"Ea" (Contén)

Comunicarse dúas ou máis persoas mediante o intercambio de cartas de forma habitual.

Termo do barallete, xerga dos afiadores e paraugueiros, que corresponde á voz ‘carpintexar’ ou ‘traballar de carpinteiro’.

Herbácea do xénero Carum, da familia das apiáceas, de follas pinnadas, raiceira de forma fusiforme, flores pentámeras e froito lateralmente comprimido e liso con costelas lonxitudinais. En Galicia están presentes as especies C. verticillatum, de ata 100 cm de altura, con numerosas bractéolas e pétalos brancos, común en ambientes húmidos; e C. carvi, de ata 130 cm de altura, de bractéolas ausentes e pétalos rosáceos, que constitúe unha especie propia de prados e bosque de montaña. Emprégase na elaboración de embutidos e como condimento de sopas, salsas, carnes e outros alimentos.

Edificación situada na rúa do Vilar, en Santiago de Compostela, construída por Clemente Fernández Sarela entre 1747 e 1753 por encargo do cabido compostelán para o mestrescola Diego Juan de Ulloa. Consta dun amplo vestíbulo que funciona como elemento distribuidor das diferentes estancias con dúas alturas; a inferior acolle as dependencias auxiliares da casa, entre elas, as adegas; e na superior sitúanse os apousentos. Na fachada destaca a porta decorada con molduras e pináculos barrocos.

Xénero de réptiles herbívoros fósiles da orde dos pelicosauros, de principios do Pérmico. De ata 120 cm de lonxitude, presentan corpo groso e barrigudo, debido aos intestinos moi longos que teñen para permitir a dixestión da súa dieta herbívora, e unha cabeza pequena e cadrada, sen dentes na mandíbula inferior e con dentes grosos de bordos romos e ondulados na superior.

Muller de Cefeo, rei de Etiopia, e nai de Andrómeda. Fachendosa coa beleza da súa filla, atreveuse a rivalizar coas Nereidas. Poseidón castigouna pola súa vaidade e enviou un monstro mariño contra o seu país. Para calmar a cólera divina, Andrómeda houbo de ser entregada ao monstro, pero Perseo logrou matalo e quedou coa princesa.

Constelación boreal situada ao N da Andrómeda e ao O da Xirafa. Constituída por unhas 30 estrelas visibles a simple vista, a máis brillante (α) ten unha magnitude de 2,1 a 2,6.

Intradermorreacción que utiliza líquido estéril de quiste hidatídico, realizada para determinar a diagnose da hidatidose. Estableceuna o médico italiano Tommaso Casoni (1880-1933).

Andrea del Castagno.

Xénero de árbores da familia das fagáceas ao que pertence o castiñeiro.

Montar un animal macho a femia para procrear.

Robert Stewart.

Unidade xeocronolóxica (non cronoestratigráfica) situada baixo o Arqueozoico. Ten categoría de era e fai referencia a todo o espazo temporal que vai dende a formación ou individualización da Terra como planeta ata a primeira rocha arqueozoica, a máis antiga ata agora atopada dentro do rexistro de datas radiocronométricas. Trátase dunha unidade temporal da que, por exclusión, non se ten testemuño e que abrangue un período de 800 millóns de anos (dende o -4600 Ma ao -3800 Ma). Fai referencia a todos os tempos pre-xeolóxicos dunha Terra en formación e diferenciación xeoquímica, na que despois xurdiron a primeira cortiza e as primeiras segregacións siálicas que deron lugar aos protocontinentes.

Relativo ou pertencente ao Catarqueano.