"CIO" (Contén)

1. Acción de aglomerar ou aglomerarse.

2. Masa ou conxunto de cousas ou persoas aglomeradas.

3. Parte do proceso de instantaneización que permite conseguir, mediante a humidificación controlada, que produtos que forman gromos ao seren engadidos á auga ou ao leite se disolvan facilmente. É o caso de substancias en po como o cacao, o leite deshidratado, o café soluble, etc.

4. Conxunto de vivendas compacto e de calquera dimensión. A aglomeración rural é unha unidade de poboación rural agrupada (lugar, aldea); a aglomeración urbana é unha unidade de poboación urbana (vila, cidade). En xeografía urbana resérvase o nome de aglomeración para designar o conxunto formado por unha cidade principal e por outras cidades menores veciñas (Nova York, Gran Bilbao, Golfo Ártabro, Rías Baixas).

5. Acción de reunir partículas de pequenas dimensións, homoxéneas ou heteroxéneas, en masas, máis ou menos compactas, de maior dimensión, sen facelas pasar polo estado líquido. Casos particulares de aglomeración son a granulación, a nodulación, a compactación, a sinterización e, en termos xerais, a extrusión.

1. Acción de aglutinar ou aglutinarse.

2. Procedemento polo cal dúas ou máis palabras se xuntan para constituír unha soa; combínanse palabras primitivas e forman palabras compostas, nas que, xeralmente, tivo lugar unha variación, máis ou menos acusada, nos compoñentes das novas palabras. Mediante o proceso da aglutinación, as linguas obteñen novas palabras.

3. Aglomeración de determinados corpúsculos en suspensión (microorganismos, eritrocitos, etc) portadores dun antíxeno pola presencia, no líquido da suspensión, do anticorpo específico correspondente. Utilízase como medio diagnóstico para identificar microorganismos e para determinar os antíxenos dos eritrocitos e anticorpos presentes no soro.

4. Aglutinación dos eritrocitos como consecuencia da reacción específica dos aglutinóxenos ante as súas correspondentes aglutininas, que provoca a hemólise.

1. Parentesco de consanguinidade por liña exclusivamente masculina.

2. Parentesco civil existente entre o pater familias e todas as persoas sometidas á súa patria potestade.

1. Antigamente, aprobación ou recoñecemento dun dereito.

2. anagnórise.

PERSOEIRO

Escultor e arquitecto italiano. Influído por Donatello, esculpiu baixorrelevos no Tempio Malatestiano de Rímini (1449), onde colaborou con Leone Battista Alberti. Preconizou a estética de Botticelli.

PERSOEIRO

Independentista cubano. Estudiou leis e uniuse a Céspedes contra os españois (1868). Redactou a primeira Constitución da República Cubana (1869). No 1870 foi o xefe das tropas rebeldes. Morreu en acción de guerra.

1. Empeoramento dunha situación, dunha enfermidade, etc.

2. Aviso con ameaza de excomuñón publicado despois de tres admonicións.

1. Acción e efecto de agregar ou agregarse.

2. Unión histoxenética de células disociadas.

3. Reunión de individuos dunha mesma especie nun territorio reducido.

4. Conxunto de sons verticais que, a diferenza do acorde, non están suxeitos a leis harmónicas tradicionais.

5. Categoría do profesor agregado.

6. Unión dunha ou diversas leiras ou dunha ou diversas partes segregadas de leiras inscritas nunha outra tamén inscrita, sempre que esta represente o quíntuplo daquelas ( agrupación). Nas leis de patrimonio está expresamente prohibida a agregación de soares urbanos para evitar a deturpación dos conxuntos históricos e trazado urbanístico.

7. Unión dun municipio a outro co que fai linde na súa totalidade ou en parte.

8. Fase da hemostasia consistente na aglomeración de plaquetas no foco da lesión vascular. Este feito vén desencadeado polo contacto das plaquetas co tecido endotelial.

1. Acción e efecto de agrupar ou agruparse.

2. Conxunto de cousas ou de persoas agrupadas, xeralmente afíns.

3. Unidade máis pequena na estrutura orgánica dos partidos políticos que reúne os afiliados de base á cabeza da cal se sitúa un secretario xeral ou afín segundo os partidos.

4. 1. Reunión de forzas militares de diversos exércitos coa finalidade de constituír un conxunto operativo para cumprir unha misión. A súa composición varía segundo as necesidades da acción militar; normalmente ten como base un ou máis batallóns de infantería, aos que se suman unidades de artillería ou carros.

   2. agrupación táctica

      Agrupación que ten por base dous ou máis batallóns ou grupos tácticos.

5. Modalidade contractual de colaboración entre empresarios que sen crear un ente con personalidade xurídica propia, serve para facilitar ou desenvolver en común a actividade empresarial dos seus membros. A agrupación temporal de empresas é unha fórmula de colaboración que adoita ser empregada polas pequenas empresas do sector da construción para a realización de obras de grande envergadura (infraestruturas de comunicación, edificios administrativos, equipamentos culturais ou deportivos, etc), disolvéndose unha vez rematada a obra.

6. Unión de dúas ou máis leiras inscritas para formar outra con número diferente das agrupadas, sempre que se trate de fincas veciñas ou, se son discontinuas, formen unha finca funcional. Nas leis de patrimonio está expresamente prohibida a agrupación de soares urbanos para evitar a deturpación dos conxuntos históricos e trazado urbanístico consolidado.

7. 1. agrupación de municipios

      Previsión constitucional ou estatutaria para poder establecer circunscricións territoriais propias diferentes da provincia. Na constitución española de 1978 contémplase esta posibilidade (artigo 141. 3), ao abeiro da cal se teñen constituído en Galicia diversas mancomunidades de municipios para a prestación, financiamento e xestión en común de servicios (en Ferrolterra, en Vigo, no Xallas, no Morrazo, etc) e 53 comarcas segundo a Lei de Desenvolvemento Comarcal de Galicia (1996).

   2. ...