"AN" (Contén)

Editorial fundada en Madrid en 1918 por Nicolás María Urgoiti, propietario de La Papelera Española. O 1 de xaneiro de 1926 fusionouse coa tamén editora Hijos de J. Espasa, de Barcelona, da que xurdiu a editorial Espasa-Calpe.

Sociedade petroleira española constituída en 1927 cun capital de 195 millóns de pesetas, subscrito polo Estado (31%) e por un consorcio bancario. Foi a empresa gañadora dun concurso convocado polo goberno de Primo de Rivera para o monopolio sobre a importación e manipulación industrial dos combustibles minerais líquidos. Concibida polo ministro de Facenda José Calvo Sotelo, dedicouse exclusivamente á venda e distribución do combustible por motivacións económicas e fiscais. Empregou as instalacións petrolíferas xa existentes, que foron expropiadas. Permitiu a creación, en 1929, da Compañía Española de Petróleos (CEPSA), coa que contratou o fornecemento e refinado de petróleo, e participou en Asfaltos Españoles S A, Butano S A, Petronor, etc. En 1984, incorporou como asociadas as refinerías públicas e privadas, e adquiriu en propiedade os activos da rede de distribución que pertencían ao Estado. A través da Empresa Nacional de Petróleos Petroliber e do Instituto Nacional de Hidrocarburos,...

Nome de varias empresas mercantís creadas en Europa occidental durante os ss XVII e XVIII para a explotación do comercio coas Indias Orientais. Tiñan apoio gobernamental e autorización para adquirir territorios e exercer neles funcións de goberno, como lexislar, emitir moeda, declarar guerras, negociar tratados ou administrar xustiza. As principais foron: a Compañía Inglesa das Indias Orientais, con monopolio comercial en Asia, África e América, que estableceu as súas primeiras factorías na India (Madras, Bombai e Calcuta); e a Compañía Holandesa das Indias Orientais, fundada con privilexio dos Estados Xerais holandeses en 1602, que tiña o monopolio do comercio co Océano Índico e que colaborou na Guerra da Independencia contra Castela. A invasión francesa de 1795 cortou a comunicación da Compañía cos seus establecementos coloniais e provocou a súa fin (1798). A Compañía Francesa, constituída en 1664 por Jean Baptiste Colbert, mantivo o monopolio do comercio nos océanos Pacífico e Índico....

Compañía teatral fundada en 1954 e promovida polo actor Fernando Iglesias Tacholas. Representou, entre outras, as seguintes obras: Por borrachíns!, de D. Varela Buxán; O zoqueiro de Vilaboa, de Nan de Allariz; ou Almas sinxelas, de Xabier Prado Lameiro.

Sociedade comercial por accións, constituída en 1733 por iniciativa do comerciante gaditano Manuel de Arriaga, que monopolizou o comercio con Filipinas. En 1783, Carlos III autorizou o banqueiro Cabarrús a ampliar o capital e outorgoulle o privilexio de comerciar con África, as Indias e Filipinas. Trala Guerra da Independencia decaeu ata a súa disolución en 1834.

Compañía creada en 1776 co fin de atender as necesidades de formación dos oficiais da Armada, de acordo coas novas esixencias da navegación e da guerra. Constituíuse como un centro científico no contexto do movemento ilustrado. Seguindo o modelo da que existía en Cádiz, tiña unha estrutura militar e outra docente, constituída pola Academia, supeditada á primeira. O mando correspondía a un capitán de navío. O primeiro en exercer o cargo foi Francisco Javier de Winthuysen. Os gardas mariñas de Ferrol chegaron a dispoñer dun regulamento específico: Instrución para Guardias Marinas de la Compañía del Ferrol (1806). A creación desta compañía axudou a impulsar a actividade do departamento naval de Ferrol e favoreceu que acudisen pilotos, astrónomos, matemáticos e outros especialistas á cidade. Ademais, a Academia posuía un observatorio único en Galicia. Nas clases de capacitación para oficiais estudiábase aritmética, xeometría, trigonometría, cosmografía, navegación, artillería e manobras....

