"Az" (Contén)

Construción do s XVII situada na Picoña (Salceda de Caselas). Trátase dun conxunto de varias edificacións que forman unha planta en L, cun torreón no corpo menor. Destaca a solaina de sete arcos situada sobre o soportal, que percorre a fachada principal e o acceso a través dun portal con escudo e troneiras. Ten unha capela nas proximidades de pequenas dimensións.

Construción situada na parroquia de Pesqueiras (Chantada). Ten planta rectangular con patio interior, e torre no lateral dereito. Na parte posterior sitúanse as dependencias do servizo e unha eira.

Construción situada en Santo Estevo de Folgosa (O Corgo). Ten planta cadrada cun saínte en forma de L, que foi engadido posteriormente e onde se sitúa a galería. Foi construído en cachotaría, agás a fachada principal, os vans e os esquinais que están realizados en cantaría. Destaca o patio interior de forma rectangular, provisto dunha arcada cun corredor con balaustrada de pedra enriba. Na fachada principal destaca un monumental escudo.

Construción situada na parroquia de Caamouco (Ares). Ten planta rectangular e está realizado en cantaría na cornixa, nos vans e nos esquinais. Conta cunha capela acaroada e nos arredores sitúanse as vivendas dos caseiros, un pombal, cocheiras e hórreos. Está rodeado de horta, campos de labranza e xardíns na parte principal.

Construción situada en Culleredo. Edificado a comezos do s XVIII por Juan Sánchez del Pino, a fachada configúrase en forma de L e nela destaca un patín ao que se accede por medio dunha escaleira disposta en ángulo. Sobre a porta sitúase un escudo. A parte posterior presenta forma de U, como consecuencia de pegar ao corpo principal do pazo un forno nun lado e unha capela, polo outro, que enlaza por un paso elevado. A vivenda ten dúas alturas, a inferior acolle os diversos servizos do pazo e a superior os cuartos e as estancias.

Construción situada na parroquia de Piñor (Barbadás). Consta de dous edificios de distintas épocas, con dúas alturas diferentes. O máis moderno, de planta rectangular, está inserido no outro. Hai unha capela preto do edificio.

Composto heterocíclico saturado que consiste nun anel de seis membros que contén dous átomos de nitróxeno en posicións relativas 1,4. Emprégase en medicina como antihelmíntico, diurético e disolvente do ácido úrico, como insecticida e como inhibidor da corrosión.

Composto heteróclito que consiste nun anel de seis membros insaturables que contén ao mesmo tempo dous átomos de nitróxeno en posicións relativa 1, 4.

Composto heteróclito de elevada toxicidade que, formado por un anel de cinco membros insaturable, contén ao mesmo tempo dous átomos de nitróxeno en posicións relativas 1, 2. Presenta carácter aromático. Pode existir de dúas formas tautómeras. O pirazol é lixeiramente básico e forma sales cos ácidos inorgánicos. Malia ser resistente aos oxidantes e aos redutores, pode ser hidroxenado por medio de procedementos catalíticos, primeiro en pirazolina e despois en pirazolidina, ambos os dous compostos bases máis fortes ca o propio pirazol.

Cada un dos compostos carbonílicos heterocíclicos isómeros derivados formalmente do pirazol. A 5-pirazolona é un sólido cristalino que se funde a 165 °C, soluble en auga e en alcohol. As 5-pirazolonas empréganse en medicina como antipiréticos, e a máis importante é a denominada antipirina.

Composto heterocíclico insaturado, que consiste nun anel de seis membros que contén ao mesmo tempo dous átomos de nitróxeno en posicións relativas 1, 2.

Golpe dado co pitambón.

Palacio construído en Florencia sobre un deseño de Filippo di Ser Brunelleschi (s XV) por encargo do comerciante Lucca Pitti en 1440. Os Medici continuaron as obras, dirixidas por Ammanati (1558-1570) e sufriu posteriores ampliacións. É un dos modelos básicos da tipoloxía do palacio florentino. Contén a Galería Pitti, baseada nas riquísimas coleccións de obras de arte de Cosme II e Fernando II de Toscana, enriquecida despois por outros membros das familias Medici e Lorena.

Plan pedagóxigo redactado por Vicente Risco a petición da III Asemblea Nazonalista Galega, celebrada en Vigo. O Plan, na óptica da escola nova no tocante ás súas propostas, establecía sete apartados: a) o edificio escolar, que bebe cumprir unhas condicións hixiénicas, pedagóxicas, estéticas e educativas adecuadas;   b) a ordenación do interior dos centros, en que defende unha aula ampla, luminosa e funcional; c) a vida escolar, que debe respectar a personalidade e o carácter de seu do neno; d) os profesores, que deben estar comprometidos co país e usar o galego na escola; e) os métodos de ensino, baseados na escola nova; f) o galego na escola, en que se prioriza a presenza ou ensino en galego para facilitar e optimizar a aprendizaxe; e f) o ensino da cultura galega nas escolas, en que se debe incluír no programa de estudos disciplinas referentes a Galicia.