"ISS" (Contén)

Institución eclesiástica francesa encargada da evanxelización das rexións máis descristianizadas. Foi establecida pola xerarquía francesa en Lisieux (1941) e a súa sé foi trasladada a Pontigny (Yonne), onde pasou a depender dun prelado francés (o primeiro foi o cardeal Liénart, bispo de Lille), representado por un vigairo xeral residente.

Gran río de América do Norte que recolle e leva cara ao golfo de México as augas das grandes chairas de EE UU, que atravesa de N a S. Nace en Elk Creek, unha das zonas de lagos de Minnesota, a 512 m de altitude, e ten unha lonxitude medida de 6.800 km desde o nacemento do Missouri, o que o converte no cuarto río máis longo do mundo. O seu caudal é o maior de América do Norte. En todo o seu percorrido é un río de chaira cunha pendente moi escasa o que fai que teña ata 1 km de ancho, e en tempo de enchenta inunde extensións extraordinarias. Os afluentes do Mississippi son de dúas clases: os da dereita, do O árido, proveñen da vertente oriental das Montañas Rochosas, de escasas precipitacións e polo tanto de pouco caudal, destaca o Missouri, o White, o Arkansas e o Red; os da esquerda proveñen da rexión dos Grandes Lagos e do sistema montañoso Allegheny, que son zonas ricas en precipitacións, destacando o río Ohio, que domina o seu réxime. Descuberto en 1541 por Hernando de Soto, foi unha...

Estado de EE UU, que recibe o seu nome do río Mississippi, o que constitúe o seu límite occidental (123.514 km2; 2.844.658 h [2000]). Limita ao N con Tennessee, ao L con Alabama, ao S co golfo de México e Louisiana e ao O con Arkansas. A súa capital é Jackson. A chaira aluvial do Mississippi esténdese desde o ángulo NO do estado ata Vicksburg. A agricultura ocupa á metade da poboación activa, con cultivos de cereais, forraxe, laranxas e algodón, que está moi mecanizado. A súa industria, máis atrasada, deriva da explotación forestal. É un dos estados menos desenvolvidos de EE UU, a pesar das súas boas condicións para o transporte e da abondosa dispoñibilidade de enerxía. O territorio, habitado polas tribos indias Chickasaw, Choctaw e Natchez, foi explorado por Hernando de Soto (1541), Jolliet e Marquette (1673) e Cavelier de la Salle (1682). Formou parte de Louisiana (1682), vendida pola monarquía hispánica a EE UU (1795) e por mor do desenvolvemento do cultivo algodoeiro...

Época que se corresponde co Carbonífero Inferior e que está comprendida entre o Devónico e o Pennsylvaniano.

Estado da rexión Central NO de EE UU, que limita ao N con Iowa, ao S con Arkansas, ao O con Oklahoma, Kansas e Nebraska e ao L con Illinois e Kentucky (180.516 km2; 5.595.211 h [2000]). A súa capital é Jefferson City. O curso inferior do Missouri, que atravesa o seu territorio de O a L ata chegar ao Mississippi, separa unha rexión N, alterada polos vales dos afluentes do Missouri e dominada por pradarías; e unha rexión S, de montes. Son importantes os seus recursos mineiros. A industria, con produción de material de transporte, automóbiles, industria alimentaria, refinarías de petróleo, petroquímica e maquinaria agrícola, é a primeira actividade económica do estado e atópase concentrada arredor das cidades de Kansas City e Saint Louis. Explorado o seu territorio por Jolliet e Marquette (1673), formou parte de Louisiana (1682) e logo pasou a EE UU (1803). Foi admitido como estado escravista da Unión (1822). A pesar da decisión de permanecer integrado á Unión (1861),...

Construción situada en Moissac, Gascoña. Está situada á beira do Camiño Francés de peregrinación a Santiago e a abadía data dos ss XII e XIII, da que destaca o claustro (1100). Na igrexa ten importancia a porta meridional, cun monumental relevo da Visión da Apocalipse (1130) de influencia mozárabe.

Carburo de silicio, de fórmula SiC. Cristaliza no sistema hexagonal e a cor varía entre o verde e o negro. Ten dureza 9,5 e peso específico 3,218.

Xénero de plantas herbáceas bulbosas, da familia das amarilidáceas, de follas radicais cintiformes ou lineais, flores con periantio formado por seis pezas, de cor branca ou amarela, solitarias ou en pequenos ramalletes e de froitos capsulares. Comprenden unha trintena de especies, propias de rexións temperás paleárticas, moitas delas cultivadas en xardinaría. Algunhas das máis representativas, presentes en Galicia, son N. Pseudonarcissus (narciso de montaña), que medra en prados de montaña en toda Galicia; N. pseudonarcissus (narciso trompón), que medra en zonas frescas (beiras de ríos e sotobosques), e N. cyclamineus, especie endémica de Galicia e N de Portugal que florece á beira dos ríos e regatos entre febreiro e abril.

Comisariado do Pobo para os Asuntos Internos, en que se integrou o GPU (1934). Foi dirixido por Genrikh Grigor’evič Jagoda, Nikolaj Ivanovič Ježov e finalmente por Lavrentij Pavlovič Berija. Foi o organismo a través do que se promoveron os procesos de Moscova. En 1943 o NKVD foi dividido e a seguridade do estado foi confiada ao KGB.

Xénero de bacterias aerobias Gram-negativas, da familia das neisseriáceas, que morfoloxicamente pertencen ao tipo diplococo. Son heterótrofas e poden ser saprófitas ou parasitas. As especies máis características son o gonococo e o meningococo.