"CIO" (Contén)

dura.

Mª de los Ángeles de las   Heras Ortiz.

Transformación morbosa dunha cartilaxe ou dun óso nunha materia calcaria que polo seu aspecto lembra o marfil.

Transformación en eccema.

Sistema de orientación de certos animais que consiste na emisión de ondas ultrasonoras que, ao seren reflectidas pola superficie de obxectos presentes no medio, son captadas polo mesmo animal emisor, que é capaz de interpretalas e de orientarse; deste xeito, pode evitar obstáculos, capturar presas e realizar outras actividades na escuridade. Este sistema emprégano os morcegos e os golfiños, entre outros.

Acción e efecto de ecualizar.

Conxunto de procesos físicos, químicos e biolóxicos que conducen á formación do solo sobre a rocha núa.

1. Impresión ou publicación dunha obra ou escrito.

2. Reprodución dunha obra, por medios manuais ou mediante a imprenta, para a súa difusión. Durante a Idade Media, a reprodución realizábase nos mosteiros e, a partir do s XIII, nas universidades, a través do traballo organizado dos copistas. A invención da imprenta incrementou as posibilidades de espallar os textos e ofreceu maiores garantías de transmisión fiel ao orixinal, posto que permitía solventar erros de transcrición.

3. Conxunto de exemplares dun escrito, sobre todo de libros, impresos nunha mesma tiraxe. Para que se trate dunha nova edición téñense que efectuar cambios no contido ou no deseño da obra, senón trataríase dunha reimpresión.

4. Conxunto de xornais co mesmo número e referencia do día e do momento de saída.

5. edición abreviada

   Edición dun texto no que se suprimiron ou resumiron fragmentos considerados non esenciais para a comprensión do mesmo.

6. edición ampliada/aumentada

   Edición dunha obra acrecentada con novas materias con respecto á edición anterior.

7. edición anotada/comentada

   Edición que inclúe comentarios destinados a esclarecer ou complementar o texto orixinal do autor.

8. edición autorizada

   Edición que conta coa autorización expresa do autor, ou da persoa que posúe os dereitos editoriais, para diferenciala das edicións clandestinas ou non autorizadas.

9. edición completa

   Edición que comprende todas as obras dun autor.

10. ...

Empresa editorial creada en Vigo en 1989. Fundada e dirixida por Severino Cardeñoso Álvarez, conta con máis de 400 títulos publicados. Ademais das súas coleccións de contos literarios, poesía, narrativa, temas de Galicia, medicina e esencias, tamén publica dúas revistas, Miscelánea Literaria, mensual, e Tribuna de la Cultura, semestral.

Empresa editorial fundada en Vigo en 1987, pertencente ao grupo Promocións Culturais Galegas. Dirixida por Cesáreo Sánchez Iglesias, conta con máis de 200 títulos publicados. Está especializada en materiais curriculares para o ensino, ciencias sociais, gastronomía, ensaio, humanidades, narrativa para adultos e literatura infantil e xuvenil. Divide a súa produción editorial nas coleccións “A Nosa Terra Infantil”, “A Nosa Historia”, “Historia Universal”, “A Nosa Natureza”, “A Nosa Terra-ASPG”, “Biblioteca A Nosa Terra: ensaio Nós os galegos”, “Campus”, “Historia de Galicia”, “O fardel da memoria” e “Prensa e criación”. Ademais, encárgase da edición da publicación semanal A Nosa Terra, do boletín trimestral Cadernos monográficos de pensamento e cultura, e das publicacións semestrais A Nosa Cultura e A Nosa Historia.

Empresa editorial fundada na Coruña en 1990. Como editora traballa María Inés Ruíz Correa e como director adxunto Xoán Miguel Pazos Castelo. Con máis de cen títulos publicados, tenta ofrecer novas obras e manuais dedicados ao ensino, fóra dos clásicos libros de texto, e oferta novos materiais didácticos e un apoio complementario, cunha programación variada e novidosa. Publica, entre outros, libros científicos e técnicos, manuais de texto, libros ilustrados e de gran formato, literatura e cómics, divididos nas coleccións “As Nosas Vilas”, “Baía Branca”, dedicado á poesía, “Baía narrativa”, “Baía verde”, “Ensaio”, “O Ensaio”, “O abc”, “Cómic”, “Guías e recursos”, “Guías do patrimonio cultural”, “Coñecemento do medio” e “Oposicións”.

Empresa editorial fundada en Vigo en 1964 polos irmáns Emilio, Xosé María e Álvaro Álvarez Blázquez. Un dos obxectivos fundamentais deste proxecto foi o de divulgar, dun xeito económico, a narrativa galega nos sectores máis populares. Publicou inicialmente unha serie de volumes de investigación titulados como Cuadernos de Arte Gallego. A partir de 1967 editou unha colección de textos breves co nome de O Moucho e outra denominada Pombal, na que se recolleron obras de autores clásicos da literatura galega como Rosalía de Castro, Curros Enríquez ou Eduardo Pondal.

Empresa editorial fundada en Lugo en 1938. Publicou libros en galego e castelán, tanto de narrativa como de poesía. Entre algúns dos autores que colaboraron no proxecto editorial cómpre salientar a Castelao, Xosé Neira Vilas, Manuel María e Xesús Alonso Montero.

Empresa editorial aparecida en 1980 en Santiago de Compostela. Destacou na edición de libros de poesía, para o que contou coas autoras María X. Queizán e Helena Villar Janeiro. Ademais, encargouse de agrupar e editar a Obra Literaria Completa (1980), de Fermín Bouza Brey.

Empresa editorial creada en 1988 en Vigo. Dirixida inicialmente por Carlos Blanco Yáñez, daquela presidente da Asociación Galega de Editores, á súa morte substituíuno Antón Mascato. No seu comezo centrou a súa actividade na edición xeral de libros, en especial literatura infantil e xuvenil (“curuxa” e “gaivota”), narrativa para adultos, da que destaca a colección de novela policial “cómplice” e material complementario de ensino (“guías de lectura”, “criterio”, “manuais”, etc). En 1994 comezou a súa actividade musical, nun principio baixo a dirección de Suso Vaamonde, e logo de Cándido Meixide. O folk (Treixadura e Liorna), o rock (Túzaros e Xenreira), e a música tradicional (Pallamallada, Xistra e Ultreia), son os estilos máis destacados, aínda que tamén atende as chamadas novas músicas (Tangata e Emilio Rúa). Unha das súas especializacións é a cartografía e a publicación de guías turísticas, como mapas de Galicia, de comarcas e de espacios naturais, planos de vilas e cidades, e guías de...

Empresa editorial constituída en Ferrol en 1993. Fundárona Francisco Rodríguez López, os irmáns Carlos e Antonio Miragaya Casteleiro e Miguel Toval Porta. A súa colección máis antiga é “Biblioteca de Ferrolterra”, na que se integran unha serie de publicacións de historia e historiografía, así como traballos nos que se recuperan textos ferroláns do s XIX. Ademais posúe unha colección infantil, outra de narrativa galega e a serie “Documenta”. Entre os anos 1993 e 1999 tirou do prelo a publicación mensual Crónica de Ferrolterra e dende 1999 o Anuario de Ferrolterra, no que se reúne a actualidade dos concellos de Ferrol, Eume e Ortegal.