"Alicia" (Contén)

ENTRADA LARGA

Comunidade Autónoma do Reino de España situada no extremo noroccidental da Península Ibérica. Limita ao N co Mar Cantábrico, ao O co Océano Atlántico, ao L co Principado de Asturias e a Comunidade Autónoma de Castela e León e ao S con Portugal. Sitúase entre os 43° 48’ e os 41° 49’ de latitude N e os 6° 44’ e os 9° 18’ de lonxitude O. Abrangue unha superficie de 29.574 km2, nos que acolle unha poboación de 2.737.370 h (2002). A capital é Santiago de Compostela.

Xeografía física

O relevo de Galicia caracterízase polo contraste topográfico entre as terras baixas costeiras situadas por debaixo dos 200 m (o 34% do territorio) e as terras máis elevadas do interior. A morfoloxía tamén sofre un marcado contraste entre as chairas elevadas da área setentrional e a sucesión de serras e depresións de orixe tectónica no sector meridional. Unha terceira oposición xeográfica márcaa a litoloxía, na maior parte...

SEMANARIOS

Semanario editado a partir do 10 de maio de 1885 en Ferrol. Imprimiuse nos obradoiros tipográficos de El Correo Gallego. Nos seus artigos tentaba dignificar a lingua galega e Galicia con traballos de F. Añón, Saco e Arce e Andrés Muruais; incluíu tamén contos e poemas, e información sobre prensa galega.

PUBLICACIÓNS

Publicación mensual editada na Coruña a partir de xaneiro de 1887. Cesou a súa edición en xuño de 1893. Tivo dúas épocas, a primeira ata maio de 1889 e a segunda que comezou en xullo de 1892. Subtitulouse “Revista regional de ciencias, letras, artes, folk-lore, etc”. Imprimiuse sucesivamente nos obradoiros tipográficos de La Voz de Galicia, de Xosé Míguez Peinó e en La Comercial. Dirixida por Andrés Martínez Salazar, incluíu diferentes artigos nos que defendía o rexionalismo. Ademais, engadiu recensións de obras literarias, historia, etnografía, cuestións de ortografía, contos e refráns.

SEMANARIOS

Semanario editado en La Habana a partir do 25 de xullo de 1902. Cesou a súa edición o 30 de maio de 1930. Fundado e dirixido por Vicente López Veiga, centrouse fundamentalmente nas actividades das sociedades de emigrantes e incluíu artigos de opinión sobre temas políticos e sociais que afectaban a Galicia. Posteriormente exerceron como directores Constantino de Horta e Xosé Benito Cerdeira. A través das súas páxinas apoiou o movemento de Acción Gallega e as reivindicacións de Basilio Álvarez. No apartado literario, inseriu poemas e narracións de destacados autores galegos.

PUBLICACIÓNS

Publicación editada en Bos Aires a partir de 1905. Subtitulouse “Revista Regional de Ciencia, Información, Literatura, Artes y Protección”. Dirixiuna María A. Vázquez.

PUBLICACIÓNS

Publicación editada en Madrid a partir de xullo de 1906. Cesou a súa edición en xaneiro de 1909. Subtitulouse “Revista quincenal ilustrada”. Fundada e dirixida por Augusto C. de Santiago, a finais de 1907 pasou a ser propiedade de Xavier Vales, Manuel Vidal e Basilio Álvarez; este último foi o seu director dende novembro de 1908. Saíu a partir duns actos políticos celebrados no día de Santiago de 1906. Incluíu biografías, crónicas de actualidade, información socioeconómica, cultural e política de Galicia e Madrid, e diversos textos literarios.

PUBLICACIÓNS

Publicación editada na Coruña a partir do 30 de maio de 1908. Dirixida por Andrés Martínez Salazar, serviu para conmemorar a Guerra da Independencia e o alzamento da Coruña contra os franceses. Imprimiuse nos obradoiros tipográficos de Ferrer. Contou coa colaboración de destacados intelectuais galegos como Pérez Costanti, Vaamonde Tettamancy, Uxío Carré e Fernández Flórez, entre outros, e incluíu diversas composicións poéticas.

PUBLICACIÓNS

Publicación editada en Ferrol a principios do s XX. Subtitulouse “Boletín rexionalista” e estaba dirixida por Xaime Quintanilla Martínez. Nas súas páxinas tentaba achegar o galeguismo aos obreiros da cidade.

