"Trat" (Contén)

Revista de carácter profesional publicada na Coruña a partir de xaneiro de 1962 que cesou en xaneiro de 1978. Editada nos obradoiros de El Ideal Gallego cunha periodicidade cuadrimestral, foi dirixida por Ricardo Mora e Samuel Roberes. A publicación xurdiu coincidindo coa creación dunha nova sala na Audiencia Territorial da Coruña e ofreceu estudos lexislativos, ditames, bibliografía e xurisprudencia.

Tratado de paz asinado en 1697 na cidade neerlandesa de Rijswijk, que puxo fin aos enfrontamentos entre os países da Liga de Augsburgo e Luís XIV de Francia. Este, que quería asegurar a candidatura francesa na sucesión de Carlos II á coroa española, devolveu todas as conquistas feitas nos Países Baixos. Recoñeceu como rei de Inglaterra a Guillerme III, devolvéndose ambos as conquistas mutuas e restablecendo a liberdade de comercio e navegación entre os seus súbditos. Francia conservou as súas mellores adquisicións, recuperou a baía de Hudson e mantivo íntegro o seu imperio colonial.

Acordo asinado en Roma o 25 de marzo de 1957 por Bélxica, Francia, Luxemburgo, Italia, Países Baixos e a República Federal de Alemaña polo que se creou a Comunidade Económica Europea e a Comunidade Europea de Enerxía Atómica. Os seus obxectivos eran a eliminación de barreiras comerciais entre os países membros, a coodinación das políticas agrarias, a adopción de políticas comerciais comúns e a libre competencia.

Tratado de Rijswijk.

Tratado asinado por Fernando II de Galicia e León (1157-1188) e o seu irmán Sancho III de Castela en 1158. Nel, fixaron os lindes dos seus reinos e ditaron o compromiso de non negociación con Portugal sen o consentemento de ambos. Respecto ás posibles conquistas no sur musulmán, tamén deixaron feita a repartición das terras.

Acordo asinado en Salamanca en 1505 polo que Fernando II de Aragón o Católico, Filipe I o Fermoso e Xoana I a Tola se comprometeron a gobernar conxuntamente os reinos de Castela e León. Filipe e Xoana foron xurados reis polas cortes, e Fernando, gobernador a perpetuidade. As intrigas da nobreza castelá, favorecida por Filipe I e Maximiliano de Austria, conduciron á formación dun bando partidario dos Habsburgo, que quería desprazar ao monarca aragonés, que pactou con Luís XII de Francia (Tratado de Blois, 1505) e casou con Xermana de Foix. Para contrarrestar os efectos desta alianza, Filipe I acercouse ao Reino de Castela, que levou á sinatura deste tratado.

Tratados asinados entre España e a República Francesa en 1796 e 1801. Polo primeiro, España entrou en guerra contra Inglaterra. Polo segundo, España entregou aos franceses Louisiana a cambio da Toscana. Estableceu, ademais, a cooperación militar de Carlos IV nas empresas napoleónicas.

Tratado asinado o 3 de marzo de 1878 na localidade de Sant Stefano, actual Yesilkoy, preto de Istambul, entre Rusia e Turquía e que puxo fin ás Guerras Ruso-turcas (1877-1878). Romanía, Serbia e Montenegro acadaron a soberanía propia e Bosnia-Herzegovina a autonomía. Paralelamente, Rusia organizou a Gran Bulgaria. A hexemonía rusa nos Balcáns motivou a convocatoria do Congreso de Berlín (1878) por parte das potencias occidentais.

Pacto asinado en Sèvres, entre os turcos e os aliados o 10 de agosto de 1920, polo que se cedía a Grecia a Tracia Oriental (con Gallípoli), as illas do mar Exeo (agás Rodas) e a administración de Esmirna. Francia recibiu Siria e Cilicia. Iraq, Palestina, Chipre e Exipto pasaron a Inglaterra, que tamén obtiña o protectorado de Arabia. O Dodecaneso e a illa de Rodas pasaron a Italia. O parlamento turco non o ratificou, e o movemento nacionalista turco, dirixido por Mustafá Kemal, obrigou a revisalo e substituílo polo Tratado de Lausanne (1923).

Pacto asinado entre Xapón e China o 8 de maio de 1895, na cidade homónima, que poñía fin á Primeira Guerra Chino-xaponesa. Xapón impuxo a independencia de Corea (baixo a súa influencia) e obtivo as illas de Formosa e Pescadores, boas concesións comerciais e indemnizacións.

Anastasia Strataki.

Conversas sobre a limitación de armas estratéxicas iniciadas en 1969 entre EE UU e a URSS para frear a carreira de armamentos, especialmente a dos nucleares. As principais foron as de Moscova (1972), a partir das que se denominaron SALT II, e as de Vladivostok (1975). As negociacións, que comezaron en 1979, retomáronse en 1982 baixo a denominación de START.

Conversas iniciadas en 1982 en Xenebra entre EE UU e a URSS para reducir as armas estratéxicas, especialmente no que se refire ás de alcance medio, cun raio de acción que afecta a Europa. Paralizadas en 1983, reiniciáronse coa chegada ao poder de M. Gorbačov (1985), e remataron en 1991 coa sinatura do tratado que comportaba a eliminación dunha terceira parte do stock de armas nucleares de longo alcance e a redución á metade do arsenal estratéxico antes de nove anos.