"ISM" (Contén)

Conxunto de reaccións bioquímicas que se producen dentro das células dos seres vivos. Todos os organismos, desde as formas máis simples ata as formas máis complexas, dependen da realización destas reaccións para o mantemento da vida, o seu crecemento e a súa reprodución. O metabolismo pódese dividir en dous grandes grupos de reaccións metabólicas: o anabolismo, con consumo de enerxía e o catabolismo, con liberación de enerxía, ambos os dous conectados entre si por unha complexa rede de interrelacións. Os seus obxectivos son a obtención de enerxía química en forma de ATP, a formación de materia orgánica a partir da enerxía e das moléculas do medio, e a destrución destas moléculas para a obtención de enerxía.

Consumo mínimo de enerxía para manter as actividades metabólicas, que se expresa en calorías/gramo e que se mide nun individuo que se atopa en repouso físico e psíquico, a unha temperatura de 20°C e en xaxún.

Transformación no organismo da enerxía química dos alimentos, en calor, cando o organismo está en repouso e, en traballo e calor, cando o organismo realiza unha actividade muscular.

1. Calidade de metódico.

2. Postura favorable ao emprego de métodos.

Doutrina e movemento relixioso que xurdiron no s XVIII, ao redor da predicación do sacerdote anglicano John Wesley. As súas reunións, celebradas entre 1729 e 1735 con outros estudantes da Oxford University, dos que destacan o seu irmán Charles Wesley e George Whitefield, constituíron as bases desta doutrina, contraposta á da predestinación de Xoán Calvino. O metodismo sostén que todo individuo pode lograr a salvación mediante a experiencia relixiosa persoal, que se consegue a través dunha vida escrupulosamente estrita. Aínda que sempre foron rexeitados pola Igrexa Anglicana, os metodistas insistían en non considerarse unha Igrexa diferente, senón a sociedade máis disciplinada do anglicanismo.

Produción de oscilacións nun aparato provisto de tubos electrónicos, por efecto microfónico.

Produción de oscilacións nun equipo de amplificación de son, a causa do efecto Larsen de acoplamento entre o micrófono e o altofalante.

Doutrina que se difundiu entre os cristiáns dos primeiros séculos, que cría nun reino de paz de mil anos de duración e anterior ao Xuízo Final, instaurado e gobernado por Xesús Cristo.

Doutrina dos que crían que a fin do mundo ía acontecer no ano mil da era cristiá.

Calquera movemento relixioso ou político que cre na chegada, ao final da historia, dunha época de xustiza e paz plenas, ou sexa, dun reino novo semellante ao que existía na orixe dos tempos.

Tendencia dunha nación ou dun estado a outorgar un control sempre crecente sobre a cultura, a educación, os medios de comunicación, a relixión, a política e a economía nacional aos estamentos militares a custa da institución civil.

Poder ou influencia excesiva dos militares, da política militar ou do espírito militar nunha nación ou estado.

Propiedade dalgunhas especies indefensas de copiar a coloración aposemática ou o aspecto externo doutras especies non comestibles ou perigosas para os seus depredadores habituais. O mimetismo batesiano consiste en que a especie mimetizadora, que habita no mesmo biotopo que a especie mimetizada, se confunde con esta, que posúe mecanismos de defensa. O mimetismo mulleriano consiste en que diversas especies non comestibles ou perigosas adoptan coloracións aposemáticas idénticas para progresar na aprendizaxe dos depredadores. O mimetismo mertesiano consiste na adopción dunha coloración aposemática por parte dunha especie indefensa, unha non comestible ou perigosa e outra mortal. A especie mortal é aquela que ao ser atacada polo depredador o mata. O mimetismo preséntase nos insectos e nalgúns peixes sendo un dos principais mecanismos de defensa das especies que o posúen. OBS: Tamén se denomina mimese.

Disposición dunha persoa a cambiar as opinións e o comportamento por adaptarse a quen queira compracer.