"RG" (Contén)

PERSOEIRO

Compositor. Dirixiu a Royal Academy of Music de Londres e a orquestra do Covent Garden. Compuxo óperas (Don Quixote, 1846), sinfonías, oberturas, oratorios, cantatas e música coral.

PERSOEIRO

Actriz e bailarina estadounidense. Coñecida como Ginger Rogers, foi parella de Fred Astaire en películas musicais como Top Hat (1935), Shall We Dance? (1936) e Kitty Foyle (1940, Oscar á mellor actriz). Tamén participou en Horlow (1965) ou a póstuma Change of Heart (1998).

PERSOEIRO

Regatista. Participou en probas da clase 470 e Láser, e competiu nos Xogos Olímpicos de Atlanta (1996) e nos de Sydney (2000), onde navegou na clase Mistral. Conseguiu a medalla de bronce   no Campionato de Europa (1999) e a segunda praza na Semana de Hyères.

CAPITAIS

Capital do land de Saxonia-Anhalt, Alemaña, situada á esquerda do Elba (235.073 h [2000]). Reconstruída despois da Segunda Guerra Mundial, é un porto fluvial, e comunica co Rin e o baixo Oder por medio dun sistema de canles. Destaca a industria metalúrxica e de maquinaria pesada. Situada nunha fronteira (s IX) e sede dun arcebispado (962), pasou a formar parte da Hansa no s XIII. Adherida á Reforma (1524), converteuse nun ducado secular pola Paz de Westfalia (1648) anexionado despois a Prusia (1680). Despois da Segunda Guerra Mundial integrouse na República Democrática de Alemaña (RDA). Do seu patrimonio cultural destaca a Liebfrauenkirche (1019), convertida no mosteiro premostratense máis importante de Alemaña, e as igrexas románicas de Sankt Sebastian (s XII) e de Sankt Johannes. Foi a capital do bezirk homónimo da RDA.

PERSOEIRO

Político ecuatoriano. Foi ministro de Estado de Traballo (1983-1984), deputado (1986-1988 e 1990-1992) e alcalde de Quito (1996). Presidiu a República de Ecuador (1998-2000) polo partido Democracia Popular-Unión Demócrata Cristiana (DP-UDC). En 2000 ditou a dolarización da economía o que provocou unha revolta do exército e do pobo na que foi deposto.

PERSOEIRO

Político. Foi membro, desde 1939, do comité central do PCUS e formou parte do goberno soviético durante a Segunda Guerra Mundial. Colaborou con Stalin e sucedeuno no goberno (1953-1955), pero foi acusado de actividades contra o partido e excluírono do comité central en 1957.

PERSOEIRO

Alpinista inglés. Formou parte da expedición británica de recoñecemento e asalto do Everest (1921 e 1922). Desapareceu nunha terceira expedición en 1924, xunto co seu compañeiro Irving. O seu corpo foi localizado en 1999.

PERSOEIRO

Poeta sueco. As súas composicións seguen a liña de E. Tegnér e de V. von Heidenstam. Destaca a súa colección Os poemas á fronteira (1935).

PERSOEIRO

Lingüista sueco. Traballou nos campos da fonética e da romanística seguindo as liñas do estruturalismo e enlazando a corrente da escola de Copenhaguen coa de Praga. Das súas obras destacan Nya Vägar inom språkforskningen (Os novos camiños da lingüística, 1959), Språket ochmanniskan (A lingua e o home, 1966), Signes et symboles (1977) e Le langage-signe de l’humain (1979). Foi presidente da Sociedade Internacional de Ciencias Fonéticas.

PARROQUIA

Parroquia baixo a advocación de san Xulián que dá nome ao concello de Malpica de Bergantiños, onde se localiza a capital municipal.

