiu as medallas de prata e bronce no V e VI Concurso Exposición Mestre Mateo, respectivamente.

    VER O DETALLE DO TERMO