"sin" (Contén)

Síndrome causada por unha lesión traumática dunha metade da medula espinal. Caracterízase pola hemiparaplexia, con hemianestesia profunda do lado da lesión e perda da sensibilidade á temperatura e á dor do lado oposto. Foi descrita en 1851 por Charles Édouard Brown-Séquard.

Tipo de hipertensión portal descrita polo médico inglés Wiliam Budd (North Tawton, Devonshire 1811 - Bristol? 1880) e polo médico austríaco Hans Chiari (Viena 1851 - Estrasburgo 1916), causada pola obstrución das veas suprahepáticas. Conleva unha ascite de insaturación rápida, hipertrofia hepática e circulación venosa subcutánea toracoabdominal.

Tipo de comunicación publicitaria a través da que unha empresa pretende vender a outra os seus produtos ou servicios. Neste caso o consumidor individualizado non existe como tal, senón que o potencial comprador é outra empresa ou organismo. Esta publicidade é un elemento máis do márketing industrial.

Sulfuro de cobre, de fórmula Cu2S. Cristaliza no sistema rómbico, se se forma por debaixo de 105°C, ou no hexagonal, se é por riba desta temperatura. Aparece en cristais tabulares ou prismáticos, ou formando masas. Ten unha cor gris chumbo, brillo metálico e unha dureza 2,5-3. É unha importante fonte para a obtención de cobre. Tamén se coñece como cobre vítreo.

Grupo social formado por aquelas persoas que viven da explotación dos recursos da terra e que dispoñen da familia como forza de traballo. O termo emprégase na socioloxía e na historiografía para estudar as sociedades campesiñas latifundistas como as de Andalucía e Francia. En Galicia investigadores como Lorenzo Fernández decantáronse polos termos de agrarismo e agrarista á hora de estudar este fenómeno. Aínda así, Pérez Touriño, no eido económico, e Cardesín, no sociolóxico, empregan o termo de campesiñado.

Valentín González.

Compañía de teatro chicano fundada por Luís Váldez nos EE UU en 1965, como grupo de apoio ás folgas dos traballadores agrícolas. Un dos seus primeiros espectáculos, Las dos caras del patroncito, estreado en 1965, amosaba a súa orientación comunitaria e reivindicativa, tradición que continuarían con novas propostas de traballos de investigación arredor da cultura precolombina como El baile de los gigantes, baseado no libro maia Popol Vuh.

Levantamento dos campesiños alemáns movidos polas prédicas de Andreas Karlstadt e Thomas Müntzer durante a Reforma protestante (1524-1525). Iniciouse na Selva Negra e estendeuse por Suabia, Renania, Hessen, Turinxia, Saxonia e o Tirol. Reivindicaban os Doce puntos dos campesiños de Suecia (1525), que incluían, entre outros, a abolición da servidume e das prestacións persoais, a diminución dos décimos, a devolución das terras comunais usurpadas, a liberdade de caza e pesca e a elección dos sacerdotes. Pouco organizados, percorreron o país destruíndo abadías e propiedades. En 1525 Lutero publicou un escrito condenando a revolta e instando os príncipes a rematar co levantamento. O exército da Liga suaba derrotou as bandas campesiñas que sufriron unha dura represión co axustizamento de máis de cen mil campesiños.

Acordo asinado o 18 de setembro de 1509 entre Manuel I de Portugal e Xoana I de Castela coa intención de resolver as dúbidas existentes sobre os límites de navegación e conquista na costa africana, definidos no Tratado de Tordesillas (1494). Estableceuse que Portugal renunciase á conquista de Vélez de la Gomera, Cazaza e todas as poboacións costeiras, mentres Castela recoñecía a soberanía portuguesa dos territorios comprendidos desde Vélez ata o cabo Bojador.

Anta situada no outeiro dos Curros, na parroquia de Lampón (Boiro). Carece de mámoa e a cámara é de planta poligonal. Conserva sete chantas, todas elas imbricadas (unha delas está desprazada), e a tampa, que está caída e apoiada lateralmente. Do corredor, que está orientado cara ao leste, permanecen dúas laxes e a tampa.