"To" (Contén)

Deporte orixinario da India, onde se practicaba xa no s XVII co nome de poona. En 1873, o duque de Beaufort, que o practicaba na súa residencia de Badminton, deulle a regulamentación definitiva. Os partidos poden disputarse entre dous contrincantes ou dúas parellas, en pistas divididas en dúas partes por unha rede de 1,55 m de altura. Os xogadores utilizan unha raqueta semellante á do tenis, cun mango máis longo e máis fino; en lugar da pelota golpéase un cacho de corcho ou goma de forma semiesférica, coa sección plana rodeada de plumas (voadora ou shuttlecock). Nos Xogos Olímpicos de Barcelona 1992 o bádminton entrou no programa oficial. Os países do subcontinente indio (India, Paquistán, Bangladesh) manteñen a hexemonía mundial, malia que os primeiros campións olímpicos foron holandeses.

Que expele mal olor.

Denominación común que reciben os dinosauros do xénero Bagaceratops.

Xénero de dinosauros da familia dos protoceratópsidos, propios de finais do Cretáceo, de ata 1 m de lonxitude, co corpo groso, cola longa e patas sólidas, con cinco dedos nas anteriores e catro nas posteriores. Na parte posterior do cranio presenta un rebordo óseo e un corno pequeno no medio do fociño. Non ten dentes na parte superior do bico. Os xacementos máis importantes deste xénero atópanse en Mongolia.

Tratado militar asinado en Bagdad en 1955 entre Turquía e Iraq para loitar contra os grupos kurdos. Ao adherírense Paquistán, Irán e Gran Bretaña, converteuse nun tratado de seguridade rexional. Con motivo da revolución de Iraq (1958) e a retirada deste país, o tratado quedou sen valor. No mesmo ano, EE UU adheriuse ao novo tratado derivado do anterior, Central Treaty Organisation (Organización do tratado central, CENTO).

Castaña que se solta do ourizo.

ou Yildirim ‘raio’

Texto dramático co que Roberto Vidal Bolaño gañou en 1980 a oitava e última edición do Concurso Nacional de Obras Teatrais en galego Abrente, que convocaba a Asociación Cultural homónima co gallo da celebración da Mostra de Teatro Galego de Ribadavia. A obra, que confirmaba as expectativas xeradas por un dos autores máis significativos da denominada Nova Dramaturxia, marca o inicio da madureza dramatúrxica do seu autor e indica as liñas que constitúen o que se vai ir configurando como un “teatro de derrota e dignidade”, despoxado de todo idealismo e quizais tamén de calquera esperanza. A peza constrúese a partir de seis baileretadas que constitúen, en realidade, as seis estacións dun viacrucis gozoso no que os derrotados da vida saúdan e abrazan a morte como única posibilidade de vitoria e como última defensa da súa dignidade, sen deixar de facer referencia á vella Galicia rural, un mundo que desaparece engulido pola barbarie alienante das cidades e polo poder que alimenta e xustifica...

ou Constitución de Baiona

Instalación portuaria situada no litoral da cidade de Baiona, sede de capitanía marítima. Acolle unha flota pesqueira dedicada á pesca de baixura, e posúe ademais peiraos para a ancoraxe de embarcacións deportivas, capítulo no que é un dos principais portos de Galicia. A súa oferta comercial abrangue todos os servicios de abastecemento (combustibles, efectos navais, etc) e reparacións para buques de pequeno calado e de recreo. A administración do porto de Baiona correspóndelle á Xunta de Galicia a través da sociedade Portos de Galicia.

Preceptoría de Gramática outorgada polo Rei Filipe II o 14 de setembro de 1591. Nun principio o concello de Baiona defendeu que a preceptoría debía unirse ao convento franciscano da vila, cun soldo de 20.000 marabedís, pero finalmente decidiu confiar o ensino a profesores da súa designación. No ano 1595 a cátedra apareceu vinculada ao convento franciscano. A duración da preceptoría na vila foi curta, pero o ensino quedou garantido, xa que o convento de San Francisco contaba cunha escola e unha cátedra de artes. No s XVIII constatábase no convento a existencia dunha escola de Gramática.

Nome co que se coñece o grito de independencia que marca o comezo do alzamento definitivo en Cuba (23.2.1895). As concesións ofrecidas polo goberno español no mes de xaneiro non convenceron os secesionistas que, liderados por Martí, decidiron iniciar a loita para abolir o réxime colonial.

Nome dunha cidade ibera, chamada Baetulo en época romana e correspondente á actual Badalona.