"Jos" (Contén)

PERSOEIRO

Militar e político prusiano. Conselleiro de Federico Guillerme IV de Prusia (1795-1861), ocupou a carteira de Asuntos Exteriores en 1850, pero dimitiu aos dous meses por non poder impoñer a súa política respecto a Austria.

PERSOEIRO

Compositor. Profesor de música desde 1840, na súa obra recibiu a influencia de F. Mendelssohn e R. Schumann. A súa produción comprende máis de duascentas obras, das que destacan as composicións para piano e de cámara.

GALICIA

Médico e cirurxián. Especialista en radiodiagnose, investigou tamén sobre xeoloxía e prehistoria, e foi director do Museo da Prehistoria e Arqueoloxía de Vilalba. Ademais foi membro de distintas institucións, entre as que destaca a Societè Préhistorique Française. Recibiu o Premio Federico Maciñeira da Real Academia Galega polo seu traballo Mesolítico Gallego e a Medalla de Prata de Galicia (2000).

PERSOEIRO

Político, xornalista e xurista timorense. Foi ministro de Asuntos Exteriores durante os poucos días de independencia da illa (novembro de 1975). Desde a anexión de Timor a Indonesia, é o portavoz internacional da Frente Revolucionária do Timor Leste Independênte (FRETILIN). En 1992 confeccionou un plan de paz presentado na ONU e no Parlamento Europeo. Recibiu o Premio Nobel da Paz en 1996, xunto con C. F. Ximenes Belo.

PERSOEIRO

Eclesiástico e teólogo alemán. Elixido papa o 19 de abril de 2005, tomou o nome de Benedito XVI. Ordenado sacerdote en 1951, estudou filosofía e teoloxía na Universidade de Múnic (1946-1951). En 1953 doutorouse en teoloxía coa tese Pobo e casa de Deus na doutrina de santo Agostiño. Profesor en diversos centros e catedrático de Dogmática e Historia do Dogma na Universidade de Ratisbona, foi membro do Concilio Vaticano II e da comisión pontificia para a revisión do Código de Dereito Canónico. Arcebispo de Múnic e Freising (1977-1982) e cardeal coa titularidade de Santa Maria Consolatrice al Tiburtino (1977), foi prefecto da Congregazione per la Dottrina della Fede (1981-2005), presidiu a comisión encargada da preparación do novo catecismo da Igrexa Católica e en 2002 converteuse en decano do Collegio Cardinalizio. Condenou a teoloxía de liberación e aos teólogos H. Küng e B. Schilebeeckx. Das súas obras destacan Introdución ao cristianismo (1968), Dogma e revelación...

PERSOEIRO

Compositor francés. Discípulo de G. Fauré, integrou a linguaxe musical de Mozart, Chopin, Borodin e Stravinskij, e incorporou elementos de música exótica en Schéhérazade (1903). Nas súas obras pianísticas evolucionou da complexidade de Jeux d’eaux (1901) á simplicidade de Sonatine (1905) e da suite Ma mère l’oye (1905). Escribiu dúas obras para escena, a ópera L’heure espagnole (1907) e a lírica fantástica L’enfant et les sortilèges (1925). En música de concerto amosou a súa vinculación ao neoclasicismo, en especial no Concerto en sol majeur (1931), para piano e orquestra. O seu talento de orquestrador púxose de manifesto na Rhapsodie espagnole (1907), no ballet Daphnis et Chloé (1909), nos célebres La Valse (1920) e Bolero (1927), e na transcrición orquestral dos Cadros dunha exposición, de Mussorgskij.

MUNICIPIOS

Municipio da provincia de Santa Cruz de Tenerife, Canarias, situado na aba N do Teide (33.438 h [2001]). É a fusión dos pobos El Realejo Alto e El Realejo Bajo. Destacan os cultivos de plátanos, tabaco e froitas e gandaría bovina.

GALICIA

Economista. Doutor en Ciencias Económicas, foi vicedecano da facultade de Ciencias Económicas da Universidade de Santiago de Compostela e director xeral do Instituto Galego de Vivienda e Solo. Escribiu Aplicación del análisis espectral al estudo del comportamiento bursátil (1981) e Introdución a las finanzas de la empresa (1983).

PERSOEIRO

Escritor brasileiro. Xunto con Graciliano Ramos tivo unha grande influencia sobre o neorrealismo portugués e formou parte do grupo modernista de Pernambuco. Das súas obras destacan Menino de Engenho (1932), Doidinho (1933), Bangê (1934) e Cangaceiros (1953).

GALICIA

Médico. Doutor en Medicina pola Universidade de Santiago de Compostela, especializouse en microbioloxía e parasitoloxía. Catedrático e xefe do servizo de Microbioloxía do Complexo Hospitalario Universitario de Santiago, ten numerosas publicacións no eido da microbioloxía. Académico numerario da Real Academia de Medicina y Cirugía de Galicia, recibiu, entre outros, o Premio Barrié de la Maza (1986).

