"AN" (Contén)

1. Relativo ou pertencente a rexión de Los Llanos ou aos seus habitantes.

2. Natural ou habitante da rexión de Los Llanos.

MUNICIPIOS

Municipio de Asturias, estendido entre a serra de Cuera e a costa cantábrica (13.276 h [2001]). O sector servicios, especialmente o turismo, é o máis desenvolvido, seguido da gandería bovina e a industria láctea. Tamén destaca o sector da madeira e do moble. O conxunto histórico da vila foi declarado Ben de Interese Cultural en 1971.

GALICIA

Arquitecto. Catedrático da Escola Técnica de Arquitectura da Coruña. Realizou, entre outros proxectos, a rehabilitación do pazo de Raxoi para o Consello da Cultura Gallega (1996), a rehabilitación da aldea de Piornedo nos Ancares (1997-1999), o ambulatorio e a ampliación do concello de Vedra (1998-1999), diferentes vivendas unifamiliares como a casa Blanco Ons en Bertamiráns (1999) e a casa Cid en Rois (2001), e o Centro social en Santa Cristina de Fecha (2002). Membro fundador e coordinador da Sección de Arquitectura do Consello da Cultura galega (1988-1998), a súa actividade investigadora centrouse na arquitectura popular de Galicia. Escribiu Arquitectura Popular en Galicia I e II (1982), Piornedo. Estudio básico para a rehabilitación integrada dunha aldea galega (1988), Alejandro de la Sota, o nacemento dunha arquitectura (1994) Arquitectura popular: razón e construción (1996). Así mesmo foi responsable de diversos informes e estudios, como Catálogo...

REXIÓNS

Rexión no centro-sur de EE UU, situada no extremo SL das Grandes Chairas. Está situada no O do estado de Texas e no L de Novo México. É unha rexión árida, atravesada polo río Pecos, ao S, e o Canadian River, ao N. O petróleo e a agricultura son a orixe das aglomeracións de Amarillo e Lubbok.

GALICIA

Xornalista. Coñecido como Bocelo, dirixiu La Voz de Galicia (1950-1968), El Ideal Gallego (1968-1971) e El Progreso (1972-1980). Como xornalista destacou pola súa columna titulada “De sol a sol”. Publicou El periodismo por dentro (1974) e Wenceslao Fernández Flórez. El autor y su obra (1985). Foi galardoado co Premio Pérez Lugín (1987) e co Premio da Asociación de Periodistas de Galicia (1997).

GALICIA

Comerciante e político. De ideoloxía liberal, foi tesoureiro do club La Esperanza. Foi denunciado e perseguido polos absolutistas trala volta de Fernando VII (1814). Participou na conspiración e sublevación de Díaz Porlier (1815) e foi membro da Xunta constituída na Coruña para organizar a administración da sublevación e exercer o poder político. Trala caída de Díaz Porlier exiliouse en Reino Unido e foi condenado a morte en rebeldía. Volveu á Coruña despois da sublevación de Riego (1820) e apoiou o novo réxime. Participou na Sociedade Patriótica e foi rexedor da cidade desde 1821. En maio de 1823 exiliouse en Liverpool.

MUNICIPIOS

Municipio da provincia de Santa Cruz de Tenerife, Canarias, na Illa da Palma, situado no val de Aridane (17.720 h [2001]). A economía baséase sobre todo no cultivo de regadío, concretamente na produción de plátanos. É o segundo núcleo urbano da illa.

GALICIA

Fotógrafo. Comezou como fotógrafo con seu pai, Francisco Llanos Trápaga. Colaborou, entre outros medios comunicación, con Faro de Vigo, La Voz de Galicia, El Pueblo Gallego, La Noche e El Correo Gallego. Durante a Guerra Civil Española colaborou na fronte de guerra co tamén fotógrafo Jalón Ángel. Realizou diversas exposicións en Vigo e na   Coruña, en que incluíu sobre todo imaxes históricas de ambas as dúas cidades. Foi galardoado con dúas cruces ao Mérito Militar e co título de Vigués Distinguido (1986). Recibiu o titulo de asociado de honra (1994) da Federación de Asociaciones de la Prensa de España.

PERSOEIRO

Pintor e escenógrafo. Comezou como escenógrafo cun espectáculo de monicreques. En 1880 instalouse en Vigo, onde abriu un estudo na rúa Elduayen e montou un cine na Alameda. A partir deses anos decidiu dedicarse ao mundo da fotografía e da cinematografía. En 1910 un incendio destruíu parte da súa obra.

PERSOEIRO

Fotógrafo. Colaborou inicialmente co seu pai, Francisco Llanos Mas. Ademais de traballar para Faro de Vigo, organizou o seu propio estudo na rúa Policarpo Sanz, en Vigo.

PERSOEIRO

Pintor. Parece ser que colaborou con Leonardo da Vinci na Batalla de Anghiari. De 1507 a 1510 pintou, con Yáñez de la Almedina, as portas do retablo maior da catedral valenciana.

PERSOEIRO

Militar. Capitán do exército, foi fusilado en Carral pola súa participación no Levantamento de Solís no ano 1846.

PERSOEIRO

Pintor. Estudiou debuxo na Escola de Artes de Vigo e diplomouse na Academia Panamericana de Nova York. O seu estilo é impresionista, non vinculado a escolas, e na técnica emprega tanto óleo como acuarela. Cultiva a paisaxe e as mariñas. Entre as súas obras destaca Ciudad de Tui.

GALICIA

Pintor e ceramista. Obtivo a medalla de prata no IV Salón de Artistas non profesionais da Coruña coa obra Vorágine Amorosa. Foi seleccionado pola ONU (1970) para enseñar cerámica en Ecuador. Realizou o escudo de Pontecesures na fachada do concello.

PERSOEIRO

Sindicalista. Afiliado inicialmente á UGT, en decembro de 1930 constituíu, no Sindicato Nacional Ferroviario e xunto con Calderón e Jacinto Méndez, o Sindicato de Industria Ferroviaria, afiliado á CNT. Membro da directiva do Centro de Estudios Germinal, en decembro de 1933 foi un dos líderes da folga xeral revolucionaria contra o goberno republicano de dereitas, na Coruña. Morreu no asalto ao cuartel da Garda Civil en Oleiros no trascurso da folga xeral convocada pola CNT.