GALICIA

Concello da comarca de Bergantiños, no O da Comunidade Autónoma de Galicia e da provincia da Coruña, situado a 43° 19’ de latitude N e 8° 48’ de lonxitude O. Limita ao N co Océano Atlántico, ao L co concello de Carballo (Bergantiños), ao S co concello de Ponteceso (Bergantiños) e ao O co Océano Atlántico. Abrangue unha superficie de 61,4 km2cunha poboación de 6.432 h (2007), distribuída nas parroquias de Barizo, Buño, Cambre, Cerqueda, Leiloio, Malpica de Bergantiños, Mens e Vilanova de Santiso. A capital do concello é Malpica, situada a 51 km da cidade da Coruña e a 64 km de Santiago de Compostela. Está á arquiarquidiocese de Santiago e ao partido xudicial de Carballo.
Xeografía física
É unha estreita franxa de terra cinguida ao mar. O relevo non ofrece unha gran variedade, xa que se trata dunha superficie chá cunha altitude media de 100 m lixeiramente ondulada. Xeoloxicamente, presenta unha alternancia de gneis e xistos. As maiores pendentes sitúanse...

GALICIA

Bispo auxiliar de Toledo (1652), bispo de Almería (1662-1672) e Astorga (1672-1674). Cóengo e provisor de Mondoñedo, foi gobernador eclesiástico de Santiago de Compostela e prior de Santo Agostiño de Caaveiro, e exerceu como chanceler das universidades de Santiago de Compostela e Salamanca.

PERSOEIRO

Poeta. Foi comendador da orde de Santiago e protexido de Afonso V. Das cincuenta composicións do seu cancioneiro, a maioría de contido amoroso e de carácter alegórico, destaca a elexía Coplas a la muerte de su padre, composición vinculada á tradición medieval dos prantos e da danza da morte, e ennobrecida non só pola grandeza da vida, senón tamén pola morte macabra a unha idade temperá. Caracterizouse polo valor e a orixinalidade no ton exhortativo, na expresión efusiva e serena, e no don da evocación de todo un mundo pasado e inaprehensible. Na composición aparecen os conceptos do poder igualatorio da morte, que aparece personificada, e o da fama, plasmada na figura do pai do poeta, Rodrigo Manrique, un concepto renacentista que sinala a importancia dunha vida digna; ambos os dous temas tiveron unha gran vitalidade na literatura posterior. Outras composicións menores do autor son “Castillo de amor” ou “Escala de amor”, onde destaca a alegría erótica e a descrición directa da paixón,...

CIDADES

Cidade do land de Hessen, Alemaña (73.200 h [1990]). Está situada a ambos os dous lados do Lahn e dominada por un outeiro cun castelo (ss XIII-XV). Fundouse a finais do s XII, e o landgrave de Turinxia, Luís II, concedeulle carta municipal en 1227. A súa universidade, que se constituíu en 1527, converteuse nun importante centro difusor da Reforma.

PERSOEIRO

Político francés. En 1947 afiliouse ao Parti Communiste Français (PCF), do que foi secretario xeral entre 1972 e 1994 e apoiou o eurocomunismo. Membro do Parlamento Europeo desde 1979, coa vitoria da esquerda nas eleccións xerais francesas de 1981 iniciou un período de colaboración co goberno que se prolongou ata 1984. Foi reelixido deputado da Assemblée Nationale en 1988 e 1993, e en 1994 dimitiu como secretario xeral do PCF. En 1996 foi acusado de financiamento ilegal e de tráfico de influencias xunto con outros membros do PCF.

PERSOEIRO

Ecólogo e naturalista. Director do Institut d’Investigacions Pesqueres (1951), destacou no eido da aplicación da teoría da información ao estudo das comunidades e na formulación de modelos matemáticos para o estudo do plancto. Estudiou tamén aspectos prácticos como os de eutrofización dos pantanos e a produtividade e contaminación das augas. Publicou Ecología (1974), La biosfera entre la termodinámica y el juego (1980), Limnologia (1983) e Teoría de los sistemas ecológicos (1991). Recibiu o Premio Ramón y Cajal (1983).