"RG" (Contén)

Organismo da ONU que se creou en 1947 para promover a seguridade e a eficiencia dos transportes aéreos. Ten a súa sede en Montréal. As súas actividades inclúen a elaboración de regulamentos e códigos de circulación e seguridade, o mantemento de rutas polas que favorecer a axuda internacional e a asistencia técnica aos estados menos desenvolvidos.

Asociación fundada en 1975 de carácter privado, independente e sen ánimo de lucro. O seu principal obxectivo é a información e atención dos consumidores así como a defensa dos seus intereses. Está integrada no grupo EUROCONSUMERS (Consumidores de Europa) e nos principais organismos de representación internacional de consumidores. Conta con publicacións periódicas de información xeral, como OCU-Compra Maestra, Dinero y Derechos e OCU-Salud, e boletíns financeiros, Dinero Quince e Dinero y Fondos.

Organismo económico internacional formado polos 30 países máis desenvolvidos do mundo capitalista (todos os de Europa occidental, EE UU, Canadá, Australia, Nova Zelanda e Xapón). Creada pola Convención Xeral de París en 1960, é sucesora da antiga Organización Europea de Cooperación Económica (OECE). Trata de estimular os intercambios económicos internacionais sobre bases multilaterais, de realizar e impulsar estudos e propoñer políticas económicas aos estados membros.

Organización de América Central, fundada en 1951 por Costa Rica, El Salvador, Guatemala, Honduras e Nicaragua para promover a unidade e a cooperación dos estados membros.

Organización creada en 1968 por Arabia Saudí, Kuwait e Libia para conseguir a cooperación petroleira entre os estados membros e as melloras técnicas e económicas na explotación e comercialización do seu petróleo. Despois do golpe de estado de Moammar al-Gaddafi en Libia, e a entrada de Alxeria e Iraq, a organización mostrouse como un instrumento de presión, tanto económica como política, cara aos países consumidores de petróleo e as empresas multinacionais do sector.

Organismo internacional creado en 1961 para unificar as políticas petroleiras dos países membros e determinar as accións máis axeitadas para protexer os seus intereses individual e colectivamente. Despois da Conferencia de Teherán de 1971 e a Guerra Árabe-israelí de 1973, os países da OPEP aproveitaron a forte dependencia e vulnerabilidade enerxética mundial respecto do seu petróleo para formar un cártel de presión económica e política, elevando fortemente os prezos do petróleo e aumentando a súa capacidade de negociación con outros países e coas empresas multinacionais petroleiras. A partir da década de 1980, como consecuencia da crise económica que fixo diminuír a demanda de petróleo dos países industrializados e a descuberta de novos xacementos de petróleo, minguou notablemente o seu control sobre o mercado de hidrocarburos.

Organización defensiva multilateral creada en 1959 por Turquía, Irán, Paquistán e Reino Unido, despois de que Iraq abandonase o Pacto de Bagdad en 1955. Os seus obxectivos eran a defensa conxunta ante posibles agresores e a cooperación para o desenvolvemento económico e científico. A súa denominación alude a unha zona central entre as rexións incluídas na Organización do Tratado do Atlántico Norte (OTAN) e na Organización do Tratado do Sueste Asiático (OTASE). EE UU relacionouse coa organización a través de acordos bilaterais cos países membros. A sede inicial de Bagdad trasladouse a Ancara (Turquía) en 1958. A organización disolveuse en 1979, tras a retirada de Irán e Paquistán.

Organismo creado en 1949 para oporse ao Pacto de Varsovia (1949). Os países que se comprometeron foron Bélxica, Canadá, Dinamarca, EE UU, Francia, Islandia, Italia, Luxemburgo, Noruega, Países Baixos, Portugal e Reino Unido. Posteriormente foron admitidos Grecia e Turquía (ambos os dous en 1950), Alemaña (1955) e España (1982). En 1999 incluíronse Hungría, Polonia e República Checa. A última ampliación foi con Bulgaria, Eslovaquia, Eslovenia, Estonia, Lituania, Letonia e Romanía (2004). A súa estrutura está formada polo Consello do Atlántico Norte, composto por un representante de cada país membro, e as decisións tómanse por unanimidade. O seu órgano executivo é o Estado Maior Militar Internacional. Coa mingua das tensións entre Oriente e o Occidente, a OTAN decidiu (marzo de 1990) reducir o seu arsenal nuclear en Europa. En novembro de 1990 a OTAN e o Pacto de Varsovia asinaron a paz. Entre 1995 e 1999 o español F. J. Solana Madariaga foi o seu secretario xeral.

Organismo creado polo tratado militar de defensa en 1954 por Australia, EE UU, Filipinas, Francia, Reino Unido, Nova Zelanda, Paquistán e Tailandia para se opoñer ás actividades militares promovidas pola República Popular China. Foi disolto en 1977, debido á mellora das relacións de EE UU e doutros países da OTASE con China.