DIARIOS

Diario editado a partir do 25 de xullo de 1922. Cesou a súa edición o 15 de setembro de 1926. Subtitulouse “Diario de Vigo”. Dirixiuno inicialmente Felipe Lavandeira que, posteriormente, foi substituído por Valentín Paz Andrade. O seu carácter galeguista e de esquerdas fixo que sufrira unha suspensión do goberno de Primo de Rivera en 1925. Prestou unha atención especial ás noticias de Vigo e Galicia. Ademais de crítica literaria, contos, folletíns e poemas de destacados escritores galegos, nas súas páxinas incluíronse ilustracións de Castelao da serie “Cousas”. Pola súa importancia literaria cómpre destacar a sección “Domingos literarios de Galicia”.

SEMANARIOS

Semanario editado na Coruña a partir do 25 de agosto de 1924. Cesou a súa edición o 5 de agosto de 1926. Dirixido por F. Montero Doíztua, incluíu comentarios sobre libros da colección Lar e poemas. Foi substituído por Galicia Gráfica.

PUBLICACIÓNS

Publicación editada a partir de xuño de 1926. Subtitulouse “Revista del Centro Gallego de Buenos Aires” e foi a substituta do Boletín oficial del Centro Gallego. Dirixírona Luís Seoane (1940-1957), Eduardo Blanco Amor (1957-1965), Xosé Blanco Amor (1967-1970), Xoán Barreiro (1970-1971), Valentín Fernández (1971-1976), Xoán M. Pérez (1976-1978), Alfredo Baltar (1978-1981) e Rodolfo Alonso (1981). A través dos seus ensaios, artigos e documentos tentou servir como elemento difusor da cultura galega e como medio informativo das actividades dos emigrantes na Arxentina. A partir de 1932 abundaron as referencias ao nacionalismo e ao proxecto do Estatuto de Autonomía, así como novidades do Seminario de Estudos Galegos e da Real Academia Galega. A partir de 1979 subliñou a importancia para Galicia da aprobación do devandito Estatuto e ofreceu información sobre as actividades do Instituto Argentino de Cultura Gallega. Incluíu ademais poemas e contos dos principais escritores e intelectuais...

PUBLICACIÓNS

Publicación editada a partir de agosto de 1929 en Montevideo. Cesou a súa edición en xaneiro de 1931. Subtitulouse “Revista del Centro Gallego de Montevideo”. Nos seus últimos números dirixiuna Julio Sigüenza. Substituíu temporalmente á Revista del Centro Gallego. Incluíu composicións poéticas, contos, recensións de novidades literarias e artigos sobre o emprego do galego na universidade, o teatro en Galicia, o galeguismo, etc.

DIARIOS

Diario editado en Ourense a partir do 15 de xuño de 1930. Cesou a súa edición ao redor de 1937. Fundado por Marcial Ginzo Soto, na súa dirección participaron o propio fundador, Ricardo Outeiriño, Antonio López e Xosé Rodríguez. Seguidor das doutrinas políticas de Calvo Sotelo e defensor da relixión católica, centrou os seus ataques nas posturas republicanas e comunistas. Na súa redacción colaboraron destacados escritores galegos como Vicente Risco, Manuel L. Acuña, F. López Cuevillas e Fernández Oxea.

SEMANARIOS

Semanario editado en Bos Aires a partir do 7 de decembro de 1930. Foi o voceiro da Federación de Sociedades Galegas de Buenos Aires. Fundado e dirixido inicialmente por Antón Alonso Rios, sucedéronse no cargo Suárez Picallo, Blanco Amor, Avelino Díaz e Arturo Cuadrado. Tentou converterse en medio informativo da colectividade galega na capital arxentina e reivindicar a emancipación do pobo galego. Incluíu ademais textos de destacados intelectuais galegos, artigos sobre escritores e poesías. Foi o substituto de El Despertar Gallego.

PUBLICACIÓNS

Publicación editada en Madrid a partir do 25 de xullo de 1932. Cesou a súa edición en xuño de 1933 (nº 10) e reapareceu en outubro de 1934 co subtítulo de “Revista mensual ilustrada”. Dirixiuna Xosé Boullón e contou co apoio da Mutua Gallega Quinta Salud. No seu equipo de redacción participaron o director literario L. Conde de Rivera, Casado Nieto e Salvador García-Bodaño. Incluíu poesías e textos literarios de destacados intelectuais galegos.

PUBLICACIÓNS

Publicación editada a partir de 1943 en México. Cesou a súa edición en 1947. Foi a voceira da Alianza Nazonal-Galega, integrada por políticos e sindicalistas de todas as correntes de esquerdas. Editada inicialmente por Ramón Troncoso, co tempo pasou a mans de Juan García Gómez. Ademais de información política, incluíu pequenas contribucións literarias.

PUBLICACIÓNS

Publicación aparecida ao redor de 1946 e subtitulada “Revista de Orientación Antifranquista”. De tendencia comunista, editouse na clandestinidade. Dirixiuna probablemente Gómez Gayoso.