ou convento de la Enseñanza Edificio situado no núcleo histórico de Santiago de Compostela. Fundouno o bispo Rajoy y Losada en 1765 como colexio de Señoritas Nobres, baixo a advocación da Nosa Señora da Gracia e san Xudas Tadeo, e co patrocinio do indiano Mateo Vázquez. Reedificouse entre 1821 e 1841 baixo o goberno do arcebispo Múzquiz. Pertence á Compañía de María e funciona como colexio de ensino. O proxecto inicial foi obra de Clemente Fernández Sarela, pero continuou as obras Xoán López Freire. A fachada, obra de Xosé Otero, é neoclásica. Consta de dous corpos laterais rematados en forma de torreón e dun corpo central con fachada dórica que remata cunhas esculturas de Xosé Pernas (1831). A igrexa ten planta de cruz grega e o seu espazo central cóbrese cunha cúpula.

Sociedade anónima de titularidade pública que xurdiu ao abeiro da Lei de Creación da CRTVG, aprobada polo Parlamento de Galicia o 11 de xullo de 1984. Os seus obxectivos principais son a posta en funcionamento, a xestión e a explotación da Radio Galega e da Televisión de Galicia, co que se pretende potenciar a normalización lingüística do galego, a cohesión do tecido social e xeográfico do país, e a divulgación da cultura e dos trazos identificativos de Galicia. Para isto, conta con tres órganos que dirixen o funcionamento do ente público: o Consello de Administración, o Consello Asesor da Compañía e as súas sociedades, e mais o director xeral. O primeiro destes órganos está composto por doce membros elixidos en cada lexislatura polo Parlamento de Galicia, que se encargan do cumprimento do disposto pola Lei de Creación da Compañía, á parte da aprobación daquelas materias que enmarcan as principais directrices que rexen o funcionamento da Compañía, como son: a programación e os seus contidos,...

Agrupación profesional de teatro creada en 1992 por María Pujalte e María Rodríguez Bouzas, coa finalidade de explorar novas liñas de realización teatral, entre elas o teatro de variedades, ao que incorporaron unha forte dimensión crítica, irreverente e sarcástica, con espectáculos, como Fisterra Broadway (1992) ou Amén (1995), con textos e dirección de Xavier Picallo. Tamén hai que destacar outras propostas como Squash (1994) ou A voda dos moinantes (1996), con dirección de Kiko Cadaval, a partir de textos de Ernesto Caballero e John Millington Synge. Recibiu varios Premios Compostela á mellor interpretación e ao mellor espectáculo.

Compañía creada en 1985 no ámbito do Instituto Nacional de las Artes Escénicas y Musicales, dependente do ministerio de Cultura e con sede en Madrid. Ideouse co obxectivo de manter a vixencia e a actualidade da literatura dramática clásica castelá. Adolfo Marsillach dirixiuna ata 1989, ano no que asumiu a dirección Rafael Pérez Sierra, quen ocupou o cargo ata 1992. Posteriormente, Marsillach volveu ocuparse da dirección ata 1996, función que logo pasou a exercer José Luís Alonso de Santos. Calderón de la Barca, Lope de Vega, Ruíz de Alarcón, Miguel de Cervantes, Tirso de Molina, Fernando de Rojas ou Agustín Moreto son algúns dos autores máis recorrentes nas realizacións escénicas da compañía, desde a que tamén se desenvolveron diversas actividades de promoción e divulgación dos clásicos, como o Festival de Teatro Clásico de Almagro.

Igrexa da Universidade.

Exército mercenario do s XIV, comandado polo cabaleiro bretón Bertrand Du Guesclin, e formado por aventureiros de diversas nacionalidades que loitaron na Guerra dos Cen Anos. Por instigación de Carlos V de Francia, pasaron a Castela e axudaron a Enrique de Trastámara fronte a Pedro o Cruel (1365-1368).

Se se compara a.

Se se compara con.

Acción de comparar ou compararse.

Axente que adicionado a unha solución forma un complexo estable.