"GR" (Contén)

PUBLICACIÓNS

Publicación de tendencia conservadora editada en Mondoñedo a partir de xullo de 1930. Subtitulouse “Revista mensual. De la Unión Regional de Federaciones de Sindicatos Agrícolas”. Dirixiuna Antonio Maseda Bouso. Incluíu información referida á agricultura, sobre todo coñecementos útiles e aspectos técnicos, e datos sobre o traballo desenvolvido polas federacións adscritas.

PERSOEIRO

Escritora e dramaturga. Encádrase na tradición antinaturalista, moi vinculada coa estética do absurdo, pero tamén coa denuncia das inxustizas, amais de presentar unha visión sumamente crítica da condición humana, moitas veces moi próxima á obra de Camus, Ionesco, Beckett ou Pinter. Entre as súas obras máis coñecidas hai que sinalar El desatino (1965), Los siameses (1967), El Campo (1968), Ganarse la muerte (1976), Decir sí (1981), El despojamiento (1981) o La Malasangre (1984). Un dos seus primeiros textos, Las paredes (1965), foi o punto de partida dun espectáculo de Teatro da MariGaila, Ensaio festivo para unha marcha fúnebre, estreado en 1981 con dirección de Xulio Lago.

1. Método de exploración clínica, fundamentado na administración endovenosa dunha substancia radioactiva, que se fixa dunha maneira selectiva sobre as células do órgano que se quere estudiar.

2. Proba non destrutiva con raios γ para detectar fisuras e outros defectos internos das pezas metálicas. Os raios γ, dunha frecuencia moi alta, propáganse en liña recta a través da peza e rexístranse nunha película sensible. As imperfeccións internas provocan unha diferenza de intensidade no rexistro fotográfico.

1. 1. Necrose dunha parte dun tecido ou dun órgano motivada por un insuficiente rego sanguíneo local.

   2. gangrena gasosa

      Gangrena que se produce nas feridas con grandes estragos, moi contusas, con esmagamento aberto, etc, debido á acción de diversas bacterias anaerobias do xénero Clostridium. Caracterízase por edema, produción de gas e decoloración. OBS: Tamén se denomina flegmón enfisematoso ou gasoso.

   3. gangrena húmida

      Gangrena que ten lugar cando non existe desecación e se produce infección con putrefacción bacteriana.

   4. gangrena seca

      Gangrena que se produce cando os lugares afectados son superficiais e se deshidratan rapidamente por evaporación. Débese a unha obstrución arterial. OBS: Tamén se denomina momificación.

2. Aquilo que corrompe ou que perturba moral ou socialmente.

1. Relativo ou pertencente á gangrena.

2. Que padece gangrena.

PERSOEIRO

Empresaria. Presidenta do consello de administración e conselleira delegada do Grupo de Empresas El Progreso. Estudiou secretariado internacional en Madrid e Oxford. Tralo falecemento do seu home, P. de Cora Paradela, quedou á fronte do grupo empresarial e emprendeu a modernización e ampliación do mesmo, do que forman parte o diario El Progreso, de Lugo, Diario de Pontevedra, Telelugo e El Progreso-Artes Gráficas. É tamén presidenta da Fundación CEL-Iniciativas por Lugo, da Agencia Galega de Noticias (AGN) e forma parte do Consello Social da Universidade de Santiago de Compostela.

GALICIA

Economista. Profesora do Departamento de Economía Aplicada da Universidade de Santiago de Compostela. Participou na creación en 1982 do BNG e formou parte das súas listas electorais en distintas campañas. As grandes liñas do seu traballo de investigación céntranse na economía de Galicia, a economía pesqueira, os estudios de xénero e a enerxía, os recursos naturais e o medio ambiente. Foi directora do Centro de Documentación Europea da Universidade de Santiago de Compostela (1990-1994) e membro do consello científico do Instituto de Desenvolvemento de Galicia (desde 1997). Ademais da súa participación en Grupos de Investigación, Foros e Congresos, publicou a monografía A pesca galega no proceso de integración económica española, 1961-1981 (1987).

GALICIA

Filóloga e política. Desde 1985 pertence ao departamento de Galego-Portugués, Francés e Lingüística da Universidade da Coruña. A súa tese de doutoramento, Lingua galega e lexislación (1991), foi a primeira realizada sobre lingua galega e lexislación iuslingüística. Ademais, ocupouse (1978-1979) da sección “O idioma” do semanario A Nosa Terra, primeira do seu xénero (divulgación de bos usos na práctica oral e escrita da lingua), publicada en medios de comunicación galegos. Membro do Consello Nacional do BNG e deputada no Parlamento galego desde 1989, foi a impulsora da creación da Comisión para a Igualdade e para os Dereitos das Mulleres (1994) na Cámara galega. Destacan as súas obras 33 aproximacións á literatura e a língua galega (1984), en colaboración con X. Mª Dobarro, O galego e as leis. Aproximación sociolingüística (1991), O ensino da língua: Por un cámbio de rumo (1995), en colaboración con X. Costa Casas, Poesia galega de Valentin...

CIDADES

Cidade do estado de California, EE UU, ao L de Long Beach (143.050 h [1990]). Forma parte da área metropolitana de Los Angeles, da que se converteu nun centro residencial.

PERSOEIRO

Actriz cinematográfica irlandesa. En 1932 debutou como actriz de teatro. A finais da década dos trinta contratárona os estudios Metro-Goldwyn-Mayer, para os que fixo numerosas películas, entre as que destacan Goodbye, Mr. Chips, Pride and Prejudice (1940), Mrs. Miniver (1942), pola que obtivo un Oscar, Madame Curie (1943), Mrs. Parkington (1944), That Forsyte Woman (1949), The Miniver Story (1950), Her Twelve Men (1953) e Strange Lady in Town (1955).

PERSOEIRO

Diplomático e escritor. Puxo a escrita dramática ao servizo da propaganda franquista, gañando en 1953 o Premio Lope de Vega coa obra Murió hace quince días. Tamén foi autor de La hija de Juno (1955), La cárcel sin puertas (1958), El rey ha muerto (1960) ou Alarma (1964).

1. Estudio ou descrición das pedras duras e preciosas gravadas.

2. glíptica.