"AP" (Contén)

Policía política do estado nacionalsocialista alemán, creada en 1933 para combater os elementos subversivos. Foi organizada en Berlín por H. Göring ao servizo do partido nazi e dependente do ministerio de Interior. En 1934 incorporouse H. Himmler, xefe das SS, como novo inspector da Gestapo. Foi a forza represiva nazi máis importante e dispuxo de medios ilimitados para conseguir os seus fins; as súas decisións non necesitaban a aprobación dos tribunais de xustiza e, polo tanto, podía aniquilar calquera disidencia dentro do Estado e incluso dentro do partido. Destacou na represión dos grupos de resistencia dos países ocupados e na eliminación das minorías políticas e dos xudeus. Despois da vitoria dos aliados, os seus axentes foron detidos e condenados como criminais de guerra.

Vo Nguyen Giap.

Tecido conxuntivo que envolve o fígado e os vasos condutores linfáticos. Foi descuberta polo médico inglés Francis Glisson.

Xénero de plantas herbáceas ou leñosas, da familia das asteráceas, que presentan follas enteiras, brácteas involucrais planas e escariosas, receptáculo plano sen escamas e froito en aquenio cilíndrico cun apéndice de filamentos libres entre eles. En Galicia está presente a especie G. uliginosum.

Institución creada polos Reis Católicos a finais do s XV co fin de controlar política e administrativamente o territorio galaico. Esta figura, que cumpría a dobre función de ser o representante da monarquía en Galicia e presidir as Xuntas do Reino e a Audiencia, tiña os seus precedentes no cargo baixomedieval de Adiantado Maior e no de presidente e gobenador do Reino de Galicia, creado en 1475 polos Reis Católicos. Ocupado xeralmente por foráneos, circunstancia que provocou o absentismo e o desinterese destas personaxes polos asuntos galegos, desempeñárono durante o reinado de Carlos I dous galegos, Alonso de Fonseca e Fernando de Andrade e Pérez das Mariñas. O Gobernador Capitán Xeneral, ademais de gozar dun gran prestixio, contaba cunha remuneración moito máis elevada ca dos restantes cargos institucionais. Como figura de maior rango político na Galicia da Idade Moderna, gozou de grandes competencias gobernativas, xudiciais e militares pero, que co tempo, foron transferidas á Audiencia,...

Conxunto de orgánulos situados no citoplasma celular, preto do núcleo, nas células animais e nalgunhas vexetais. Foi descuberto no ano 1898 por C. Golgi. Os ditiosomas están formados por un montón de sáculos aplanados, que nunca se envolven de ribosomas. Dos sáculos dos ditiosomas emítense gránulos de secreción de natureza glicídica, proteica ou glicoproteica. A síntese dos glícidos ten lugar no mesmo aparato de Golgi. No caso dunha secreción proteica, o ergastoplasma sintetiza as proteínas pero estas transportaranse nos sáculos de Golgi; no caso dunha secreción glicoproteica, o aparato de Golgi sintetiza a metade glicídica da molécula. Tamén recibe o nome de complexo de Golgi.

Xénero teatral hindú creado a finais do s XIX no estado de Andhra Pradesh, a partir de formas teatrais e de danzas realizadas por mulleres que pertencían ás familias da corte e derivado doutro xénero anterior, o kuchipudi. Etimoloxicamente, o xénero fai referencia a un diálogo ou debate entre mulleres, e adoitaba mesturar danza, música e recitados poéticos dialogados. Consistía nun espectáculo que se representaba durante toda a noite e que continuaba durante tres veladas consecutivas.

Antiga cidade de Persia. Foi un destacado centro cultural nestoriano. Influíu notablemente no nacemento da actividade científica e intelectual do Islam. Contou cunha famosa escola de medicina.

Relixioso mercedario. Colaborou nas revistas La Merced e San Ramón y su Santuario e publicou Una flor que se marchita (1916), Las veladas en el hogar doméstico (1917), Los golfos (1919), Un abrazo histórico (1922) e Despertador mercedario (1928).

Gonzalo Fernández de Córdoba y Herrera.

Organización considerada o brazo armado do Partido Comunista de España (Reconstituido), grupo de extrema esquerda fundado en 1975 a partir da antiga Organización Marxista Leninista de España (OMLE), que existía desde 1968. Acadou notoriedade en decembro de 1976 ao secuestrar o presidente do consello de Estado, A. M. de Oriol e o xeneral E. Villaescusa. Durante a década de 1980 uníronse ás campañas a prol da reunificación de presos levando a cabo folgas de fame de varios meses de duración nas que pereceu algún dos seus membros. Mantiveron a súa actividade ata o ano 2000, e unha das súas últimas accións foi o secuestro nunca resolto do empresario Publio Cordón, en 1995.