"URA" (Contén)

Ave de ata 160 cm de envergadura, de plumaxe castaña escura e de cabeza e pescozo vermellos sen emplumar. De comportamento gregario, aliméntase principalmente de prea e tamén de insectos e pequenos réptiles. Habita en gran parte de América meridional.

Colorante básico do grupo do difenilmetano. Obtense condensando a dimetilanilina e o aldehido fórmico. Emprégase como colorante de fibras animais, como antiséptico e como funxicida.

Sal sódico ou amónico da hexanitrodifenilamina. Emprégase como colorante e en fotografía para facer filtros de luz.

Provincia do Reino visigodo da Península Ibérica. A súa extensión correspondíase aproximadamente coa provincia romana Cartaxinense.

Denominación romana de Orihuela.

Calquera sal do ácido áurico.

Sociedade cultural creada en 1967 por un grupo de mozos ourensáns encabezados por Pedro Merino Gómez e Santiago Docampo Figueiral co fin de espallar a cultura galega. Axiña se adheriron a ela galeguistas como Otero Pedrayo, nomeado presidente de honor, xunto a outros intelectuais ourensáns como Xesús Ferro Couselo, Xaquín Lourenzo Fernández, Bieito Fernández Alvárez, Eleuterio González Salgado, Salvador Rey Domínguez, Antón Fernández Sánchez, Carlos Guitián Rodríguez e Nemesio Barxa Álvarez. Esta agrupación desenvolveu importantes actividades culturais como a organización de debates denominados Tertulias da Auriense, cursos de lingua e literatura galega, excursións culturais e conferencias sobre temas económicos, sociais, históricos e literarios. O seu boletín interno levou o nome de Boletín da Auriense.

Eliminación gradual por descomposición aerobia do exceso de materia orgánica das augas naturais contaminadas, grazas á actividade dos microorganismos que nelas viven.

Poñerse a terra cun determinado cultivo de cor verde.

Técnica para a cría de aves en xeral e, máis particularmente, das aves de curral (galiñas, gansos, e tamén pombas, paspallás, perdices, faisáns, pavos, etc). Pode ter interese para a obtención de exemplares ornamentais (gansos, cisnes e outros anátidos) ou aptas para algún tipo de exhibición (galos de pelexa), pero a súa finalidade principal é a obtención de ovos, carne e plumas. A gran demanda destes produtos avícolas trouxo consigo a necesidade dunha gran produción e dun rendemento óptimo dos animais, conseguidos mediante a selección dos mellores reprodutores e pola creación de híbridos que reúnan unhas características de calidade e de rendemento superiores ás das razas orixinais. A produción industrializada de carne (polos de pouca idade, chamados broilers) experimentou nos últimos anos un pulo moi grande iniciado despois da proliferación das granxas dedicadas á produción de ovos. É importante o fenómeno da integración na Avicultura; mentres que a produción de ovos está dominada,...

Cultura prehistórica eneolítica que se orixinou en Baden, ao S de Viena. Estendeuse por boa parte de Europa central (Austria, República Checa, Eslovaquia, Hungría, S de Polonia e Romanía) na primeira metade do segundo milenio a C. A parte económica baseábase no cultivo dos cereais e na gandería (bovina, porcina e ovina). É típica a súa cerámica decorada con liñas incisas tanto continuas como punteadas.

Conxunto de macizos montañosos de acusadas pendentes na comarca da Baixa Limia, declarados Parque Natural en 1993, e que limitan co Parque Nacional portugués da Peneda-Gêres. A ampla rede de afluentes do Limia, entre os que destacan o río Caldo, o Agro e o Salas, drena o territorio do parque e constitúe un elemento decisivo na configuración do relevo e na distribución da flora e da fauna. Ao N do río sitúanse a Serra do Laboreiro e o Monte da Fraga, ao NO os Montes do Quinxo, e ao S as serras de Santa Eufemia e a do Xurés. A superficie do parque e de 20.920 ha repartidas entre os concellos de Entrimo, Lobios e Muíños. A maior parte do territorio do parque atópase por riba dos 1.000 m de altitude, acadando o punto máis elevado nos 1556 m da Nevosa, na serra do Xurés.
Xeoloxía e xeomorfoloxía
O substrato litolóxico está constituído maioritariamente por granitos e granodioritas, pero tamén aparecen xistos e gneises con baixo contido en cuarzo no sector noroccidental,...