"Oria" (Contén)

Proceso que seguiu á conspiración dun sector da nobreza cortesá dirixida polo príncipe de Asturias, o futuro Fernando VII, contra Manuel Godoy e Carlos IV (1807). Descuberta a conspiración en El Escorial, onde estaba a corte, e arrestado o príncipe, este asinou unha petición de perdón que lle foi concedida en novembro do mesmo ano e delatou os seus colaboradores, absoltos no proceso de xaneiro de 1808, pero desterrados. Ante estes feitos, o pobo radicalizou aínda máis a hostilidade cara a Godoy, que se fixo patente pouco tempo despois no Motín de Aranjuez.

Real Monasterio de San Lorenzo de El Escorial.

Empresa fundada en Barcelona en 1860 polos irmáns Josep e Pau Espasa i Anguera co nome de Espasa Germans. Inicialmente, ademais de El Mundo Ilustrado, a súa actividade centrouse en publicacións en catalán e así editou o Dicionari de la llengua catalana (1864-1865), de Labérnia, e a Gramàtica catalana, de Bofarull e Blanc. En 1905 comezou a edición da Enciclopedia universal ilustrada europeo-americana, coñecida popularmente por Enciclopedia Espasa. A partir de 1908 continuaron o labor editorial os seus fillos Josep, Joan e Lluís Espasa i Escayola. En 1926, cando a Editorial Hijos de J. Espasa xa publicara 50 volumes da Enciclopedia Universal Ilustrada, produciuse a fusión con Calpe (Compañía Anónima de Librería y Publicaciones Españolas), fundada en 1911 en Madrid. Nese momento, converteuse nunha das principais editoriais de Europa, con proxección en Arxentina e México. Dende a súa constitución, Espasa-Calpe ten ao seu cargo a edición do Dicionario...

Termo da verba dos arxinas, ou xerga dos canteiros, que corresponde á voz ‘enterrar’.

Disciplina que conxuga os métodos e técnicas de estudo da historia e da etnografía para reconstruír a historia e a cultura dos grupos indíxenas independentes ou sometidos ao poder colonial, dos grupos con cultura tradicional e dos grupos marxinais contemporáneos e as súas relacións cos demais grupos cos que se interrelacionan. As súas orixes son as historias escritas polos primeiros exploradores e navegantes. Na década de 1940 o antropólogo francés C. Lévi-Strauss formulou a necesidade de combinar a historia e a etnografía para avanzar no estudo de determinadas sociedades. O termo cuñouse nos EE UU para designar a investigación antropolóxica destinada á interpretación e ao rescate dos documentos antigos dos indios norteamericanos para devolverlles das terras que se lles expropiaran durante a conquista. A súa metodoloxía estableceuse no libro de W. Sturtevant Anthropology, History and Ethnohistory (Antropoloxía, historia e etnohistoria, 1956). A partir da década de 1960 comezaron...

Empresa fundada en León arredor de 1960. Conta con máis de 4.000 títulos publicados e está formada por 16 empresas do mundo do libro: Aizkorri, Edicións Cadí, Ediciones Gaviota, Editorial Everest, E. Everest Andalucía, Everdidac Internacional e E. Everest Galicia, con sede na Coruña. A súa liña de traballo está orientada fundamentalmente á literatura infantil e xuvenil e ao material educativo. En lingua galega, as súas coleccións divídense en: “Montaña Encantada”, “Punto de Encontro”, “O meu mundo Disney”, “O Neno, a Nena e o Bau”, “Libros de texto” e “Material educativo”.

Lesión na epiderme, xeralmente provocada por unha rascadura, e que aparece cuberta de sangue ou de carapola.

Provocar unha excoriación.

Documento público en que, en nome do Rei, se consigna unha sentenza firme.

Heteroforia en que a desviación é cara a fóra. OBS: A grafía <x> representa o son [ks].

Que se fai ou ocorre sen a intervención dos sentidos.

Que se encontra fóra dos límites territoriais dunha xurisdición.

Dereito ou privilexio baseado nunha ficción xurídica que considera persoas, cousas e locais como se estivesen fóra do territorio en que se atopan para continuar sometidos ás leis dos seus países de orixe.

Compañía profesional de teatro creada a principios dos noventa por Cristina Domínguez. Destaca polo seu rigor interpretativo e pola coidada posta en escena, que se potencia cunha coidada selección de textos. Entre os espectáculos producidos destacan Voces no vento (1992), recital poético sobre textos de diversos autores como Álvaro Cunqueiro, Celso Emilio Ferreiro, Luís Pimentel, Luís Seoane ou Manuel Antonio; Na soidade dos campos de algodón (1994), sobre o texto homónimo de B. M. Koltès; Para o leste do Gantry (1997), baseado na obra de Edward Thomas; Cantos, contos, contas (1995), a partir dun texto de Xavier Picallo dirixido por Alfredo Rodríguez; A casa de América (1998), cun novo texto de Edward Thomas; As presidentas (2000), sobre un texto de Werner Schwab ou Coitelos nas galiñas (2001), segundo un texto do autor escocés David Harrower.