"Nande" (Contén)

PERSOEIRO

Profesor e investigador. Licenciado en Filoloxía Románica, desde 1986 é profesor de lingüistica románica e occitana na Universidade de Santiago de Compostela. Escribiu artigos relacionados coas interferencias lingüísticas e o plurilingüismo medieval, estudios de literatura románica medieval, artigos de crítica textual e filoloxía humanística. Colaborou en diversos proxectos de investigación, como “Los animales en la lírica amorosa románica en la Edad Media” (1990-1992) ou “El vocabulario bélico en la lírica amorosa románica de la Edad Media” (1992-1994). Participou no Dicionário de Literatura Medieval Galega e Portuguesa (1993). É membro da Société de Linguistique Romane, da Association Internationale d’Études Occitanes e da Asociación Hispánica de Literatura Medieval.

GALICIA

Pintor. Estudiou na Escola de Artes e Oficios de Ourense e en 1975 ingresou na École Nationale Supérieur des Beaux Arts de París. Foi un dos membros do grupo Os Artistiñas cos que participou, entre outras, na mostra Sete artistas galegos (1965). En 1954 realizou a súa primeira exposición de debuxos no Liceo Recreo de Ourense. Nos seus principios abordou temas e referentes galegos (Bacallaos, 1964), pintou obxectos que o rodeaban, naturezas mortas e paisaxes. Dende os anos setenta, as súas obras enchéronse de personaxes, fundamentalmente mulleres. Na década dos oitenta realizou obras de intenso colorido como prolongación do seu interese polo cromatismo como forma de expresión, que levaban implícito un certo hieratismo que remite ao expresionimo galego tradicional, e comezou tamén a traballar en series, das que destacan, Walkirias, Cachondas de Paraguay, Jazz em Streckstrump (1987) e a serie das terrazas, iniciada a mediados dos oitenta. Nos anos noventa...

GALICIA

Actor. Participou nos espectáculos Don Hamlet, príncipe de Dinamarca e Os vellos non deben de namorarse, presentado este último pola Asociación Teatral Iberoamericana na Coruña en 1959 e 1961. Continuou a súa andaina teatral na compañía Tespis, coa que actuou ata 1983.

GALICIA

Músico e compositor. Clarinete da Banda Municipal de Santiago de Compostela e posteriormente o seu director (1921), escribiu os poemas sinfónicos Río Umia e El Pórtico de la Gloria e as zarzuelas La Virgen de Cristal e Ronsel.

PERSOEIRO

Escritor. Exerceu a docencia e publicou a novela Loita (1927) na colección Lar.

GALICIA

Historiador. Doutor en Historia da Arte, foi catedrático na Escola Universitaria de Maxisterio da Universidade de Santiago de Compostela e dende 2000 profesor de arte na facultade de Xeografía e Historia. As súas investigacións céntranse no estudo da pintura galega dos ss XVIII e XIX e da arquitectura galega contemporánea. Pertenceu ao equipo de investigación “A actividade artística dos mosteiros beneditinos galegos” (2000-2002) e dende 1977 ao Instituto de Estudios Gallegos Padre Sarmiento. Foi membro da comisión asesora do Parlamento de Galicia para a adquisición de obras de arte (1994-1996) e do consello de redación da revista Adaxe. Colaborou en Arte galega. Estado da cuestion (1990), Gallaecia Fulget: (1495-1995): cinco séculos de historia universitaria (1995), Artistas galegos pintores (ata o romanticismo) (1999) e San Miguel dos Agros (2001). Escribiu Un Siglo de pintura gallega: 1750-1850 (1991) e, con X. M. López Vázquez, Gregorio...

GALICIA

Pintor. Formouse na Escola de Artes e Oficios da Coruña (1940-1945), na Escola de Artes Plásticas e no Taller Libre de Arte de Caracas. Traballou como debuxante publicitario. A súa obra pictórica achegouse ao surrealismo. Cultivou tamén a escultura e a serigrafía. Realizou exposicións na Coruña, Vigo, Barcelona, Caracas e Múnic, e participou, entre outras mostras colectivas, na de Pontevedra con Centroamérica (1999).

GALICIA

Pintor. Formouse na Real Academia de San Fernando de Madrid e foi mestre do Rei Carlos de Portugal. Cultivou a paisaxe, próxima ao realismo de C. de Haes, o retrato, baseado no debuxo e no que captaba a psicoloxía das personaxes, e a pintura de historia. Da súa obra, destacan María Pita, Defensa de Lugo, Confurco, Na eira e Mariña. A súa obra está presente, por exemplo, na Real Academia de Bellas Artes Nuestra Señora del Rosario e na Deputación da Coruña.