PUBLICACIÓNS

Publicación editada na Coruña a partir de 1965 que cesou cun número dobre, de 1992-1993. Creada e patrocinada polo Concello da Coruña, contou co apoio de Caixa Galicia e a Fundación Barrié de la Maza. Dirixida por Antonio Gil Merino, o seu obxectivo era ofrecer información diversa sobre a historia, a realidade e o futuro da cidade, e incluíu estudos históricos e xeográficos, de arqueoloxía e belas artes, referencias a museos, un apartado para tratar ciencias xurídicas e sociais, e unha atención especial ás ciencias económicas.

PERSOEIRO

Escritor. Adaptador de guións cinematográficos, activista e teórico político, pertenceu á xeración inmediatamente posterior á da Revolución Mexicana. É autor de El luto humano (1943), En un valle de lágrimas (1956) e El apando (1969).

GALICIA

Historiadora. Doutora en Historia e profesora na Universidade de Santiago de Compostela, especializouse en prehistoria. Os seus estudos centráronse na cultura castrexa e a arte rupestre. Colaborou en varias publicacións e das súas obras destacan Guía de los petroglifos de Muros (1984) e Avances sobre a tipoloxía da cerámica castreña, as xerras (1982), escritas en colaboración, e Yacimientos castreños de la vertiente atlántica: Análisis de la cerámica indígena (1992).

PERSOEIRO

Artista. Traballou a ourivaría, a arquitectura, a escultura e a pintura, cun estilo que se moveu entre o realismo, o expresionismo e o surrealismo. Empregou materiais como o ferro o latón e o cobre, e a súa obra abrangue desde mobiliario, motivos ornamentais e heráldica ata a elaboración de reixas ou representacións escultóricas. Na temática mesturou flora e fauna, seres humanos, temas mariños e fantasías.

GALICIA

Xornalista e técnico en programación de radio e televisión. Conselleiro delegado de Telecable Compostela, Edicións Correo e Anova Multiconsulting, conselleiro de Ondas Galicia e membro fundador da Axencia Galega de Noticias (AGN). Formado no Centro Superior de Estudios Aplicados de Madrid e na facultade de Ciencias Económicas da USC, foi redactor e xefe de programación da emisora La Voz de Lugo e delegado de El Progreso. Na década de 1970 exerceu como cronista de El Correo Gallego e La Noche, así como noutros diarios e semanarios. Tamén foi correspondente de EFE en Lugo. En 1968 incorporouse a El Correo Gallego como redactor-delegado de Ferrol, ao ano seguinte foi nomeado xerente e dous máis tarde conselleiro-delegado. En 1984 foi nomeado director de El Correo Gallego, labor que compaxinou coa dirección de O Correo Galego (1994-2003), ata a súa conversión en Galicia Hoxe. Durante todos estes anos foi un dos impulsores da renovación tecnolóxica...

PERSOEIRO

Pintor inglés. En Italia (1750-1752) buscou o estilo dos pintores boloñeses e romanos dos ss XVI e XVII e recibiu a influencia da obra de Miguel Anxo. En Flandres e Holanda (1781) foi influído pola pintura do s XVII, especialmente pola de P. P. Rubens (Lord Heathfield, 1787). Destacou como retratista e foi pintor do rei e o primeiro presidente da Royal Academy of Arts (1768), polo que recibiu o tratamento de sir. Das súas obras destacan os retratos Nelly O’Brien (1763), Dr. Johnson (1772) e Francis George Hare Infant (1788). Os seus Discours, pronunciados na Royal Academy of Arts (1769-1790), foron publicados en 1796.

PERSOEIRO

Parapsicólogo estadounidense. En 1935 fundou co inglés W. McDougall (1871-1938) un laboratorio de parapsicoloxía, onde estudou experimentalmente a denominada “función ϕ ”. Das súas obras destaca Extra-sensory Perception (1934) e The Reach of the Mind (1947).

PERSOEIRO

Escultor e ceramista. Asentado na Coruña, foi membro fundador do Colectivo Nacional de Diseño e Investigación Arrancadilla e en 1986 dirixiu e promoveu o Primeiro Encontro Europeo de Ceramistas en Galicia. Recibiu, entre outros, o Premio Cádiz de Escultura en 1986.

PERSOEIRO

Independentista. Parente de Simón Bolívar, foi un dos fundadores da Junta de Caracas (1810), que proclamou a independencia de Venezuela (1811). Colaborou na destitución de Simón Bolívar e de Antonio Nariño, e foi derrotado por José Tomás Rodríguez Boves na Batalla de Urica (1814) no estado federal de Anzoátegui.