"AN" (Contén)

ENTRADA LARGA

Proceso de movemento desconcentrador de persoas e actividades económicas dende as áreas urbanas cara ás áreas rurais e dende as metrópoles e cidades cara ás vilas e aldeas.
Desenvolvemento conceptual
O concepto de contraurbanización xurdiu nos EE UU na década de 1970 para denominar un proceso contrario ao da urbanización tradicional: fronte á urbanización clásica definida por movementos centrípetos de poboación e fluxos económicos cara ás principais cidades e grandes áreas metropolitanas, apareceu un proceso de sentido contrario, de movementos centrífugos dende as grandes cidades cara a pequenos asentamentos urbanos e rurais. Representa unha inversión do sentido dos fluxos demográficos e económicos nos sistemas de asentamento dos países máis desenvolvidos, que a partir dela se verifican fundamentalmente en sentido descendente, dende os asentamentos de poboación de maior volume cara aos menores. Os fluxos de poboación urbana cara ás áreas rurais caracterízanse pola...

1. Aplícase ás coordenadas que están determinadas mediante paralelas aos eixes, nun sistema de coordenadas oblicuas.

2. Aplícase aos tensores de orde superior a 1 nos que as compoñentes se transforman, nun cambio de coordenadas, segundo a matriz inversa do cambio de base.

GALICIA

Compositor e director de bandas militares. Realizou estudios musicais con Rafael Salazar e foi músico do rexemento de Castela na campaña de Marrocos (1859-1860). Recibiu o título de Cabaleiro da Orde de Carlos III e a Medalla de Honor da Guerra de África.

PERSOEIRO

Actor e director. Titulado en Interpretación polo Institut del Teatre de Barcelona, iniciou a súa carreira profesional coa Compañía de Teatro Estable de Barcelona, dirixida por Esteve Polls. De volta a Galicia en 1988, traballou como actor de dobraxe ata 1993, ano no que participou no espectáculo A Vía Láctea, producido polo Mago Antón, con dirección de Eduardo Alonso. En 1994 creou a compañía Balea Branca, na que traballou como actor ou director en diversos espectáculos, como O contrabaixo e Notas dun estudante que morreu tolo, estreada no 2000 a partir dun texto de Sebastián Juan Arbó. Amais de intervir noutros espectáculos, como Morte accidental dun anarquista, produción de Teatro do Morcego con dirección de Xan Cejudo, tamén realizou diversos traballos para cine e televisión, coa súa participación en series, como Los jinetes del alba, La huella del crimen, Brigada central ou Pratos combinados. A partir de 1997 coordinou...

PERSOEIRO

Historiador da arte, marqués de Lozoya. Foi catedrático de Historia da Arte nas universidades de València, Madrid e Navarra, director xeral de Bellas Artes (1939-1951), director da Academia Española de Bellas Artes en Roma (1952-1957) e presidente da Real Academia de Bellas Artes de San Fernando (1972-1978). Colaborou co Anuario Brigantino, onde publicou o discurso “De los juegos florales de 1946” (1951) e nos libros Santiago en España, Europa y América (1971) e Coruña, paraíso del turismo (1973). Escribiu, entre outras obras, Historia del arte hispánico (1931-1942), Santiago Apóstol: Patrón de las Españas (1940), Santiago de Compostela: la catedral. Historia, arquitectura, arte, devoción, peregrinación (1965), Sotomayor (1968) e Historia de España (1969-1970).

PERSOEIRO

Militar e político. No 1841 proclamouse esparterista. Despois uniuse a Prim e interveu no alzamento de xuño de 1866 en Madrid. Foi deputado nas Cortes Constituíntes de 1869 e dirixente dos “intransixentes” dentro do partido republicano federal. Proclamada a Primeira República, foi capitán xeneral de Catalunya (febreiro-marzo de 1873), e púxose á cabeza do movemento cantonalista de Cartagena.

PANTANOS

Encoro sobre o río Cabriel, situado no límite entre a Comunitat Valenciana e Castela-A Mancha. A súa construción concluíu en 1972. Ten unha capacidade de 880 millóns de metros cúbicos e alimenta dúas centrais hidroeléctricas.

PERSOEIRO

Arquitecto e escultor italiano. Coñecido como Andrea Sansovino, formouse no ambiente florentino do último terzo do s XV. Recomendado por Lorenzo o Magnífico ao monarca portugués Manuel I o Afortunado, residiu en Lisboa (1491-1500). A súa obra influíu na elaboración do repertorio manuelino en Portugal grazas á súa intervención, entre outras obras, na fachada da igrexa de Belem, na catedral de Coimbra e na igrexa da Conceição de Tomar. Antes do seu regreso a Italia estivo en Toledo, onde se lle atribúe a traza do Sepulcro del Cardenal Mendoza (1500). Representante dun estilo marcado polo clasicismo renacentista, realizou os sepulcros dos cardeais Basso e Sforza para Santa Maria del Popolo (1505), encargados por Xulio II, así como o grupo escultórico do Bautismo de Xesús que coroa a porta do Paraíso de Santa Maria dei Fiori de Florencia (1513).

CIDADES

Cidade da provincia de Bari, na Puglia, Italia, situada na marxe oriental do altiplano de Murge (448.822 h [1991]).

PERSOEIRO

Arqueólogo alemán. Director do Instituto Arqueolóxico Alemán (1887) e profesor na Universidade de Berlín, participou en campañas arqueolóxicas en Samotracia (1875-1880) e Pérgamo (1880-1886). As súas publicacións incluíron, por primeira vez, fotografías. Escribiu, entre outras obras, Investigacións arqueolóxicas en Samotracia (1875-1880), Antigüidades de Pérgamo (1880-1886) e Descrición das esculturas antigas dos museos de Berlín (1891).

PERSOEIRO

Miniaturista e pintor. Irmán de Samuel Cooper, cultivou o debuxo e a acuarela. Viviu nos Países Baixos (1631?) onde realizou miniaturas. Posteriormente instalouse en Suecia (1647) e traballou para a Raíña Cristina e o Rei Carlos X.

PERSOEIRO

Actor cinematográfico norteamericano. Coñecido como Gary Cooper, a partir de 1924 entrou en contacto co mundo do rodeo e apareceu como figurante en pequenos papeis da Paramount. Conseguiu o seu primeiro papel destacado no filme The Winning of Barbara Worth (Flor de deserto, 1926), e sobresaíu en papeis de western como The Western (O forasteiro, 1940), Unconquered (Os inconquistables, 1947), High Noon (Só ante o perigo, 1952), Garden of Evil (O xardín do demo, 1954), Veracruz (1954), Man of the West (O home do oeste, 1958) ou The Hanging Tree (A árbore do aforcado, 1959). Converteuse tamén no heroe de filmes de aventuras como Alas (1927), The Lives of a Bengal Lancer (Tres lanceiros bengalís, 1935), Beau Geste (1939), The Real Glory (A selva en armas, 1939), Sergeant York (O sarxento York, 1941), For Whom the Bells Tolls (Por quén tocan as campás,...