"EAT" (Contén)

Compañía teatral que crearon en 1996 no Carballiño a actriz Josi Lage e o actor Jouse García. O colectivo desenvolve un importante traballo de animación teatral en colexios e asociacións culturais da comarca do Carballiño. En 1997 presentaron o primeiro espectáculo Sobre o dano que fai o tabaco, que está baseado no texto de Antón Čekhov, e que o dirixiu Xesús Ron. Tamén estrearon Crimes anónimos (1999), sobre textos de Max Aub, con dirección de Roberto Cerdá, Rexurdimento. Coplas de cego (2000), con texto e dirección de Afonso Becerra, O porqué das cousas (2003), de Quim Monzó, e Ás veces sentímonos tan cansos que facemos estas cousas (2004), de Rodrigo García, dirixidas ambas as dúas por Roberto Cerdá.

Concurso teatral convocado en 1972 pola Agrupación Cultural O Facho como celebración do décimo aniversario desta agrupación e co obxectivo de axudar a crear un teatro infantil en galego. Cunha periodicidade bianual, que non se cumpriu entre a VI e a VII edicións (celebradas en 1983 e 1986, respectivamente), este premio constituíu un fito na produción de literatura dramática infantil, que contaba con moi pouca presenza en Galicia. Resultaron gañadoras do premio obras como As laranxas máis laranxas de todas as laranxas, de Carlos Casares (1973), Viaxe ao País de Ningures, de M. Lourenzo (1975), A benfadada historia de Coitado Bamboliñas, de Xulio González Lourenzo (1977), Viva Lanzarote, de Manuel Lourenzo (1981), Grande invento para saír do aburrimento!, de Ana Mª Fernández Martínez e Xoán Babarro González (1983) ou A estranha e misteriosa história de Otunga e os otunguenhos, de Joel R. Gómez (1990).

Grupo de teatro creado na Coruña en 1965 ao abeiro da Agrupación Cultural do mesmo nome, se ben inicialmente recibiu o nome de Grupo Independente de Teatro, vinculado ao movemento das Xuventudes Comunistas. Foi un dos primeiros colectivos teatrais do teatro contemporáneo galego e un viveiro de actores e directores que terían considerable protagonismo na creación das primeiras compañías profesionais. O seu primeiro director foi Manuel Lourenzo, que presentou diversas lecturas dramatizadas a partir de textos de L. Pimentel, A. Castelao ou Celso E. Ferreiro, e os espectáculos O cabalo do cabaleiro (1965), de Carlos Muñiz ou O Señor Bonhome e os incendiarios, de Max Frisch. Dos seus espectáculos posteriores destacan O Santo Grial (1972), de Nina Epton, con dirección de Xosé Manuel Rodríguez Pampín, As laranxas máis laranxas de todas as laranxas (1973), sobre o texto de Carlos Casares, O retábulo da peste (1979), con texto de I. Bergman, ou Panchino,...

Calquera sal ou éster do ácido oleico. Os oleatos dos metais alcalinos presentan propiedades humectantes, deterxentes e emulsionantes e forman parte da constitución da maioría de xabóns comerciais.

Compañía de teatro creada na década de 1980, que introduciu novas técnicas e habilidades escénicas no panorama teatral galego. En 1993 fusionouse con Tranvía Teatro para dar lugar á compañía Ollomoltranvía. Da súa produción destacan Moleques (1991) ou Fas e Nefas, dirixida por Xan Cejudo (1991)

Club de baloncesto fundado en Ferrol en 1951. O seu primeiro presidente foi Jaime López Pérez, e competiu como equipo xuvenil ata 1957. Ascendeu a Primeira División na tempada 1979-1980. Despois de sete anos na máxima categoría, descendeu a Primeira División B. Logrou de novo o ascenso á liga ACB na tempada 1987-1988, onde permaneceu ata 1993-1994. Participou en tres edicións da Copa Korac (1981-1982, 1982-1983 e 1984-1985) e en 1995 cedeu os seus dereitos deportivos ao C.B.Galicia de Ferrol.

Forma prefixada de orixe grega que se emprega na formación de palabras co significado de ‘páncreas’.

Extirpación cirúrxica do páncreas.

Relativo ou pertencente ao páncreas.

pancreat(o)-.

Exame radiográfico do páncreas tras a inxección dunha substancia iodada de contraste no conduto de Wirsung.

Pé métrico da poesía grega e latina, composto por tres sílabas breves e unha longa, que se combinan de xeitos diversos.

Relativo ou pertencente ao peón ou viandante.