Organismo fundado en 1948 con sede en Washington para promover a cooperación económica, política e cultural e para garantir a defensa dos seus membros. Agrupa todos os estados americanos agás Cuba, expulsada en 1962.

Organismo creado en 1948 en París para administrar o Plan Marshall. Composto inicialmente por Austria, Bélxica, Dinamarca, Francia, Reino Unido, Grecia, Holanda, Irlanda, Islandia, Italia, Luxemburgo, Noruega, Portugal, Suecia, Suíza e Turquía, en 1949 incorporouse a República Federal de Alemaña e en 1959 España. Promotora da liberación dos intercambios comerciais e da integración rexional en mercados, a creación da CEE e da EFTA forzaron unha renovación, motivo polo que foi disolta en 1961 para converterse, ampliada, na OCDE.

Institución intergobernamental que se fundou en 1954 co nome de Conseil Européen pour la Recherche Nucléaire por Alemaña, Bélxica, Dinamarca, Francia, Grecia, Italia, Iugoslavia (retirada en 1961), Noruega, Países Baixos, Reino Unido, Suecia e Suíza para a investigación, fundamentalmente no campo da física das altas enerxías. Posteriormente incorporáronse Austria (1959), Bulgaria (1999), Eslovaquia (1993), España (1961, retirouse en 1969 e volveu incorporarse en 1983), Finlandia (1991), Hungría (1992), Polonia (1991), Portugal (1985) e República Checa (1993). A sede e as instalacións están preto de Xenebra, na fronteira francosuíza, e componse dos emprazamentos de Meyrin e Prevessin. Son importantes os seus aceleradores de partículas e os aneis de colisión. Dos feitos acadados destacan o descubrimento das correntes neutras (1973) e a detección dos bosóns intermediarios (1983). Neste centro tamén se crearon as especificacións básicas da World Wide Web dentro de Internet.

Organismo internacional creado na Conferencia de Paz de París en 1919 con sede en Xenebra. Propón a mellora das condicións do traballo, da seguridade social, da formación profesional, da negociación colectiva, da participación na xestións nas empresas, do acceso á vivenda, do ocio e doutros temas conectados. Os gobernos ratifican as convencións que establecen os estándares mínimos internacionais aceptables en condicións de traballo e visado e han de seguir as recomendacións preparadas, e tamén poden aproveitar os servizos de asistencia técnica creados. A súa secretaría permanente é a Oficina Internacional do Traballo. En 1969 recibiu o Premio Nobel da Paz.

Organismo da ONU creado en 1946 para ofrecer asistencia aos refuxiados de guerra europeos e asiáticos. Os seus servizos incluían transporte, manutención, aloxamento, asistencia sanitaria, protección legal, formación, orientación e colocación dos refuxiados e busca de familias perdidas. En 1951 foi substituído polo Alto Comisionado das Nacións Unidas para os Refuxiados (ACNUR).

Organismo internacional que ten como finalidade ditar as normas pertinentes para facilitar o intercambio de bens e servizos, e de desenvolver o traballo conxunto no campo intelectual, científico, técnico e económico. Creada en 1946, substituíu a International Standard Associaton (ISA), que fora fundada en 1926. Das súas propostas de normalización internacional destacan o sistema de transliteración de alfabetos non latinos (como o árabe, o grego, o cirílico ou o hebreo).

Organización xuvenil española creada en 1960 e baseada nos principios doutrinais do Movimiento Nacional. Desapareceu entre 1976 e 1977, no marco da transición á democracia.

Organización internacional fundada polos representantes latinoamericanos en La Habana (1966) para formular unha estratexia de loita contra o imperialismo e o neocolonialismo en América Latina.

Nome que en 1982 adoptou a Organización Intergobernamental Consultiva da Navegación Marítima (OICNM), organismo creado en 1948 para promover a cooperación entre os gobernos no campo da navegación marítima e, especialmente, da súa seguridade. Está afiliada á ONU e ten a súa sede en Londres.

Grupo político que naceu a finais da década de 1960 en Francia, aínda que se firmou a súa constitución en Bruxelas en 1968. Estivo formado por diferentes grupos, dos que destacan os relacionados co xornal Mundo Obrero Revolucionario e a Organización Comunista Marxista-Leninista. Dos seus obxectivos destaca a igualdade da muller, a separación Igrexa e Estado e a liberdade dos presos políticos. Creou comisións obreiras de barrio en París, e en España operou en Cádiz, Madrid e Galicia.

Organización da ONU que se dedica ao campo da meteoroloxía. En 1951 substituíu o IMO (International Meteorological Organization) e ten a sede permanente en Xenebra. Os obxectivos desta organización son facilitar a cooperación entre os diferentes países (ten 152 membros) no establecemento dunha rede de estacións meteorolóxicas.