"AN" (Contén)

PERSOEIRO

Químico alemán. Estudiou na Technische Universität München, onde se doutorou en 1974. Traballou no departamento de bioquímica do Max Planck Institut de Martinsried e, posteriormente, trasladouse aos EE UU onde traballou no Howard Hughes Medical Institute. En 1988 recibiu o Premio Nobel de Química, xunto con Robert Huber e Hartmut Michel, polos seus estudios da estrutura tridimensional das proteínas das membranas fotosintéticas e da transferencia dos electróns na fotosíntese.

PERSOEIRO

Pintor soviético. Representou a tendencia occidentalista do realismo soviético. Membro da Sociedade de Pintores de Cabalete (OST), realizou obras coas temáticas modernistas do deporte e do traballo industrial. Inspirándose nos feitos da revolución, pintou A defensa de Petrogrado (1928). Decorou os teitos das estacións Majakovskaia (1938) e Novokuznietskaia (1943) do metro de Moscova. Recibiu o Premio Lenin en 1964.

PERSOEIRO

Pintor francés. Membro dunha familia de debuxantes e artesáns, parece que foi fillo natural de Talleyrand. En 1815 ingresou na École des Beuax-Arts, onde foi alumno de Pierre-Narcisse Guérin e compañeiro de Théodore Géricault. Ao mesmo tempo, acudía ao Musée du Louvre onde copiaba as obras dos grandes mestres. Foi o abandeirado do romanticismo pictórico francés e un fervente defensor da liberdade do artista fronte aos canons clasicistas: opúxose ao emprego do modelo, feito que contribuíu a que a súa obra, vigorosa e dinámica, fose a miúdo imperfecta. Estudiou a Il Veronese, buscou un equilibrio cromático baseado na complementariedade das cores e abriu o camiño a posteriores experiencias impresionistas e divisionistas. Baixo a influencia de Géricault cultivou a pintura de historia e pintou nun estilo similiar ao da súa obra Dante e Virgile (Dante e Virxilio, 1822), coñecida tamén como a Barca de Dante e que presentou no Salon dese ano. Realizou obras de temas de historia...

PERSOEIRO

Arquitecto francés. As súas construcións caracterizáronse pola exuberancia decorativa baseada no emprego de grilandas e adornos gregos. Entre outras obras destacan o Hôtel Titon e o Hôtel Giox (París, 1776-1780).

PERSOEIRO

Compositor. Organista e clavecinista, foi músico da corte de Luís XIV. En 1683 nomeárono sub-mestre da capela real, en 1685 compositor de música de cámara, dende 1689 superintendente de música de cámara e posteriormente mestre de música de cámara. Foi autor de motetes de vasta concepción polifónica, de ballets e dun gran número de pezas de concerto para a corte. Da súa produción destacan Ballet de la jeunesse (O baile da mocidade, 1686) e Sinfonies pour les soupers du Roi (Sinfonías para as ceas do rei).

PERSOEIRO

Astrónomo francés. Foi secretario vitalicio da sección de matemáticas da Académie des Sciences. No ano 1781 elaborou as primeiras táboas de efemérides do planeta Urano, ás que lles seguiron as do Sol, Saturno, Xúpiter e outros astros. Participou na medición do arco de meridiano comprendido entre Dunkerque e Barcelona.

PERSOEIRO

Pintor estadounidense. Iniciouse na pintura na Copley Society de Boston. Realizou retratos e vistas de Washington Square. Trasladouse a París en 1953, onde pintou obras abstractas e monocromas que o integraron no Nuagisme. Nas súas últimas obras regresou á figuración.

PERSOEIRO

Realizador cinematográfico francés. Realizou as longametraxes Paris-Deauville (1933), La symphonie pastorale (A sinfonía pastoral, 1946), Maigret tend un piège (Maigret tende unha trampa, 1957), Les amitiés particulières (As amizades particulares, 1964) e Bernadette (1988).

PERSOEIRO

Compositor francés. Influído por Honegger compuxo as óperas cómicas Le poirier de misère (A pereira da miseria, 1927), Ginevra (1942) e Puck (1949). Compuxo tamén ballets, música sinfónica, música de cámara e para filmes.

PERSOEIRO

Fotógrafo. Emigrou moi novo aos EE UU. Estudiou pintura e debuxo na Pennsylvania Academy of Fine Arts de Philadelphia. Despois da súa estadía en Europa, onde fotografou diversos países, regresou aos EE UU para dedicarse á fotografía comercial. En 1940 entrou a formar parte da axencia FSA, para a que realizou diversas reportaxes por Virginia, o Maine, Puerto Rico, as Illas Virxes, Nova Inglaterra e Georgia. Trala Segunda Guerra Mundial traballou na televisión estatal de Puerto Rico e traballou tamén como compositor de música. As súas creacións expuxéronse na V Fotobienal celebrada en Vigo no ano 1992.

CUMIOS

Cumio máis elevado no deserto Escalante, situado ao SO de Utha, EE UU, cunha altitude de 3.710 m.

PERSOEIRO

Escultor belga. Discípulo de G. Douffet e A. Henrard, realizou fontes públicas e escultura relixiosa. Entre as súas obras destacan o Monumento a monseñor d’Attamont na catedral de Gante e Cristo morto na catedral de Liexa.

PERSOEIRO

Bispo de Bordeos. Asistiu aos concilios de Zaragoza (380) e Bordeos (385), nos que condenou o priscilianismo. Morreu decapitado en Tréveris. Na iconografía leva vestiduras de pontífice con casula ancha ou capa e mitra, co báculo na man (símbolo de bispo) e, como atributos, unha maqueta de igrexa (coma os doutores da Igrexa fronte á herexía priscilianista) ou un golfiño. A súa festividade celébrase o 24 de decembro.

GALICIA

Avogado e poeta. Licenciado en Dereito pola Universidad de Valladolid, residiu ata os dez anos na súa vila natal e logo en Ourense, Palencia e Valladolid. En 1928 regresou a Córgomo e exerceu como avogado no Barco de Valdeorras, á vez que comezou a colaborar con artigos e poemas no xornal Heraldo Orensano co pseudónimo Corgomófilo. Na Guerra Civil española trasladouse a Valladolid, logo a Portugal e a Francia, para máis tarde chegar á zona republicana española na que permaneceu ata a fin da guerra. En xullo de 1939 exiliouse a Guadalajara (México), onde traballou a prol da cultura galega promovendo diversas iniciativas, como a fundación da revista Vieiros, con Luís Soto e Carlos Velo, a fundación do Padroado da Cultura Galega, a Irmandade Galeguista ou o Ateneo de Galicia; ademais colaborou nos xornais Galicia, Heraldo de Galicia, Nova Galicia e Opinión Gallega. Tralo seu pasamento, as súas cinsas foron trasladadas a Córgomo o 12 de xullo de 1987. Como poeta deu ao prelo Bebedeira (1934),...

GALICIA

Topógrafo. Estudiou no convento dos Salesianos en Santander e foi correspondente de La Región na Rúa. Promoveu e fundou a asociación cutural e deportiva da Rúa Os cigurros. Publicou O neno mentirán e o lobo (1972).