"ALE" (Contén)

Todo o relativo a Alemaña, á propia lingua, aos seus habitantes ou a calquera elemento relacionado co país.

Criterio de converxencia ou diverxencia dunha serie infinita, segundo o cal a serie converxe se, a partir dun certo termo, o valor absoluto do cociente dos termos sucesivos da serie é sempre menor ca un número determinado positivo menor que 1. Se este cociente é sempre maior que 1, a serie diverxe. En calquera outro caso non se pode dicir nada sobre a converxencia ou a diverxencia da serie.

Principio diferencial da mecánica que di que a forza de inercia dun punto material equilíbrase coa resultante das forzas sobre el aplicadas, nun sistema non sometido a forzas de frición.

Operador escalar universal que é o produto escalar do gradiente tetradimensional por el mesmo.

Antigo nome do cloruro dobre de amonio e de mercurio (II). Proporciona solucións con concentracións de mercurio moito máis elevadas que as de cloruro mercúrico só.

Liñaxe orixinaria de Fornelos de Montes. Tamén estableceu casas en Ribadavia e Tui. Dende esta última cidade, pasou a América deixando en Chile unha ilustre descendencia. Foron enterrados na capela tudense da Torre de Santo Andrés de Tui e despois na maior de Santo Domingo, da que eran copatróns cos de Priegue. Esta estirpe entroncou cos Soutomaior e López de Sobrado. As súas armas levan, en campo de prata, unha cabeza de lobo da súa cor natural arrimada de dous voos de águia da súa cor natural. Outra variante: escudo cortado que leva no alto estas mesmas armas, sobre campo de prata; e, no baixo, axadrezado de vinte e unha pezas, dez de ouro e once de goles que aluden ao seu entroncamento cos Soutomaior. Algúns investigadores reseñan aínda outra: escudo tronchado acompañado, no alto, sobre campo de prata, dunha pomba da súa cor que se apoia na partición; e, no baixo, en campo de prata, de tres faixas axadrezadas de ouro e goles, en catro ordes, cargada cada unha...

Adega do Ribeiro fundada por Ricardo Vázquez Alemparte no 1979. Posúe cinco hectáreas en propiedade e comercializa ao redor de 112.500 litros de viño ao ano, etiquetado con dúas marcas: Alemparte e Airón. Esta adega converteuse nunha das pioneiras no arranque de cepas de baixa calidade e na replantación de cepas autóctonas.

Liñaxe de orixe vasca. Prodedente do Val de Gordejuela ou Valmaseda en Bizkaia, deu nome á vila de Alén, no término de Sopuerta, dende onde pasou a Galicia. Asentáronse en Verín e Mondariz e deron nome a varias aldeas. Dos de Mondariz descenderon ilustres familias establecidas na Arxentina e en Colombia. As armas primitivas desta estirpe levan, en campo de ouro, unha panela de goles. Os máis comúns de Galicia traen, escudo cuarteado: o primeiro e o cuarto cuartel trae, en campo de ouro, tres panelas de sinople, ben ordenadas; mentres que o segundo e o terceiro, en campo de goles, tres flores de lis de prata, ben ordenadas; o bordo é de ouro.

Colectivo poético aparecido a finais dos setenta á par doutros como Rompente, Dolmen, Dorna, Cravo Fondo, etc, de vida efémera. Estivo formada por autores novos que publicaron obras conxuntas de estética variada, moi vangardista e innovadora.

Comedia dramática en prosa, nun acto e tres cadros, escrita por Xaime Quintanilla e publicada en 1921. Sobresae por ter sido un dos primeiros que non presenta as ambientacións esencialistas e ruralistas propias da época, e por situar a acción dramática fóra da Galicia interior ou exterior, máis concretamente en Nova York. O mesmo autor advirte, no inicio da peza, que o asunto sobre o que constrúe a fábula argumental acontecera en América do Norte e del fixéranse eco todos os xornais do mundo. Na obra latexa a querenza que sentía o autor polo saudosismo, por Teixeira de Pascoães (“a saudade, ha de ficar sobrevivente aos mundos e ás estrelas”), nunha indubidable atmosfera orientalista, e por unha manchea de intelectuais entre os que destaca Vicente Risco. Non obstante , no texto tamén se percibe unha crítica soterrada ás doutrinas espiritistas e aos estados de inanición intelectual a que poden conducir.

Boletín mensual nado en 1989 e editado pola Secretaría Xeral para as Relacións coas Comunidades Galegas. Recollía disposicións legais, convenios, proxectos e iniciativas relacionadas coas colectividades galegas no exterior.