GALICIA

Artista plástica. Graduada en artes aplicadas e oficios artísticos na especialidade de interiorismo, ampliou estudios en diversos cursos e talleres. Partiu da figuración para achegarse á abstracción. Utilizou técnicas mixtas como o gravado, a cerámica e o óleo na procura dunha ambigüedade tomada das formas da natureza con formas óseas e vexetais, das diferentes texturas ou das cores. Nas instalacións de Wood Blood (2001) analizou a intervención do home na natureza. Comezou a expoñer en 1985 e participou, entre outras mostras colectivas, en Novos Valores da Bienal de Pontevedra (1988), Premio Penagos (Madrid, 1991-1992), Galicia Terra Única (1997), Salon d’Art Contemporain des Pays Celtes (Lorient, 2000) e na VII Mostra Unión Fenosa (2001). Formou parte, en diversas convocatorias, do xurado do Premio Internacional de Gravado Máximo Ramos. Recibiu, entre outros galardóns, o Premio Autor Galego do Certame Internacional de Debuxo X. Pérez Villaamil (1990). A súa obra está presente,...

PERSOEIRO

Músico. Comezou os seus estudios musicais con Eulogio López Masid, que continuou en Santiago de Compostela, Barcelona e Murcia, e perfeccionou en Portugal, Inglaterra, Italia e Suíza. Foi bolseiro da Xove Orquestra de Galicia e profesor da Orquestra da Comunidade Autónoma de Galicia, do Conservatorio Superior de Música de Vigo, Ourense e A Coruña. Como fagotista, actuou coa Orquestra Sinfónica do Sur de Galicia, Orquestra de Porto, Orquestra das Nacións e coa Orquestra da Radiotelevisión de Kiev. Director fundador da Masa Coral de Berres e director titular da Orquestra Sinfónica do Sur de Galicia, dirixe, así mesmo, a Orquestra Sinfónica Reveriano Soutullo.

GALICIA

Escultor. Realizou, entre outras obras, o retablo da capela de Nosa Señora do Camiño (Ribadeo, 1699).

GALICIA

Pintor. Estudiou na Escola de Artes e Oficios de Toledo. Residiu dende 1948 en Mallorca e realizou numerosas exposicións nas Illes Balears. Destacan, entre outros, os murais que fixo para entidades turísticas e hostaleiras de Mallorca.

GALICIA

Dirixente sindical anarquista. Alcumado o Callobrés, colaborou en Solidaridad Obrera, voceiro da anarquista Confederación Regional Galaica. En maio de 1931 fundou o Grupo Ácrata Liberación, que ao ano seguinte se reconvertería no Centro Cultural Obrero de Betanzos, co obxectivo de elevar a cultura popular mediante a celebración de conferencias e outros actos culturais e a difusión de literatura e prensa diversa; foi elixido presidente da sociedade a principios de 1933. En 1932 foi elixido secretario xeral do Sindicato de Profesións Varias de Betanzos, da CNT, e da Federación Comarcal de Sindicatos Únicos de Betanzos, ata a súa dimisión a mediados de 1934, data na que foi detido nos sucesos de outubro.

PERSOEIRO

Escritora. Cultivadora da novela, relato e teatro, entre outros libros publicou Mi hermana Elba (1980), Los altillos de Brumal (1983), El año de graza (1985), El ángulo del horror (1990), Con Agatha en Estambul (1994), El columpio (1995), Hermanas de sangre (1998), Emilia Pardo Bazán (2001) e Cosas que ya no existen (Premio NH de Relatos 2001).

PERSOEIRO

Debuxante. Coñecido como José Cuevas, inspirouse nos tipos e costumes populares. Colaborou en La ilustración gallega y asturiana e La ilustración española y americana.

GALICIA

Política. Diplomada en Graduado Social, foi membro do secretariado comarcal da zona sur de Pontevedra da INTG e membro do consello nacional do BNG, agrupación pola que foi elixida deputada do Parlamento galego na cuarta (1993-1997), quinta (1997-2001) e sexta (2001) lexislaturas.

GALICIA

Filósofo e poeta. Emigrado en Bos Aires, licenciouse en Leis e Teoloxía e ingresou na Armada como capelán. Profesor de filosofía no colexio de San Carlos de Bos Aires, tivo que renunciar en 1827 por motivos políticos. Das súas obras destacan Poesías fúnebres a la tierra memoria del virrey don Pedro Melo de Portugal (1791), Poesías místicas teológico morales (1799), Principios de teología (1824) e Lecciones de Filosofía.

GALICIA

Entallador. Realizou, entre outras obras, un retablo coas imaxes de Nosa Señora e de san Pedro para a igrexa de San Vicente de Rábade.

PERSOEIRO

Conde de Andeiro e Ourém (Portugal). Partidario de Pedro I refuxiouse en Portugal trala chegada ao trono castelán de Enrique II. Trala sinatura da Paz de Santarém (1372), trasladouse a Inglaterra á corte do duque de Lancaster, onde solicitou a súa axuda en nome do monarca portugués. Amante da Raíña Leonor de Portugal, foi nomeado primeiro ministro de Portugal trala morte de Fernando I (1383). Foi mandado asasinar un ano máis tarde polo futuro Rei Xoán I de Portugal.

PERSOEIRO

Bispo de Tui (1775-1796). Licenciado en Leis pola Universidad de Salamanca, foi cóengo lector en Plasencia e Salamanca antes de ser nomeado bispo de Tui. Durante o seu bispado foron construídas, entre outras, as igrexas de Amorín, Celeiros, Ponteareas, San Mateo de Oliveira, San Bernabé de Graña e San Salvador de Prados e o muíño de aceite de Pousa de Sobreiras.