"AN" (Contén)

REXIÓNS

Rexión do centro de Escocia, entre as Highlands, ao N, e os Uplands, ao S. É a zona máis rica e máis poboada do país. Distínguense dúas zonas, unha parte occidental, moi húmida, con pastos que permiten a cría de bóvidos; e outra oriental, con chairas máis soleadas e cultivos de trigo, avea e patacas. O solo é rico en carbón e a industria desenvolveuse ao redor das concas hulleiras. A cidade máis importante é Edimburgo.

GALICIA

Relixioso agostiño. Coñecido como o Cicerón galego e Tertulián español, foi elexido vigair xeral no convento de Nostra Signora delle Grazie (Nápoles). Escribiu Flores Amoenae Eruditionis, Quinque Porticus Moralis Probatiae Piscinae Misticae Sanitatis (1717) e Phoenix Renatus ad Thora Augustinus, sobre a vida de Santo Agostiño (1601).

GALICIA

Realizador cinematográfico. Comezou como director con Retorno a Tagen Ata (1975), primeira película galega rodada no formato profesional de 35 mm. Coa súa produtora Praia Lenta Films recuperou e reeditou en 1980, en colaboración co Museo do Pobo Galego, o documental de Antonio Román El hombre y el carro (1940). Posteriormente realizou os documentais, en 16 mm, Os oleiros (1975), El castaño (1979) e Manzaneda (1979). En 1981 dedicouse á publicidade a través da súa empresa Eloy Lozano Publicidad e, en 1994, realizou a curtametraxe Entrevista, ademais de crear en 1996 o OFF (Ourense Film Festival). En 2000 comezou a rodaxe da súa primeira longametraxe, Belas dormentes (2001).

GALICIA

Xornalista. Coñecido como Antón Luaces, colaborou en El Correo Gallego, La Voz de Galicia, El Ideal Gallego e Atlántico Diario. Membro da xunta directiva do Colexio de Xornalistas de Galicia, dirixiu o programa radiofónico Españoles en la Mar, de Radio Exterior de España. Relator e presentador de diversos espacios radiofónicos dedicados á emigración galega, foi director de RNE en Galicia. Recibiu a Vieira de Prata ao programa de maior audiencia en España e o Premio Galicia de Comunicación (1995), ademais de numerosos recoñecementos de asociacións e institucións de emigrantes.

PARROQUIA

Parroquia do concello de Brión baixo a advocación de san Xulián.

CAPITAIS

Capital de Angola e da provincia homónima, situada na costa do Atlántico (2.555.000 h [1999]). É o segundo porto do país despois do de Lobito. No sector industrial destaca a industria alimentaria, azucreira e cervexeira, de artículos manufacturados e de cemento. Tamén ten refinería de petróleo. Fundada polos portugueses en 1576, durante tres séculos foi un centro de exportación de escravos.

RIOS

Río de Zambia, afluente pola esquerda do Zambeze (640 km).

CIDADES

Cidade de Zambia, situada no centro do estado, entre Kitwe e Ndola (146.275 h [1990]).

CAPITAIS

Capital da provincia de Huíla, Angola, situada na vertente meridional do altiplano de Bié (105.000 h [1984]).

PERSOEIRO

Político neerlandés. Coñecido como Ruud Lubbers, foi membro do Katholieke Volkspartij (KVP) entre 1973 e 1997. Ministro de Facenda durante o goberno de Den Uyl (1973-1977), foi elixido presidente do grupo parlamentario dos democristiáns denominados Christen Democratisch Appèl (CDA), integrado polo antigo KVP e outros partidos confesionais en 1978. Primeiro ministro entre 1982 e 1993, foi nomeado alto comisionado da ONU para os refuxiados en 2001.

GALICIA

Fotógrafo publicitario. Presidente do Club Escuela Vigoglobo, foi un dos primeiros pilotos de globos aerostáticos en Galicia. Ademais de participar na elaboración da Guía do Museo Quiñones de León de Vigo, colaborou nos volumes Viens en Galice (1991) e Camelias para elas (1999).

IGREXAS

Igrexa situada en Ares. Foi construída polo abade Trutinio por orde de Afonso II no ano 830. A igrexa que se conserva parece de fábrica posterior, de arredor do s XV cun estilo de transición ao Renacemento. Ten torre cadrada e unha nave, e na ábsida conserva unha bóveda estrelada, con cinco claves cos nervios apoiados en columnas.

1. Que lubrica.

2. 1. Substancia que se emprega para lubricar. Consiste xeralmente en aceite ou graxa mineral (procedente do petróleo), vexetal (de oliva, de colza ou de rícino) ou animal (de castor), pero ás veces empréganse substancias sólidas minerais (talco, grafito), aire ou auga. A súa propiedade máis característica é a viscosidade. A súa variación en función da temperatura exprésase mediante o índice de viscosidade.

   2. lubricante sintético

      Lubricante que se obtén por síntese química e aditivos para mellorar o seu uso. Pode conter aceite mineral para mellorar a mestura. Normalmente os produtos básicos son clasificados en hidrocarburos sintetizados, ésters orgánicos e outros, como o poliglicol ou as siliconas. Os lubricantes sintéticos van desprazando aos minerais derivados do petróleo. Nos motores térmicos, comportan unha redución do consumo do combustible e do aceite á vez que prolongan a vida dos compoñentes do motor.

PERSOEIRO

Xornalista, fillo de Torcuato Luca de Tena y Álvarez Ossorio. Foi director de ABC (1929) e participou activamente no alzamento do 18 de xullo de 1936. Durante a Guerra Civil Española dirixiu o xornal ABC desde Sevilla. Ao finalizar a contenda foi embaixador en Chile e Grecia. En 1946 foi elixido membro da Real Academia Española.