"To" (Contén)

PARROQUIA

Parroquia do concello de Paderne baixo a advocación de santa María.

PARROQUIA

Parroquia do concello de San Cristovo de Cea baixo a advocación de san Salvador.

LIÑAXES

Liñaxe de orixe galega que trae por armas, en campo de azul, unha aguia pintada en pau de ouro e goles de catro pezas; bordo de goles, cargado de oito cadeados de sable, abertos. Outro trae, en campo de prata, unha árbore de sinople, adestrada de cinco lanzas de ouro, postas en pau e colocadas en faixa, e sinistrada un can da súa cor atado ao tronco, e acompañada de dúas caras de mouro, unha en cada cantón do xefe.

GALICIA

Filólogo. Doutorado en Filoloxía Galega pola Universidade de Santiago de Compostela, as súas liñas de investigación céntranse na lírica galego-portuguesa, na edición de textos medievais e do s XVII, coa edición de textos como Crónica de Santa María de Iria / [atribuida a] Rui Vasques (2001), ou, en colaboración, Livro de Tristan e Livro de Merlin (2001), na dialectoloxía histórica “Do luns à sexta-feira, contribuiçom ao estudo do sistema dos dias da semana na história e na actualidade” (1993); e, sobre todo, na pesquisa de antigos documentos galego-portugueses, dos que destaca o descubrimento do que parece ser, ata o momento, o documento en galego-portugués con datación máis antiga; o Pacto de Gomes Pais e Ramiro Pais (1173?), publicado en Nas origens da expressão escrita galego-portuguesa. Documentos do séc. XII (2003), e uns dos de datación máis antiga en Galicia, Venda dunha herdade en Sequeiros (1231), publicado en “Dinâmicas da escrita romance...

GALICIA

Atleta e xogadora de hockey. Campiona de España de 100, 200 e 4x100 m lisos, foi cinco veces campioa de España de hockey sala, subcampiona internacional de hockey herba e gañadora dun premio internacional en atletismo.

GALICIA

Pintor. Discípulo de Román Navarro, compatibilizou a súa carreira profesional vinculada á xudicatura (fiscal, xuíz de primeira instancia, maxistrado e presidente da Audiencia Provincial) coa práctica da pintura. Iniciouse cunha formación tradicional realista e naturalista, á vez que posromántica, en que os paisaxistas da escola de Barbizon tiveron unha grande influencia. A base das súas obras pitóricas, polo xeral de pequeno formato, constituíuna o debuxo (Anita, 1910; Calle de Cangas, 1905). Partiu da temática costumista (Capilla de Santa Margarita, 1902) e do realismo anecdótico (La lechera, 1889; Camino de la fuente, 1895) e, ademais de destacar pola paisaxe minuciosa (Paisaje de Granada, 1892; Cruceiro, 1903), ás veces idealizada, compositiva e poética, fixo algunhas concesións á pintura preciosista (Flores de primavera). Empregou gamas verdes e ocres e aclarou a súa paleta, ao tempo que a súa pincelada se foi facendo...

PARROQUIA

Parroquia do concello de Láncara baixo a advocación de Santiago.

PARROQUIA

Parroquia do concello de Muíños baixo a advocación de santa María.

IGREXAS

Igrexa parroquial situada en Muíños. Con características tipicamente barrocas, destaca especialmente a súa fachada, que remata cunha espadana de dous corpos. No interior destacan as imaxes da Inmaculada, a Virxe de Carme, san Antonio, san Blas e da Anunciación.

PARROQUIA

Parroquia do concello de Castroverde baixo a advocación de san Tomé.

GALICIA

Músico e escritor. Coñecido como Xurxo Souto, foi vocalista do grupo Os diplomáticos de Monte Alto. Desde 1987 traballou en diferentes medios de comunicación, como o xornal La Opinión de A Coruña. Dirixiu o programa A tropa da tralla en Radio Coruña e publicou A tralla e a arroutada (1995), Fumareu (1997), O retorno dos homes mariños (1999) e Contos da Coruña (2001).

GALICIA

Pintor, fillo de Alfredo Souto Cuero. Polos destinos laborais de seu pai viviu en Oviedo, Zaragoza, Lugo ou A Coruña ata que en 1920 se estableceu en Sevilla, onde cursou estudos de aparellador. En 1922 ingresou na Real Academia de Bellas Artes de San Fernando e traballou como decorador de cerámica para unha fábrica de Carabanchel. En Madrid realizou a súa primeira exposición (1925) e dos primeiros anos destacan obras como Maternidade (1928) ou Retrato de Mireya Dieste (1933). Identificouse politicamente coa Segunda República Española e para os seus fins propagandísticos realizou debuxos e carteis. Viaxou a París (Calle de París, 1930) en varias ocasións e en 1934 recibiu unha pensión da Academia Española de Roma. Ao remate da Guerra Civil Española (Milicianos nun interior, 1937; Cabalo branco, 1936-1939) exiliouse a EE UU e a México, onde residiu desde 1942. Traballou o óleo, a acuarela, a augada (Contemplación), o pastel e a cera,...

GALICIA

Xeógrafo e historiador. Doutor en Xeografía coa tese Desartellamento social e caos urbanístico. Vigo, 1960-1980 (1990). As súas principais liñas de investigación son a didáctica da xeografía e a ordenación do territorio e o urbanismo en Galicia. Colaborou na redacción de plans de ordenación urbana de Vigo e Cangas. Autor de numerosas obras relacionadas coa didáctica da xeografía, publicou, entre outras obras, Xeografía humana (1988), Vigo: cen anos de historia urbana, (1880-1980) (1990), As Parroquias (1995), Vivendas e cidades (1997) e Planeamento estratéxico e mercadotécnica territorial (2001).

GALICIA

Xurista e político. Foi decano da facultade de Dereito da Universidade de Santiago de Compostela (1975-1979) e catedrático da UNED (1982-1993). Foi alcalde de Santiago de Compostela (1979-1981), presidente da Asemblea de Alcaldes de Galicia (1979) e deputado (CDS) no Congreso pola Coruña (1989-1993). Publicou El consentimiento informado (1999), Los derechos de los enfermos (2000) e Derecho matrimonial (2000).

GALICIA

Escritora. Licenciada en Filoloxía Galego--Portuguesa pola Universidade de Santiago de Compostela, colaborou en diversas publicacións, como Agália, A Trabe de Ouro e A Nosa Terra. Publicou os ensaios Contribuiçom ao estudo do romance iniciático galego (1987), Viagens na literatura (1991), en que recompila textos de crítica literaria sobre viaxes; Vínculo de sangue (1993) e Traduçom e ensino lingüístico (1996), ademais dunha edición de Follas Novas, de Rosalía de Castro, diversas traducións de escritoras estadounidenses, como Crías de raposa (1993), de L. Hellman; e unha Sócio-didáctica lingüística (1994).

GALICIA

Maxistrado. Licenciado en Dereito, foi profesor universitario e fiscal. En 1999 foi elixido presidente do Tribunal Superior de Xustiza de Galicia, cargo que renovou en 2004.